Tikhombo Tencwajana Yekubhalela Emhlanganweni Wekuphila KwemaKhristu Nemsebenti Wawo
MARCH 5-11
UMCEBO LOSEVINI LANKULUNKULU | MATEWU 20-21
“Nobe Ngubani Lofuna Kuba Mkhulu Emkhatsini Wenu Kufanele Abe Yinceku Yenu”
(Matewu 20:3) Waphindze waphuma nasekuyawushaya insimbi yemfica ekuseni, wabona labanye beme ngasemakethe bete umsebenti,
Sitfombe lesiku-nwtsty
Ngasemakethe
Letinye timakethe, njengalena lekhonjiswe lana, betiba seceleni kwemgwaco. Batsengisi bebatsengisa tintfo letinyenti kangangekuba bekuze kuvaleke imigwaco. Takhamuti tendzawo betivamise kutsenga tintfo letivamile tasendlini, tintfo letakhiwe ngelubumba, letentiwe ngetingilazi letidulile, kanye netibhidvo. Ngenca yekutsi bekute emafriji ngaleto tikhatsi, bantfu bekudzingeka bayotsenga etimakethe onkhe malanga. Lapho umtsengi bekeva tindzaba leticocwa batsengisi nobe tivakashi, bantfwana bebadlala futsi nebantfu bebangaya kuyofuna umsebenti. Kuletimakethe, Jesu bekaphulukisa labagulako futsi naPawula bekashumayela. (Imi 17:17) Ngalokwehlukile kuloko, tati temtsetfo letitigcabhako kanye nebaFarisi bebatsandza kunakwa kanye nekubingelelwa etindzaweni tawonkhewonkhe.
(Matewu 20:20, 21) Unina wemadvodzana aZebedi weta kuye ahamba nemadvodzana akhe lamabili, wefika waguca wacela lokutsite kuye. 21 Jesu watsi: “Ufunani?” Lomake watsi: “Ngicela kutsi emadvodzana ami ahlale nawe eMbusweni wakho, lenye ibe ngesekudla sakho, lenye ibe ngesencele sakho.”
Emaphuzu lacwaningiwe aMat 20:20, 21 laku-nwtsty
Unina wemadvodzana aZebedi: Lona ngumake webaphostoli Jakobe naJohane. Ngekulandzisa kwelivangeli laMakho, Jakobe naJohane ngibo labakhuluma naJesu. Kungenteka ngibo labatfuma unina wabo Salome, lokungenteka bekangudzadzewabo Mariya.—Mat 27:55, 56; Mak 15:40, 41; Joh 19:25.
lenye ibe ngesekudla sakho, lenye ibe ngesencele sakho: Kulesicelo, totimbili letindzawo betisho ludvumo nemandla, kepha lona longesekudla bekatawuba neludvumo lolwengetiwe kunalona longesencele.—Hla 110:1; Imi 7:55, 56; Rom 8:34.
(Matewu 20:25-28) Kodvwa Jesu wababita watsi kubo: “Niyati kutsi babusi betive bayatiphakamisa futsi tikhulu tibusa ngekucindzetela. 26 Akusinjalo ngani, ngobe nobe ngubani lofuna kuba mkhulu emkhatsini wenu kufanele abe yinceku yenu, 27 nanobe ngubani lofuna kuba wekucala emkhatsini wenu kufanele abe sisebenti senu. 28 Ngobe neNdvodzana yemuntfu ayizange itele kutewusetjentelwa, kodvwa yetela kutewuba yinceku nekunikela ngemphefumulo wayo kutsi ube yinhlawulo yalabanyenti.”
Emaphuzu lacwaningiwe aMat 20:26, 28 laku-nwtsty
yinceku: Noma, “sisebenti.” LiBhayibheli livamise kusebentisa leligama lesiGriki lelitsi di·aʹko·nos kuze libhekisele kumuntfu longadzinwa kwentela labanye imisebenti letsite ngekutitfoba. Leligama lisetjentiselwa kuchaza Khristu (Rom 15:8), tisebenti nome tinceku taKhristu (1Ko 3:5-7; Kho 1:23), tinceku letisebentako (Flp 1:1; 1Tm 3:8), tisebenti tasetindlini (Joh 2:5, 9), kanye netisebenti tahulumende (Rom 13:4).
ayizange itele kutewusetjentelwa, kodvwa yetela kutewuba yinceku: Nobe “hhayi kutewukhontwa, kodvwa kutewukhonta.”
Kufunisisa Umcebo EVini LaNkulunkulu
(Matewu 21:9) Sicumbi lesasimlandzela nalesasihamba embikwakhe samemeta satsi: “Siyacela, sindzisa iNdvodzana yaDavide! Ubusisiwe loyo lota ngeligama laJehova! Sicela umsindzise, wena losezulwini!”
