Gwema Kulingisa Indlela Live Lelenta Ngayo Nawuhlela Umshado Wakho

EmaKhristu lahlela umshado wawo kufanele ente tincumo letinyenti. Angahle ative aphocelelekile kutsi ente imishado ledulile njengobe kwentiwa njalo etindzaweni labahlala kuto. Bangani losondzelene nabo nemalunga emndeni angaba nemibono yawo mayelana nendlela lokufanele uwuhlele ngayo umshado wakho. Ngutiphi timiso letiseBhayibhelini letingasita labafuna kushada kutsi bahlele lilanga labo lelikhetsekile ngendlela letabashiya bananembeza lomsulwa futsi bangatisoli?

BUKELA I-VIDEO LETSI IMISHADO LELETSA LUDVUMO KUJEHOVA BESE NIPHENDVULA LEMIBUTO LELANDZELAKO:

• Letimiso teliBhayibheli letilandzelako tibasite njani boNick naJuliana?

  • 1 Khor. 10:31

  • 1 Joh. 2:15, 16

  • Gal. 5:19-21

  • 1 Thim. 2:9

• Kungani bantfu labatsembisene umshado kufanele bakhetse umzalwane lovutsiwe kutsi abe ‘ngumcondzisi’ welidzili?—Joh. 2:9, 10.

• Ngutiphi tizatfu letenta boNick naJuliana bakhetsa kwenta umshado wabo ngendlela labawenta ngayo?

• Ngubani lokufanele ente tincumo mayelana nenkhulumo yemshado, tifungo kanye nelidzili?—w06-ZU 10/15 25 ¶10.