Basite ‘Basime Ekukholweni’

Kusishiya sibambe wangephansi kubona indlela Jehova lawubusisa ngayo umsebenti wekugcogca bantfu, njengobe kubhajatiswa bantfu labayikota yesigidzi umnyaka ngamunye. (Dut. 28:2) Nangabe ummemeteli sekasite umfundzi kutsi abhajatiswe, ngalokuvamile angase ayekele kuchubeka naleso sifundvo bese unaka kakhulu kusita labanye. Nalomfundzi angase afune kuyekela kufundza kute asebentise sikhatsi lesinyenti ekushumayeleni. Kodvwa kubalulekile kutsi bafundzi beliBhayibheli babe nesisekelo lesicinile ecinisweni. Kufanele ‘bacine’ kuKhristu futsi ‘basime ekukholweni.’ (Khol. 2:6, 7; 2 Thim. 3:12) Ngako-ke ngemuva kwekubhajatiswa, umfundzi kufanele achubeke nesifundvo adzimate acedze incwadzi letsi Lokufundziswa LiBhayibheli naletsi “Elutsandvweni LwaNkulunkulu.”—Fundza Umsebenti Wetfu WeMbuso wa-April 2011, ekhasini 2.