Bantfu Labasha—Batfululeleni Sifuba Senu Batali Benu

Kungani kufanele utjele batali bakho loko lokucabangako? (Tag 23:26) Ngobe Jehova ubanikete umsebenti wekukunakekela kanye nekukucondzisa. (Hl 127:3, 4) Kutawuba matima ngabo kutsi bakusite nangabe ubafihlela tintfo letikukhatsatako. Angeke ufundze elwatini lwabo labalitfole ekuphileni. Kubi yini kugcina imicabango letsite enhlitiyweni yakho? Akusiko kubi ngaso sonkhe sikhatsi, nangabe nje ungabakhohlisi kuze bacabange intfo lengasiyo.—Tag 3:32.

Ungakhuluma njani nebatali bakho? Yetama kukhetsa sikhatsi lesitawuba kahle kuwe nakubo. Nangabe loko kutawuba matima, ungabhalela munye wabo incwadzi leveta indlela lotiva ngayo. Kutsiwani nangabe batali bakho bafuna kukhuluma ngendzaba lonconota kungakhuluma ngayo? Khumbula kutsi bafuna mbamba kukusita. Tsatsa batali bakho njengebasiti bakho hhayi titsa takho. Imetamo loyentako kute ukhulume ngalokukhululekile nebatali bakho itawuzuzisa wena kuphila kwakho konkhe uphindze utfole nekuphila lokuphakadze!—Tag 4:10-12.

BUKELANI I-VIDEO LETSI KUPHILA KWAMI NANGISEMINYAKENI YEKUTFOMBA—NGINGAKHULUMISANA NJANI NEBATALI BAMI? BESE NIPHENDVULA LEMIBUTO LELANDZELAKO:

• 

  Yini bo-Esther naPartik labayibonile ngabo?

• 

  Yini longayifundza esibonelweni saJesu?

• 

  Batali bakho bakhombise njani kutsi banendzaba nawe?

• 

  Ngutiphi timiso letiseBhayibheli letingakusita ukhulume nebatali bakho?