Liphuzu lelicwaningiwe laMat 21:9 leliku-nwtsty
Siyacela, sindzisa: Lokusho “Hosana.” Leligama lesiGriki livela egameni lesiHebheru lelisho kutsi “siyathantaza, sindzisa” noma “siyacela, sindzisa.” Lapha leligama lisetjentiselwa kucela insindziso noma kuncoba kuNkulunkulu; lingasho kutsi “siyacela, sisindzise.” Ngekuhamba kwesikhatsi, lase lichaza kokubili umthantazo nekudvumisa. Leligama lesiHebheru litfolakala kuHla 118:25, loyincenye yetiHlabelelo te-Hallel lebetihlatjelwa ngesikhatsi seliPhasika. Ngako lamavi abefika etingcondvweni tabo ngalesikhatsi salomkhosi. Lenye indlela Nkulunkulu laphendvula ngayo lomthantazo wekusindzisa iNdvodzana yaDavide kutsi wayivusa ekufeni. KuMat 21:42, Jesu wacaphuna emavi lakuHla 118:22, 23 futsi wawabhekisela kuMesiya.
iNdvodzana yaDavide: Lamavi akhombisa kutsi Jesu watalwa kuloluhlu lwaDavide futsi unguMesiya lobekatsenjisiwe.
(Matewu 21:18, 19) Ekuseni kakhulu, nasabuyela edolobheni, abesalambile. 19 Wase ubona sihlahla semkhiwa eceleni kwendlela futsi waya kuso, kodvwa akazange atfole lutfo ngaphandle kwemacembe nje kuphela. Watsi kuso: “Akungabe kusavela sitselo kuwe kute kube phakadze.” Lesihlahla sabuna ngaso leso sikhatsi.
jy 244 ¶4-6
Sihlahla Semkhiwa Sasetjentiselwa Kufundzisa Ngekukholwa
Kodvwa kungani Jesu enta kutsi lesihlahla sibune? Sizatfu saloko usiveta kuloko lakusho nakatsi: “Ngicinisile ngitsi kini: Nangabe ninekukholwa futsi ningangabati, ngeke nigcine ngekwenta loku lengikwente kulesihlahla semkhiwa, kodvwa nitawutsi kulentsaba: ‘Suka lapha ujikeke elwandle,’ kuvele kube njalo. Tonkhe tintfo lenitithantazela ngekukholwa nitawutitfola.” (Matewu 21:21, 22) Bekaphindza emavi labekawashito ngaphambilini mayelana nekukholwa lokungasundvuta intsaba.—Matewu 17:20.
Ngako, ngekwenta lesihlahla kutsi sibune, Jesu bekaniketa bafundzi bakhe sifundvo lesibalulekile sekukholwa kuNkulunkulu. Watsi: “Tonkhe tintfo lenitithantazelako naleniticelako, kholwani kutsi senivele ninato, futsi nitawutitfola.” (Makho 11:24) Lesi bekusifundvo lesibalulekile kubo bonkhe balandzeli baJesu! Besidzingeke nakakhulu kubaphostoli njengobe madvutane bebatawubhekana neluvivinyo lolumatima. Bekunalokunye kuhlobana emkhatsini wekubuna kwesihlahla semkhiwa kanye nekukholwa lokucinile.
Njengalesihlahla semkhiwa, sive sema-Israyeli besibonakala sisihle. Lesive besinesivumelwane naNkulunkulu, ngako besingabonakala siwulalela uMtsetfo wakhe. Nobe kunjalo, sonkhe lesive besite kukholwa kanye netitselo letinhle. Saze saphika neNdvodzana yaNkulunkulu! Ngako, ngekwenta lesihlahla semkhiwa lesingatseli sibune, Jesu bekakhombisa siphetfo salesive lebesingatseli nalebesite kukholwa.
Kufundvwa KweliBhayibheli
(Matewu 20:1-19) “Ngobe uMbuso welizulu ufana nemuntfu lowaphuma ekuseni kakhulu ayewucasha bantfu lebebatawusebenta ensimini yakhe yemagilebisi. 2 Nasavumelene nabo kutsi utawubaholela denariyo munye ngelilanga, wabatfumela ensimini yakhe. 3 Waphindze waphuma nasekuyawushaya insimbi yemfica ekuseni, wabona labanye beme ngasemakethe bete umsebenti, 4 watsi kubo: ‘Nani hambani niye ensimini yami, ngitaniholela loko lokunifanele.’ 5 Ngako bahamba. Waphindze waphuma futsi nasekuyawushaya insimbi yelishumi nakubili emini nanasekuyawushaya insimbi yesitsatfu ntsambama, wenta lokufanako. 6 Ekugcineni, nasekuyawushaya insimbi yesihlanu ntsambama waphuma, watfola labanye bemile, wase utsi kubo: ‘Nimeleni lapha lilanga lonkhe ningasebenti?’ 7 Bamphendvula batsi: ‘Kungobe kute losicashile.’ Wase utsi kubo: ‘Nani-ke yanini ensimini yami.’ 8 “Nasekuhwalala, lomnikati wensimu watsi endvuneni yakhe: ‘Bita letisebenti utinike imiholo yato, ucale ngaletifike ekugcineni, ugcine ngaletifike kucala.’ 9 Nguleyo naleyo ndvodza leyayicale kusebenta nasekutawushaya insimbi yesihlanu entsambama yatfola denariyo munye. 10 Ngako labo lebebafike kucala bacabanga kutsi batawutfola lokunyenti, kodvwa batsi nabefika, nabo banikwa denariyo munye. 11 Nabanikwa lodenariyo, bacala kukhonona kumnikati wensimu, 12 batsi: ‘Laba labafike ekugcineni basebente li-awa linye nje kuphela, kodvwa ubaholela umholo lolingana newetfu tsine lesisebente lilanga lonkhe, sashiswa nalilanga!’ 13 Kodvwa watsi kulomunye wabo: ‘Ndvodza, kute lokubi lengikwentile. Angitsi vele sivumelene ngekutsi ngitaniholela denariyo munye? 14 Tsatsani lokukwenu nihambe. Yintfo lengiyifunako kutsi nginike laba labafike ekugcineni loko lengininika kona nani. 15 Akukafaneli yini ngente lengikufunako ngetintfo tami? Nobe ninemona ngekutsi mine ngilungile?’ 16 Ngako-ke bekugcina bayawuba bekucala, nebekucala babe bekugcina.” 17 Kutsite nasebasendleleni leyenyukela eJerusalema, Jesu wabitela bafundzi bakhe labalishumi nakubili ngasese watsi kubo: 18 “Nyalo senyukela eJerusalema, futsi iNdvodzana yemuntfu itawunikelwa kubaphristi labakhulu nasetatini temtsetfo, batayilahla ngelicala batsi ayibulawe, 19 bese bayinikela kubantfu betive kute bahlekise ngayo, bayibhambabule babuye bayibetsele, kutsi ngelilanga lesitsatfu ivuswe.”
