Ungasifaka Sandla Ekwenteni Umndeni Wakho Kutsi Ujabule

Jehova ufuna imindeni ijabule. (Hl 127:3-5; Shu 9:9; 11:9) Nobe kunjalo, injabulo yetfu ingaphela ngenca yekucindzetelwa lesibhekana nako kulelive kanye nemaphutsa lentiwa ngemalunga emndeni. Yini lengentiwa lilunga lemndeni ngalinye kuze umndeni ujabule?

Indvodza kufanele imhloniphe umfati wayo. (1Ph 3:7) Icitsa sikhatsi naye. Ayilindzeli lokungetulu kwaloko umfati wayo langakhona kukwenta futsi iyambonga ngaloko lementela kona kanye nalakwentela umndeni. (Kho 3:15) Iyakhombisa kutsi iyamtsandza futsi iyamdvumisa.​—Tag 31:28, 31.

Umfati ubuka tindlela tekusekela umyeni wakhe. (Tag 31:12) Uyatitfoba kuye futsi ubambisana naye. (Kho 3:18) Ukhuluma naye ngemusa aphindze akhulume kahle ngaye.​—Tag 31:26.

Batali bacitsa sikhatsi nebantfwana babo. (Dut 6:6, 7) Batjela bantfwana babo kutsi bayabatsandza. (Mat 3:17) Nababajezisa, bakhombisa lutsandvo nekucondza.​—Efe 6:4.

Bantfwana bayabahlonipha batali babo baphindze babalalele. (Tag 23:22) Batjela batali babo ngaloko labakucabangako nendlela labativa ngayo. Bayasemukela siyalo lesivela kubatali babo futsi bayabahlonipha.​—Tag 19:20.

BUKELANI I-VIDEO LETSI YETAMA KUTSI KUBE NEKUTHULA EMNDENINI WAKHO, BESE NIPHENDVULA LOMBUTO LOLANDZELAKO:

Yini leyentiwe ngumuntfu ngamunye kute kube nenjabulo emndenini?