Dvumisa Jehova Njengoba Ulihlahlandlela

Ema-Israyeli bekanetizatfu letivakalako tekudvumisa Jehova. Wawakhulula eGibhithe waphindze wawasindzisa ebutfweni laFaro! (Eks 15:1, 2) Jehova uyachubeka abentela tintfo letinhle bantfu bakhe. Singakhombisa njani kutsi siyabonga ngaloko?—Hl 116:12.

Lenye indlela lesingakhombisa ngayo, kutsi sibe ngemahlahlandlela lasitako nobe lavamile. Ungasithantazela leso sifiso kanye nekutsi ube nemandla ekutsi ukhone kuba lihlahlandlela. (Flp 2:13) Labanyenti bacale babe ngemahlahlandlela lasitako. Nawulihlahlandlela lelisitako ungakhetsa kwenta ema-awa langu-30 nobe langu 50 ngenyanga yanga-March na-April nobe ngenyanga yekuhambela kwembonisi wesigodzi. Nangabe kukujabulisa kuba lihlahlandlela lelisitako, kungenteka ufise nekuba lihlahlandlela lelivamile. Ngisho nalabo labaya onkhe malanga emsebentini wekutiphilisa nobe labo labanemphilo lebutsakatsaka bakhonile kuba ngemahlahlandlela lavamile. (mwb16.07 8) Siyaciniseka kutsi Jehova uyasisita kuko konkhe lesikwentako kute simdvumise!—1Ti 16:25.

BUKELA I-VIDEO LETSI BODZADZE LABATSATFU BASEMONGOLIA, BESE UPHENDVULA LEMIBUTO LELANDZELAKO:

• 

  Ngutiphi tinkinga labatincoba labodzadze labatsatfu kuze babe ngemahlahlandlela?

• 

  Batfola tiphi tibusiso?

• 

  Njengoba bebangemahlahlandlela lavamile, ngumaphi ematfuba lamasha labavulekela ekukhonteni Jehova?

• 

  Sibonelo sabo lesihle sabasita njani labanye?