MARCH 12-18
UMCEBO LOSEVINI LANKULUNKULU | MATEWU 22–23
“Lalela Imitsetfo Lemibili Lemikhulu”
(Matewu 22:36-38) Mfundzisi, ngumuphi umtsetfo lomkhulu eMtsetfweni waMosi?” 37 Jesu watsi kuye: “‘Kufanele utsandze Jehova Nkulunkulu wakho ngayo yonkhe inhlitiyo yakho, nangawo wonkhe umphefumulo wakho, nangayo yonkhe ingcondvo yakho.’ 38 Lona ngiwo umtsetfo lomkhulu newekucala.
liphuzu lelicwaningiwe laMat 22:37 leliku-nwtsty
inhlitiyo: Nalisetjentiswa ngekwemfanekiso, leligama livame kusho lingekhatsi lemuntfu. Kepha nalisetjentiswa kanye nalelitsi “umphefumulo” nalelitsi “ingcondvo,” leligama libese lisho imiva netifiso umuntfu laba nato. Lamagama lamatsatfu lasetjentiswe lana (inhlitiyo, umphefumulo, ingcondvo) akusho kutsi atimele odvwana; ayahambisana futsi agcizelela sidzingo sekutsandza Nkulunkulu ngalokuphelele.
umphefumulo: Noma “kuphila.”
ingcondvo: Lokusho emandla ekucabanga. Likhono lekucabanga kufanele silisebentisele kwati Nkulunkulu nekumtsandza. (Joh 17:3, Rom 12:1) Lamavi acashunwe kuDut 6:5, lapho kusetjentisiwe khona emagama esiHebheru latsi ‘inhlitiyo, umphefumulo, nemandla.’ Kodvwa Matewu nakalandzisa ngesiGriki, usebentisa ligama lelitsi “ingcondvo” esikhundleni salelitsi “emandla.” Kunetizatfu letitsite tekusetjentiswa kwalamagama langefani. Kwekucala, nanobe siHebheru sakadzeni besite ligama lelicondzile lelisho “ingcondvo,” umcondvo walo bewuvame kutfolakala kulelitsi “inhlitiyo.” Nalisetjentiswe ngekwemfanekiso, leligama lisho lingekhatsi lemuntfu, lelihlanganisa imicabango, imiva, simo sengcondvo netifiso takhe. (Dut 29:4; Hla 26:2; 64:6; hlola liphuzu lelicwaningiwe lelitsi inhlitiyo kulelivesi.) Ngiso sizatfu lesenta kutsi i-Septuagint yesiGriki isebentise ligama lesiGriki lelisho “ingcondvo” nangabe siHebheru sisebentise lelitsi “inhlitiyo.” (Ge 8:21; 17:17; Tag 2:10; Isa 14:13) Lokunye lokungenteka kwenta Matewu wasebentisa ligama lesiGriki lelitsi “ingcondvo” esikhundleni salelitsi emandla nakacaphuna Dut 6:5, kutsi ligama lesiHebheru lelisho “emandla” lingasho kokubili emandla lonawo emtimbeni kanye nemandla engcondvo. Kunobe ngukuphi, lokuhambisana kwemicondvo kwalamagama esiHebheru newesiGriki kusenta sibone kutsi kungani babhali bemaVangeli bangasebentisi emagama lafanako ngaso sonkhe sikhatsi nabacaphuna Dutheronomi.
(Matewu 22:39) Wesibili lofana nawo utsi: ‘Kufanele utsandze makhelwane wakho njengobe utitsandza wena.’
liphuzu lelicwaningiwe laMat 22:39 leliku-nwtsty
Wesibili: Mat 22:37 unemphendvulo Jesu layiniketa lomFarisi, futsi Jesu akazange agcine ngekumphendvula, kodwa wase ucaphuna umyalo wesibili (Lev 19:18), kanjalo bekafundzisa kutsi lemiyalo lemibili ngeke uyehlukanise, nekutsi uMtsetfo nebaPhrofethi kusekelwe kuyo.—Mat 22:40.
makhelwane: Leligama lesiGriki lelisho “makhelwane” (nalihunyushwe njengobe linjalo litsi “losedvute”) lingafaka ekhatsi nalabahlala khashane nawe. Lingasho noma ngabe ngubani lohlangana naye.—Luk 10:29-37; Rom 13:8-10.
