Tikhombo Tencwajana Yekubhalela Emhlanganweni Wekuphila KwemaKhristu Nemsebenti Wawo
© 2023 Watch Tower Bible and Tract Society of Pennsylvania
JANUARY 1-7
UMCEBO LOSEVINI LANKULUNKULU | JOBE 32-33
Dvudvuta Labo Labacindzetelekile
it-1-E 710
Elihu
Elihu bekangakhetsi, angayi ngekutsi ukusiphi sikhundla. Bekati kutsi njengaJobe, naye wabunjwa, futsi wadalwa nguNkulunkulu. Elihu akazange afune kwetfusa Jobe, kodvwa wakhuluma naye njengemngani, waze wambita ngeligama, lokuyintfo Elifazi, Bildadi nobe Sofari labangazange bayente.—Job 32:21, 22; 33:1, 6.
Unembono Lofana NewaJehova Yini Ngebutsakatsaka Balabanye?
8 Singaba neluvelo kakhulu nangabe sikhumbula kutsi labanye bazalwane nabodzadze lesibatsandzako babutsakatsaka ngesizatfu sekutsi bacindzetelwa timo letimatima njengemphilo, kuba semndenini lowehlukene ngenkholo nome kubeketelela kucindzeteleka lokukhulu. Ngalelinye lilanga natsi sitawutikhandza sisesimeni lesifanako. Ngaphambi nje kwekutsi angene eVeni Lesetsembiso, ema-Israyeli labehlupheka futsi abutsakatsaka ngalesikhatsi aseveni laseGibhithe akhunjutwa kutsi ‘angacali abe nelunya’ kubanakabo labacindzetelekile. Jehova abelindzele kutsi ema-Israyeli asite labo labebahlupheka.—Dut. 15:7, 11; Lev. 25:35-38.
9 Kunekutsi sibagceke nome sibasole labo labasetimeni letimatima, kufanele sibadvudvute. (Jobe 33:6, 7; Mat. 7:1) Nasi sibonelo: Nangabe umshayeli wesidududu atfole ingoti, kungenteka yini kutsi nakefika ewadini lalabatfole tingoti bese labodokotela bacala ngekuhlola kutsi nguye yini lobangele lengoti? Cha, esikhundleni saloko bamsita ngekushesha. Ngendlela lefanako, nangabe lotsite lesihlanganyela naye abutsakatsaka ngenca yetinkinga, umgomo wetfu kufanele ube kumsita sisebentisa imiBhalo.—Fundza 1 Thesalonika 5:14.
10 Nasicabanga ngetimo bazalwane betfu labakuto, singabubona ngalenye indlela butsakatsaka babo. Asewucabange ngabodzadze labebasolo baphikiswa yimindeni yabo iminyaka leminyenti. Labanye nasibabuka singase sibakhobose futsi sibone shengatsi babutsakatsaka, kodvwa abakhombisi yini kuba nekukholwa lokucinile nekutimisela? Nawubona make lokhulisa bantfwana ayedvwa futsi lota nabo njalo emihlanganweni, akukujabulisi yini kubona kukholwa kwakhe nekutimisela kwakhe? Akukutsintsi yini kubona labo labasebasha babambelele ecinisweni ngetulu kwekucindzetelwa bontsanga yabo esikolweni? Nasicabanga ngaloku, siyabona kutsi labo lababukeka babutsakatsaka, ‘banjingile ekukholweni’ ngendlela lefanako nalabo labangekho etinkingeni.—Jak. 2:5.
Ngusiphi Sikhatsi Lesikahle Sekukhuluma?
