Batali, Fundzisani Bantfwana Benu Tintfo Lokufanele Batati

Siphila eveni lelitsi lokuhle kubi futsi litsi lokubi kuhle. (Isa 5:20) Lokubuhlungu kutsi labanye bantfu benta tintfo Jehova latenyanyako, letifaka ekhatsi kutiphatsa kabi kwebantfu bebulili lobufanako. Bantfwana betfu bangahle bacindzetelwe bontsanga yabo esikolweni nobe labanye bantfu kutsi batiphatse njengabo. Yini longayenta kuze usite bantfwana bakho kutsi bakulungele kubhekana naloku kanye naletinye tilingo?

Fundzisa bantfwana bakho ngetimiso taJehova. (Lev 18:3) Kancane kancane bafundzise loko lokushiwo liBhayibheli ngekuya ecansini kuye ngeminyaka yabo. (Dut 6:7) Tibute: ‘Bantfwana bami ngibafundzisile yini indlela lekahle yekukhombisa lutsandvo, kubaluleka kwekugcoka timphahla letinesizotsa kanye nesidzingo sekutsi labanye bamhloniphe nakafuna kuba yedvwa? Bayakwati yini lokufanele bakwente nangabe lotsite afuna kubakhombisa titfombe letingcolile nobe abacela kutsi bente intfo latsi Jehova yimbi?’ Kusheshe ubafundzise kutabatasita kutsi bangangeni etinkingeni letinyenti. (Tag 27:12; Shu 7:12) Nawubafundzisa bantfwana bakho, usuke ukhombisa kutsi uyalitsandza lelifa lakho leliligugu lelivela kuJehova.—Hl 127:3.

BUKELA I-VIDEO LETSI, YAKHA LIKHAYA LELITAWUHLALA NJALO—VIKELA BANTFWANA BAKHO “KULOKUBI,” BESE NIPHENDVULA LEMIBUTO LELANDZELAKO:

• 

  Yini leyenta labanye bangabate kufundzisa bantfwana babo ngekuya ecansini?

• 

  Kungani batali kufanele baceceshe bantfwana babo “ngekubayala nangesicondziso saJehova”?—Efe 6:4

• 

  Yini inhlangano yaJehova leyiyilungiselele batali kuze bafundzise bantfwana babo ngekuya ecansini?—w19.05 12, libhokisi

• Kungani kufanele uhlale ufundzisa bantfwana bakho ngaphambi kwekutsi kuvele tinkinga?