(Matewu 22:40) Wonkhe uMtsetfo waMosi kanye nalokwashiwo baPhrofethi kusekelwe kulemitsetfo lemibili.”
Liphuzu lelicwaningiwe laMat 22:40 leliku-nwtsty
Wonkhe uMtsetfo waMosi . . . baPhrofethi: “UMtsetfo waMosi” wakhiwa yincwadzi yaGenesisi kuya kuDutheronomi. “BaPhrofethi” tincwadzi letisemiBhalweni yesiHebheru letinetiphrofetho. Kodvwa nangabe lamagama asetjentiswe ndzawonye, angasho imiBhalo yesiHebheru iyonkhe.—Mat 7:12; 22:40; Luk 16:16.
kusekelwe: Kulelivesi, lesento sesiGriki lesingahunyushwa ngekutsi “kulenga”, sisetjentiswe ngemcondvo longekwemfanekiso losho kutsi “kusima; kusekela.” Kanjalo, Jesu wakhombisa kutsi bekungakusiyo iMitsetfo Lelishumi kuphela lesekelwe elutsandvweni, kodvwa bekungiyo yonkhe imiBhalo yesiHebheru.—Rom 13:9.
Kufunisisa Umcebo EVini LaNkulunkulu
(Matewu 22:21) Batsi kuye: “KwaKhesari.” Ngako Jesu watsi kubo: “Nikani Khesari lokukwakhe, kodvwa ninike Nkulunkulu lokukwakhe.”
Liphuzu lelicwaningiwe laMat 22:21 leliku-nwtsty
Khesari lokukwakhe: Lemphendvulo yaJesu kulelivesi nakuMak 12:17 naLuk 20:25, ikuphela kwesikhatsi Jesu lakhuluma ngaso ngalombusi waseRoma. ‘LokukwaKhesari’ kuhlanganisa kubhadalela imisebenti leyentiwa bohulumende kanye nekubaniketa ludvumo nenhlonipho lesezingeni lelibafanele.—Rom 13:1-7.
Nkulunkulu lokukwakhe: Loku kuhlanganisa kukhonta Nkulunkulu ngalokusuka enhlitiyweni, kumtsandza ngemphefumulo wonkhe, nekumlalela.—Mat 4:10; 22:37, 38; Imi 5:29; Rom 14:8.
(Matewu 23:24) Nine baholi labatimphumphutse, nikhetsa imphungane kodvwa nimita likamela!
Liphuzu lelicwaningiwe laMat 23:24 leliku-nwtsty
nikhetsa imphungane kodvwa nimita likamela: Emkhatsini wetilwane letingcolile ema-Israyeli labetati, timphungane betinguletinye tetilwane letincane kunato tonkhe kantsi emakamela bekanguletinye taletinkhulu kunato tonkhe. (Levithikhusi 11:4, 21-24) Jesu usebentisa sihabiso nesiphukuto uma atsi baholi benkholo bakhipha timphungane etinatfweni tabo kuze bangangcoli ngekusho kwemtsetfo, kungulapho bangatinaki tindzaba letibaluleke kakhulu letisemtsetfweni, lokusento lesifana nekumita likamela.
Kufundvwa KweliBhayibheli
(Matewu 22:1-22) Jesu waphindze wakhuluma nabo asebentisa imifanekiso watsi: 2 “UMbuso welizulu ufana nenkhosi leyentela indvodzana yayo lidzili lemshado. 3 Yatfumela tisebenti tayo kutsi tiyewubita bonkhe lebebamenyiwe, kodvwa bala kuta. 4 Yaphindze yatfumela letinye tisebenti yatsi: ‘Tjelani labo labamenyiwe kutsi abete edzilini ngobe selilungile, futsi tinkhabi netinkhomo tami letikhuluphele sengivele ngitihlabile, konkhe sekume ngemumo.’ 5 Kodvwa letimenywa atizange tinake, tesuka tahamba, letinye taya emasimini ato, kantsi letinye taya emabhizinisini ato; 6 letinye tabamba letisebenti tatishaya futsi tatibulala. 7 “Lenkhosi yatfukutsela kakhulu, futsi yakhipha emasotja ayo ayewubulala lalababulele letisebenti tayo, ashisa nelidolobha labo. 8 Yase itsi etisebentini tayo: ‘Lidzili selilungile, kodvwa labo lebebamenyiwe bebangakufaneli kuba khona. 9 Ngako-ke hambani niye emigwacweni nimeme wonkhe umuntfu lenimtfola khona kutsi ete edzilini.’ 10 Letisebenti taphuma taya emigwacweni tagcogca bonkhe letatihlangana nabo, lababi nalabalungile; futsi lendlu lokwakunalelidzili kuyo yagcwala. 11 “Inkhosi nayifika itewuhlola letimenywa, yakhandza indvodza leyayingakembatsi timphahla tekuya emshadweni. 12 Ngako yatsi kulendvodza: ‘Wakitsi, ungene njani lapha ungakembatsi timphahla tekuya emshadweni?’ Lendvodza yavele yabindza. 13 Lenkhosi yase itsi etisebentini tayo: ‘Mbopheni tandla netinyawo, nimlahlele ngephandle ebumnyameni. Kulapho atawufikelwa khona kukhala nekugedletela kwematinyo.’ 14 “Ngobe banyenti labamenyiwe, kodvwa bambalwa labakhetsiwe.” 15 Ngako baFarisi besuka bayewukwakha lisu lekumgiba ngaloko lakushoko. 16 Batfuma bafundzi babo nemalunga elicembu laHerodi, befike batsi kuye: “Mfundzisi, siyakwati kutsi ukhuluma liciniso futsi ufundzisa indlela yaNkulunkulu ngeliciniso, nekutsi awutsengi emehlo emuntfu, ngobe awubuki loko umuntfu langiko ngephandle. 17 Sitjele-ke: Ucabangani? Kuvumelekile yini kutsi sikhiphe umtselo kuKhesari?” 18 Kodvwa Jesu abekwati lokubi labebakuhlosile, futsi watsi: “Batentisi, ningilingelani? 19 Ngikhombiseni luhlavu lwemali.” Ngako bamnika denariyo. 20 Watsi kubo: “Sabani lesitfombe nalelibito lelilapha?” 21 Batsi kuye: “KwaKhesari.” Ngako Jesu watsi kubo: “Nikani Khesari lokukwakhe, kodvwa ninike Nkulunkulu lokukwakhe.” 22 Nabeva loko, bamangala futsi bamshiya bahamba.
