Imibiko Lejabulisako Yemsebenti Wekushumayela
Kunentfutfuko lenhle kakhulu emsebentini wekushumayela kulelive letintsaba laseLesotho. Kusukela nga-September 2012, kubhajatiswe bafundzi labasha labangu-126. Nga-December kubike bamemeteli labangu-3 900, loko lokusho kukhula kwalelinani ngemaphesenti langu-7 nakucatsaniswa nesilinganiso semnyaka lowendlulile. Bachube tifundvo teliBhayibheli letingu-6 347, loko lokukhombisa kutsi lensimu ivutsiwe futsi ilungele kuvunwa. Sijabula kanye nebazalwane betfu baseLesotho ngekutsi labanyenti labanetinhlitiyo leticotfo bakhuphukela entsabeni yekukhonta kweliciniso—Isa 2:1-4.