Nine Labasha—‘Shisekelani Imisebenti Lemihle’

Encwadzini yakhe lephefumulelwe leya kuThithusi, umphostoli Pawula wabhala kutsi emadvodza lasemasha, lokufaka ekhatsi Thithusi, bekufanele atikhandle ‘ngato tonkhe tindlela, kute babe siboneloemisebentini lemihle.’ (Thit. 2:6, 7) Kuso sona lesehluko, wakhombisa kutsi bantfu baJehova bahlantiwe ‘kuze bashisekele imisebenti lemihle.’ (Thit. 2:14) Lomunye walemisebenti lemihle ufaka ekhatsi kushumayela nekufundzisa ngeMbuso waNkulunkulu. Nangabe usemusha, ungawasebentisa yini emandla ebusha bakho kuze ube lihlahlandlela lelisitako nobe lelivamile?—Tag 20:29.

Nangabe ungatsandza kutsi ube lihlahlandlela, hlela kahle timo takho kuze ube ngilo. (Luk. 14:28-30) Nasi sibonelo, utatisekela njani ngekwetimali ube ulihlahlandlela lasikhatsi sonkhe? Utawufinyelela njani umgomo wakho wema-awa lalindzelekile? Thantaza ucele Jehova kutsi akusite. (Hla. 37:5) Coca nebatali bakho ngaloko lofuna kukwenta, uphindze ucoce nalabo labangemahlahlandlela laphumelelako, bese utsatsa sinyatselo kute ufinyelele umgomo wakho. Nakanjani Jehova utayibusisa imetamo yakho yekutikhandla loyenta emsebentini wakhe!

BUKELANI I-VIDEO LETSI BANTFU LABASHA BADVUMISA JEHOVA, BESE NIPHENDVULA LEMIBUTO LELANDZELAKO:

• Ngutiphi tinkinga labanye labahlangabetene nato njengobe bangemahlahlandlela, futsi batincobe kanjani?

• Batali bangabasita njani bantfwana babo kute babe ngemahlahlandlela lavamile?

• Kungani kubalulekile kuba neluhlelo lwekushumayela?

• Emalunga elibandla angalikhutsata njani lihlahlandlela futsi alisite?

• Ngutiphi tibusiso letitfolwa mahlahlandlela?