MARCH 19-25
UMCEBO LOSEVINI LANKULUNKULU | MATEWU 24
“Hlale Uphapheme Ebuhlotjeni Bakho NaNkulunkulu Kulamalanga Ekugcina”
(Matewu 24:12) futsi ngenca yekwandza kwebubi, lutsandvo lwalabanyenti luyawuphola.
it-2 279 ¶6
Lutsandvo
Lutsandvo Lungaphola. Ngesikhatsi Jesu Khristu atjela bafundzi bakhe ngetintfo lebetitawenteka, washo kutsi lutsandvo (a·gaʹpe) lwalabanyenti labebatsi bayakholwa kuNkulunkulu belutawuphola. (Mat 24:3, 12) Umphostoli Pawula watsi emalangeni ekugcina, bantfu labanyenti ‘bebatawutsandza imali.’ (2Tm 3:1, 2) Kuliciniso kutsi umuntfu nakangasatinaki timiso letilungile, lutsandvo labekanalo ekucaleni lungabese luyaphola. Loku kusenta sibone kubaluleka kwekutsi umuntfu ahlale akhombisa lutsandvo ngaNkulunkulu futsi alukhulise ngekutsi azindle ngeLivi laNkulunkulu, aphile nangendlela levumelana netimiso takhe.—Efe 4:15, 22-24.
(Matewu 24:39) futsi abazange banake kwate kwefika Zamcolo wabakhukhula bonkhe, kuyawuba njalo nekuba khona kweNdvodzana yemuntfu.
w99 11/15 19 ¶5
Utinikele Ngalokuphelele Yini KuNkulunkulu?
5 Nakakhuluma ngemalanga ekugcina, Jesu watsi: “Njengobe kwakunjalo ngesikhatsi saNowa, kuyawuba njalo nekuba khona kweNdvodzana yemuntfu. Ngobe ngesikhatsi usengakefiki Zamcolo, bantfu bebadla, banatsa, labadvuna batsatsa, labasikati bendza, kwadzimate kwaba lilanga Nowa langena ngalo emkhunjini, futsi abazange banake kwate kwefika Zamcolo wabakhukhula bonkhe, kuyawuba njalo nekuba khona kweNdvodzana yemuntfu.” (Matewu 24:37-39) Nasilinganisela, akusikubi kudla kanye nekunatsa, futsi umshado ulilungiselelo lelivela kuNkulunkulu. (Genesisi 2:20-24) Kodvwa nangabe sibona kutsi sesinaka kakhulu tintfo letivamile talesikhatsi lesiphila kuso, kungaba kahle sicele lusito lwaJehova ngemthantazo. Utawubese uyasisita kutsi sifune kucala uMbuso wakhe, sente lokulungile, futsi sigcine setsembiso setfu sekutinikela kuye.—Matewu 6:33; Roma 12:12; 2 Khorinte 13:7.
(Matewu 24:44) Ngako-ke nani hlalani nilungele, ngobe iNdvodzana yemuntfu itawufika ngeli-awa leningalicabangi.
jy 259 ¶5
Baphostoli Bacela Jesu Abanike Luphawu
Watsi bafundzi bakhe bekutawufanele bahlale balindzile futsi bakulungele. Jesu wagcizelela lesecwayiso ngalomunye umfanekiso lotsi: “Yatini loku: Kube umnikati wendlu bekati kutsi lisela litawufika ngasiphi sikhatsi, abetawuhlala agadzile kute indlu yakhe ingagcekezwa. Ngako-ke nani hlalani nilungele, ngobe iNdvodzana yemuntfu itawufika ngeli-awa leningalicabangi.”—Matewu 24:43, 44.
Kufunisisa Umcebo EVini LaNkulunkulu
(Matewu 24:8) Tonkhe letintfo tiyawube tikucala kwemihelo.
