Uyihlola Njalo Yini Ibhodi Yetimemetelo?
Labadzala, tinceku letisebentako nalabanye labanetabelo ebandleni bavame kuyihlola ibhodi yetimemetelo kuze babone kutsi tinini tabelo tabo. Nome kunjalo, bonkhe ebandleni bangatfola imininingwane lebalulekile kulebhodi. Uyati yini kutsi linini ligema lakho lekuhlanta liHholwa leMbuso? Umbonisi wesifundza nobe ligatja linitfumelele yini tincwadzi letibalulekile ebandleni? Uyasati yini sihloko senkhulumo yelinyenti saleliviki kuze ukhone kumema lomchubela sifundvo? Lukhona yini lushintjo lolwentiwe eluhlelweni lwemihlangano nobe ecenjini lakho lasensimini? Lokunyenti kwaloku akusamenyetelwa nakuchubeka imihlangano futsi labadzala bangase bangakhoni kutjela ummemeteli ngamunye ngako. Ngako-ke, kufanele siyihlole njalo ibhodi yetimemetelo. Nasikwenta umkhuba loko, ‘konkhe kutakwenteka kahle nangenhlelembiso.’—1 Khor. 14:40.