Luhlelo Lweliviki Lelicala Nga-January 7
LIVIKI LELICALA NGA-JANUARY 7, 2013
INgoma 104 Nemthantazo
□ Sifundvo SeliBhayibheli Selibandla:
jr-ZU sehl. 3 ¶13-19 (30 imiz.)
□ Sikolwa Semsebenti WemaKhristu:
Kufundvwa kweliBhayibheli: Matewu 1-6 (10 imiz.)
No. 1: Matewu 5:21-32 (4 imiz. nobe ngephansi)
No. 2: Yini Lengenta Imithantazo Yemuntfu Ingemukeleki KuNkulunkulu?—rs-ZU likh. 391 ¶7–ekh. 392 ¶7 (5 imiz.)
No. 3: Kusho Kutsini Kutsi Jehova ‘Usabelo Sakho?’—Num. 18:20 (5 imiz.)
□ Umhlangano Wemsebenti:
INgoma 38
10 imiz: Tindlela Lesingatisebentisa Nasihambisa Bomagazini Nga-January. Inkhulumo ledzingidvwa netilaleli. Sebentisa imizuzwana lengu-30 kuya kulengu-60 usho lokwenta labomagazini batsandzeke ensimini yenu. Ngemuva kwaloko, usebentisa tihloko letihambisana nesihloko lesikhulu ku-Sicongosekulindza, cela tilaleli tisho umbuto letingawubuta lotawutsintsa umuntfu leticoca naye bese tisho nembhalo letingawufundza. Yenta lokufanako nangetihloko letihambisana nesihloko lesikhulu ku-“Phaphama!” futsi nangabe sikhatsi sivuma, ungakhulumela sihloko sinye kunome ngumuphi walabomagazini. Akube nemboniso wendlela lokungahanjiswa ngayo magazini ngamunye.
10 imiz: Tidzingo telibandla.
10 imiz: LiHholwa LeMbuso Lelihlobile Lidvumisa Jehova. Inkhulumo leyetfulwa ngulomdzala. Jehova unguNkulunkulu longcwele, ngako-ke kuhloba kufanele kube yintfo lehamba embili etincekwini takhe. (Eks. 30:17-21; 40:30-32) Ngekugcina indzawo yetfu yekukhontela ihlobile futsi ibukeka kahle, sikhatimulisa Jehova. (1 Phet. 2:12) Shano lokuhlangenwe nako kwasendzaweni yakini nobe lokushicilelwe, lokukhombisa indlela kubukeka kahle kweliHholwa leMbuso lokwaniketa ngayo bufakazi emmangweni. Coca nemzalwane locondzisa kuhlantwa nekunakekelwa kweliHholwa, umcele asho emalungiselelo elibandla ekwenta loku. Khutsata bonkhe kutsi bahlanganyele ekugcineni liHholwa leMbuso lisesimeni lesihle.
INgoma 127 Nemthantazo