EmaKhristu Sibili Abonakala Ngelutsandvo​—Ungaticabangeli Wena Kuphela Futsi Ungacansuki

KUNGANI KUBALULEKILE: Jesu watsi bafundzi bakhe bebatawubonakala ngekutsandzana. (Joh 13:34, 35) Lolutsandvo lolwashiwo nguKhristu lubonakala ngekutsi sicabangele labanye futsi singacansuki.​—1Ko 13:5.

INDLELA YEKUKWENTA:

• Nangabe lomunye umuntfu enta noma asho intfo lekuvisa buhlungu, tibambe futsi ucabangisise ngekutsi lomuntfu wentiwe yini, nangekutsi lotawukwenta kutawuba namuphi umphumela.​—Tag 19:11

• Khumbula kutsi sonkhe sinesono futsi ngaletinye tikhatsi sisho noma sente tintfo lesibese siyatisola ngato

• Sheshe utilungise tinkinga lonato nalabanye

BUKELA I-VIDEO LETSI “TSANDZANANI”​—UNGATICABANGELI WENA KUPHELA FUTSI UNGACANSUKI, BESE UPHENDVULA LEMIBUTO:

• Yini lekhombisa kutsi Bahle washeshe wahlutfuka ngalobekushiwo ngu-Sikhumbuzo?

• Kutibamba kwaSikhumbuzo kwamsita njani kutsi angacansuki?

• Indlela lenemusa Sikhumbuzo laphendvula ngayo yasenta njani simo kutsi sibe ncono?