Limemetele Ngenshisekelo Liciniso Lelimayelana NaJesu
Inshisekelo yetfu iyakhula nangabe siyati indlela yekubatjela liciniso lelimayelana naJesu labanye bantfu. Jesu ulitje lekusimisa sisekelo lokwakhelwe kuso kukholwa lokungiko. (Ef. 2:20) Ngaphandle kwakhe ngeke sesibe nalo litsemba lekuphila. (Imis. 4:12) Ngako-ke kumcoka kutsi bonkhe bantfu basati kahle sigaba saJesu enjongweni yaNkulunkulu. Bantfu labanyenti badukiswe timfundziso letingakasekelwa emibhalweni. Lokubuhlungu kutsi loko kungabenta kutsi balahlekelwe tibusiso Nkulunkulu latetsembisa labo labakholwa kuJesu. Inshisekelo lesinayo ngeliciniso itasikhutsata kutsi sisite bantfu labanetinhlitiyo leticotfo kutsi bamcondze ngendlela lefanele Jesu, buhlobo lanabo naNkulunkulu, kanye nendzima lanayo enjongweni yaNkulunkulu. Utalimemetela ngenshisekelo yini liciniso lelimayelana naJesu kulesikhatsi seSikhumbuto?