Liphuzu lelicwaningiwe laMat 24:8 leliku-nwtsty
kwemihelo: Leligama lesiGriki livamise kusetjentiswa nakuchazwa buhlungu lobukhulu lobuba khona nakubelekwa. Nanobe lana lichaza buhlungu kanye nekuhlupheka lokuba khona, lingaphindze lisho kutsi njengemihelo, tinkinga lokwabiketelwa ngato kanye nekuhlupheka bekutawuvama, kube buhlungu kakhulu, futsi kutsatse sikhatsi lesidze kunakucala nasekufika kuhlupheka lokukhulu lokuchazwe kuMat 24:21.
(Matewu 24:20) Thantazelani kutsi lesikhatsi sekubaleka kwenu singabi sebusika nobe ngeliSabatha,
Liphuzu lelicwaningiwe laMat 24:20 leliku-nwtsty
sebusika: Timvula letinemandla, tikhukhula, kanye nemakhata ngalesikhatsi semnyaka bekutawenta kube matima kuhamba, kutfola kudla, kanye nendzawo yekuhlala.—Ezr 10:9, 13
ngeliSabatha: Etindzaweni letifana naseJudiya, imincele lebeyibekiwe mayelana nemtsetfo weliSabatha beyitawenta kube lukhuni ngemuntfu kutsi ahambe indzawo lendze futsi atfwale imitfwalo; lokunye kutsi emagede kulelidolobha bekavalwa ngelilanga leliSabatha.—Hlola Imi 1:12 neSandzisanchazo 11.
Kufundvwa KweliBhayibheli
(Matewu 24:1-22) Ngesikhatsi Jesu ahamba esuka ethempelini, bafundzi bakhe beta kuye bamkhombisa takhiwo telithempeli. 2 Watsi kubo: “Niyakubona yini konkhe loku? Ngicinisile ngitsi kini: Kute litje leliyawushiywa etikwalelinye lingakadzilitelwa phansi.” 3 Kwatsi asehleti eNtsabeni Yemincuma, bafundzi bakhe beta kuye babodvwa batsi: “Sitjele, tiyawukwenteka nini letintfo, futsi siyawuba yini sibonakaliso sekuba khona kwakho nesekuphela kwalelive?” 4 Jesu wabaphendvula watsi: “Caphelani kute kubebete lonidukisako, 5 ngobe bantfu labanyenti batawukuta basebentisa libito lami batsi: ‘NginguKhristu,’ futsi batawudukisa incumbi yebantfu. 6 Niyawukuva ngetimphi etindzaweni letehlukahlukene, kepha akukafaneli nesabe. Ngobe letintfo kufanele tenteke, kodvwa kuphela kutawube kusengakefiki. 7 “Ngobe sive siyawuvukela lesinye sive, nembuso uvukele lomunye umbuso, futsi kuyawuba khona indlala nekutamatama kwemhlaba etindzaweni letehlukahlukene. 8 Tonkhe letintfo tiyawube tikucala kwemihelo. 9 “Bantfu bayawunihlupha, banibulale, futsi niyawutondvwa tive tonkhe ngenca yelibito lami. 10 Labanyenti bayawukuwa ekukholweni, batsengisane bodvwa futsi batondzane. 11 Kuyawuvela baphrofethi bemanga labanyenti badukise incumbi yebantfu, 12 futsi ngenca yekwandza kwebubi, lutsandvo lwalabanyenti luyawuphola. 13 Kodvwa loyo loyawucinisela kudzimate kube sekugcineni, nguye loyawusindziswa. 14 Letindzaba letimnandzi teMbuso tiyawushunyayelwa emhlabeni wonkhe, kuze kube bufakazi etiveni tonkhe, bese-ke kuphela kuyefika. 15 “Ngako nanibona intfo leyenyanyekako, futsi lebangela incitsakalo ime endzaweni lengcwele, njengobe kwasho umphrofethi Danyela (lofundzako akasebentise kucondza), 16 labo labaseJudiya babobalekela etintsabeni. 17 Umuntfu losetikwendlu akangehli kuyewukhipha tintfo endlini, 18 naloyo losemasimini akangabuyeli endlini kuyewutsatsa ingubo yakhe yangetulu. 19 Maye kulabo labatawube batetfwele nakulabo labatawube bamunyisa ngaleso sikhatsi! 20 Thantazelani kutsi lesikhatsi sekubaleka kwenu singabi sebusika nobe ngeliSabatha, 21 ngobe kutawuba nekuhlupheka lokukhulu lokungazange sekwenteke kusukela kwaba khona umhlaba, nalokungeke kuphindze kube khona. 22 Ngako-ke, ngaphandle kwekutsi lawo malanga afinyetwe, kute umuntfu labengasindza, kodvwa ngenca yalabo labakhetsiwe, lawo malanga ayawufinyetwa.
