UMCEBO LOSEVINI LANKULUNKULU | JOBE 6-10
Jobe Lowetsembekile Uveta Lusizi Lwakhe
Jobe bekangenabani, agula kakhulu futsi asebuhlungwini ngenca yekufelwa bantfwana bakhe kodvwa wachubeka etsembekile. Sathane wetama kusebentisa kudvumateka kute ephule bucotfo baJobe. “Bangani bakhe” labatsatfu bamvakashela. Bacale benta shengatsi bayamvela kantsi babukisa ngaye. Base bahlala naye emalanga lasikhombisa solo bangasho lutfo kute bamdvudvute. Batsi nabacala kukhuluma basho emavi labuhlungu nalatinsolo.
Jobe wachubeka etsembekile kuJehova nanobe abebhekene nebumatima
Lusizi labekulo lwambangela kutsi abuke tintfo ngendlela lengasiyo. Jobe abecabanga kutsi Nkulunkulu akanandzaba nekwetsembeka kwakhe futsi loko bekuliphutsa
Ngenca yekudvumateka, Jobe akazange acabange kutsi ngulomunye umuntfu lobanga kuhlupheka kwakhe
Bamangaleli bakhe abesolo abatjela ngelutsandvo lanalo ngaJehova, nanobe abesebuhlungwini