MARCH 26–APRIL 1
UMCEBO LOSEVINI LANKULUNKULU | MATEWU 25
“Hlalani Nilindzile”
(Matewu 25:1-6) “Ngako-ke, uMbuso welizulu ufana netintfombi letilishumi letatsatsa tibane tato taphuma tayewuhlangabeta umkhwenyane. 2 Letisihlanu kuto betihlakaniphile kantsi leti letinye letisihlanu betilibele. 3 Leti letilibele tatsatsa tibane kodvwa tangawaphatsi emafutsa, 4 kantsi leti letihlakaniphile taphatsa tibane tato, tafaka nemafutsa emabhodleleni. 5 Ngenca yekutsi umkhwenyane wephuta kufika, tonkhe tetela tase tiyalala. 6 Ekhatsi nebusuku kwevakala umsindvo wekumemeta, utsi: ‘Nangu umkhwenyane! Vukani niyewumhlangabeta.’
(Matewu 25:7-10) Ngako tonkhe letintfombi tavuka takhanyisa tibane tato. 8 Leti letilibele tatsi kuleti letihlakaniphile: ‘Sicela nisiphe emafutsa, ngobe tibane tetfu setiyacisha.’ 9 Letintfombi letihlakaniphile taphendvula tatsi: ‘Shengatsi ngeke asenele tsine kanye nani. Hambani niyewutitsengela enu kulabo labawatsengisako.’ 10 Kodvwa kutsite tisesendleleni tiyewutsenga lamafutsa, umkhwenyane wefika, futsi letintfombi lebesetimlindzele tangena naye edzilini lemshado, ngemuva kwaloko umnyango wavalwa.
(Matewu 25:11, 12) Ngekuhamba kwesikhatsi, naleti letinye tintfombi tefika, tatsi: ‘Nkhosi, Nkhosi, sicela usivulele!’ 12 Umkhwenyane watiphendvula watsi: ‘Ngicinisile ngitsi kini, anginati.’
Kufunisisa Umcebo EVini LaNkulunkulu
(Matewu 25:31-33) “Lapho iNdvodzana yemuntfu ifika inemandla lamakhulu netingilosi tonkhe tikanye nayo, iyawuhlala esihlalweni sayo lesikhulu. 32 Tonkhe tive tiyawubutsana embikwayo, bese yehlukanisa bantfu, njengemelusi ehlukanisa timvu etimbutini. 33 Iyawubeka timvu ngesekudla sayo, bese kutsi timbuti itibeke ngesencele sayo.
Kusekela BomnakaboKhristu Ngekwetsembeka
7 Lamuhla siwucondza kancono lomfanekiso wetimvu netimbuti. Siyati kutsi “iNdvodzana yemuntfu,” nobe “iNkhosi” nguJesu. ‘Bomnakabo’ Nkhosi ngulabagcotjwe ngemoya longcwele futsi ngulabatawubusa naJesu ezulwini. (Roma 8:16, 17) “Timvu” ‘netimbuti’ bantfu bato tonkhe tive. Batawehlulelwa ngasekupheleni kwekuhlupheka lokukhulu lokutawucala ngekushesha. Siyati nekutsi Jesu utawehlulela bantfu ngendlela labatawube babaphetse ngayo labagcotjiwe labasaphila emhlabeni. Sijabula kakhulu ngekutsi kuyo yonkhe leminyaka Jehova usisitile kutsi siwucondze lomfanekiso kanye naleminye imifanekiso lekuMatewu sehluko 24 na-25.
(Matthew 25:40) INkhosi iyawubaphendvula itsi: ‘Ngicinisile ngitsi kini: Loku lenikwente kulabomnaketfu labancane, nikwente kimi.’
w09 10/15 16 ¶16-18
‘Nibangani Bami’
16 Nangabe unelitsemba lekuphila emhlabeni ngaphansi kweMbuso waNkulunkulu, ungabakhombisa njani banakaboKhristu kutsi ungumngani wabo? Ase sicoce ngetindlela letintsatfu. Kwekucala, ngekutsi wente umsebenti wekushumayela ngenhlitiyo yonkhe. Khristu wayala bomnakabo kutsi bashumayele tindzaba letimnandzi emhlabeni wonkhe. (Mat. 24:14) Nobe kunjalo, bomnakaboKhristu labasele emhlabeni lamuhla bangakutfola kumatima kwenta kahle umsebenti labaniketwe wona nangabe bangani babo baletinye timvu bangabasiti. Nangabe labo baletinye timvu benta umsebenti wekushumayela, basuke basita bomnakaboKhristu kutsi bawente kahle umsebenti wekushumayela. Sisebenti lesetsembekile nalesihlakaniphile sisijabulela kakhulu lesento lesikhombisa lobungani, njengoba naKhristu asijabulela.
17 Indlela yesibili baletinye timvu labangasita ngayo bomnakaboKhristu, kutsi basekele umsebenti wekushumayela ngetimali. Jesu wakhutsata balandzeli bakhe kutsi batakhele bangani “ngemcebo walelive.” (Luk. 16:9) Loku akusho kutsi singabutsenga bungani naJesu nobe naJehova. Kunaloko, nangabe sisebentisa tintfo lesinato kuze kutfutfukiswe tindzaba teMbuso, sisuke sikhombisa bungani sibili kanye nelutsandvo, hhayi nje ngemavi kuphela, kepha “ngetento nangeliciniso.” (1 Joh. 3:16-18) Sisuke sisekela ngetimali nasenta umsebenti wekushumayela, sinikelela kwakhiwa kanye nekunakekela tindzawo temihlangano, nalapho sinikelela umsebenti wemhlaba wonkhe. Ngisho nobe sinikela ngalokuncane nobe ngalokukhulu, Jehova naJesu bayakujabulela lokupha lokusuka enhlitiyweni.—2 Khor. 9:7.
18 Indlela yesitsatfu lesikhombisa ngayo kutsi sibangani baKhristu kutsi silalele ticondziso lesitiniketwa ngemadvodza lamadzala elibandla. Lamadvodza abekwe ngemoya longcwele ngekucondziswa nguKhristu. (Ef. 5:23) Umphostoli Pawula wabhala watsi: “Balaleleni labo labaniholako futsi nititfobe kubo.” (Heb. 13:17) Ngaletinye tikhatsi singakutfola kumatima kulalela ticondziso letisekelwe eBhayibhelini lesitiniketwa madvodza lamadzala ebandleni. Kungenteka siyawati emaphutsa abo, futsi loko kungasenta singatetsembi ticondziso labasiniketa tona. Nobe kunjalo, Khristu, loyiNhloko yelibandla, uyakujabulela kuwasebentisa lamadvodza nanobe anesono. Ngako, indlela lesiwalalela ngayo iyabutsintsa bungani betfu naKhristu. Nangabe singawanaki emaphutsa alamadvodza lamadzala futsi sijabulela kulandzela sicondziso sawo, sisuke sikhombisa kutsi siyamtsandza Khristu.
Kufundvwa KweliBhayibheli
(Matewu 25:1-23) “Ngako-ke, uMbuso welizulu ufana netintfombi letilishumi letatsatsa tibane tato taphuma tayewuhlangabeta umkhwenyane. 2 Letisihlanu kuto betihlakaniphile kantsi leti letinye letisihlanu betilibele. 3 Leti letilibele tatsatsa tibane kodvwa tangawaphatsi emafutsa, 4 kantsi leti letihlakaniphile taphatsa tibane tato, tafaka nemafutsa emabhodleleni. 5 Ngenca yekutsi umkhwenyane wephuta kufika, tonkhe tetela tase tiyalala. 6 Ekhatsi nebusuku kwevakala umsindvo wekumemeta, utsi: ‘Nangu umkhwenyane! Vukani niyewumhlangabeta.’ 7 Ngako tonkhe letintfombi tavuka takhanyisa tibane tato. 8 Leti letilibele tatsi kuleti letihlakaniphile: ‘Sicela nisiphe emafutsa, ngobe tibane tetfu setiyacisha.’ 9 Letintfombi letihlakaniphile taphendvula tatsi: ‘Shengatsi ngeke asenele tsine kanye nani. Hambani niyewutitsengela enu kulabo labawatsengisako.’ 10 Kodvwa kutsite tisesendleleni tiyewutsenga lamafutsa, umkhwenyane wefika, futsi letintfombi lebesetimlindzele tangena naye edzilini lemshado, ngemuva kwaloko umnyango wavalwa. 11 Ngekuhamba kwesikhatsi, naleti letinye tintfombi tefika, tatsi: ‘Nkhosi, Nkhosi, sicela usivulele!’ 12 Umkhwenyane watiphendvula watsi: ‘Ngicinisile ngitsi kini, anginati.’ 13 “Ngako-ke, hlalani nilindzile ngobe anilati lilanga nobe li-awa. 14 “Kunjengendvodza leyatsi naseyitawuhamba iye endzaweni lekhashane, yabita tisebenti tayo futsi yatiphatsisa tintfo tayo. 15 Lesinye yasinika emathalenta lasihlanu, lesinye yasinika lamabili kwatsi lesinye yasinika linye. Tonkhe yatinika lokulingene emandla ato, yase iyahamba. 16 Ngekushesha lesi lesasinikwe emathalenta lasihlanu saphuma sawatalisa ngekwenta ibhizinisi ngawo, futsi satfola lamanye lasihlanu. 17 Nalesi lesasinikwe lamabili sawatalisa satfola lamanye lamabili. 18 Kodvwa lesisebenti lesasinikwe linye lithalenta salitsatsa sayewulimbela emhlabatsini salifihla. 19 “Ngemuva kwesikhatsi lesidze, lenkhosi yabuya futsi yafuna kutsi letisebenti tibuyise lokukwayo. 20 Ngako lesisebenti lesasinikwe emathalenta lasihlanu seta saletsa lamanye emathalenta lasihlanu ngetulu, satsi: ‘Nkhosi, wanginika emathalenta lasihlanu, kodvwa ngiwatalisile ngatfola lamanye lasihlanu.’ 21 Inkhosi yaso yatsi kuso: ‘Wente kahle sisebenti lesihle nalesetsembekile! Utivete wetsembekile etintfweni letincane. Ngako-ke ngitakubeka kutsi wengamele tintfo letinyenti. Jabula kanye nami.’ 22 Ngemuva kwaloko, sisebenti lesasitfole emathalenta lamabili naso sangena satsi: ‘Nkhosi, wanginika emathalenta lamabili, futsi ngiwatalisile ngatfola lamanye lamabili.’ 23 Inkhosi yaso yatsi kuso: ‘Wente kahle sisebenti lesihle nalesetsembekile! Utivete wetsembekile etintfweni letincane. Ngako-ke ngitakubeka kutsi wengamele tintfo letinyenti. Jabula kanye nami.’