17 Umuntfu wesine lowavakashela Jobe bekungu-Elihu, lobekasihlobo sa-Abrahama. Bekalalele ngesikhatsi Jobe kanye nalamadvodza lamatsatfu bakhuluma. Wabalalelisisa ngesikhatsi bakhuluma ngobe ngemusa wakhona kuniketa Jobe seluleko lesamsita walungisa indlela lebekacabanga ngayo. (Jobe 33:1, 6, 17) Lobekubalulekile ku-Elihu bekukutsi advumise Jehova, angatidvumisi yena nobe lomunye umuntfu. (Jobe 32:21, 22; 37:23, 24) Kuloko lokwentiwa ngu-Elihu, sifundza kutsi kunesikhatsi sekubindza futsi ulalele. (Jak. 1:19) Siphindze sifundze nekutsi nangabe siniketa seluleko, injongo yetfu leyinhloko kufanele kube kudvumisa Jehova, singatidvumisi tsine.
18 Singakhombisa kutsi sipho sekukhuluma siligugu kitsi ngekutsi silalele seluleko lesiseBhayibhelini sekutsi kunini lapho kufanele sikhulume khona futsi kanjani. INkhosi lehlakaniphile Solomoni yaphefumulelwa kutsi ibhale: “Livi lelikhulunywe ngesikhatsi lesifanele lifanana nemahhabhula egolide labekwe etindishini tesiliva.” (Taga 25:11) Nangabe silalelisisa labanye nabakhuluma futsi sicabanga ngaphambi kwekutsi sikhulume, emavi etfu atawufanana nalamahhabhula eligolide lamahle futsi laligugu. Ngisho nobe singakutsandzi kukhuluma nobe sikhuluma kakhulu, loko lesikushoko kutawubakhutsata labanye futsi sitawenta Jehova ajabule. (Taga 23:15; Ef. 4:29) Leyo yindlela lencono kakhulu lesingakhombisa ngayo kutsi siyabonga ngalesipho lesivela kuNkulunkulu!
Kufunisisa Umcebo EVini LaNkulunkulu
Chubeka Usondzela KuJehova
10 Ngendlela lefanako, kuhle kukhatsateka ngendlela lesibukeka ngayo. Kodvwa-ke, akukadzingeki kutsi setame kamatima kususa timphawu tekuguga. Leto timphawu tingakhombisa kutsi uvutsiwe, uyahlonipheka futsi tivete nebuhle bakho bangekhatsi. Nasi sibonelo: LiBhayibheli litsi: “Budzala bungumvuzo wemphilo yekulunga; timvu tingumchele walabalungile.” (Taga 16:31) Jehova usibuka ngaleyo ndlela futsi natsi kufanele setame kutibuka ngendlela lasibuka ngayo. (Fundza 1 Phetro 3:3, 4.) Ngako-ke, kukuhlakanipha yini kutifaka engotini ngalokungakafaneli ngekutsi sihlindvwe nobe sisebentise imitsi letsite kute sishintje indlela lesibukeka ngayo? ‘Injabulo levela kuJehova’ ingumtfombo webuhle lobuvela ngekhatsi kumuntfu, ngisho nobe angakanani ngeminyaka nobe akusiphi simo semphilo. (Neh. 8:10) Kuseveni lelisha kuphela lapho sitawuphila saka futsi sibuyele sibe basha. (Jobe 33:25; Isa. 33:24) Njengobe singakefiki leso sikhatsi, kuba nekuhlakanipha kanye nekukholwa, kutasisita sihlale sisondzelene naJehova njengobe setama kujabulela kuphila kwetfu kwanyalo.—1 Thim. 4:8.
JANUARY 8-14
UMCEBO LOSEVINI LANKULUNKULU | JOBE 34-35
Nangabe Tintfo Letimbi Tenteka Kubantfu Labalungile
Ungumuntfu Lonjani Nkulunkulu?
Nkulunkulu wenta lokulungile ngaso sonkhe sikhatsi. LiBhayibheli litsi: “Akube khashane naNkulunkulu kuba ngumenti walokubi, kwenta bubi akube khashane naSomandla.” (Jobe 34:10) Tehlulelo takhe tilungile, kunjengobe nje umhlabeli asho lamavi nakakhuluma naJehova: “Ngobe wehlulela tive ngebucotfo.” (Tihlabelelo 67:4) Ngesizatfu sekutsi “Jehova ubuka inhlitiyo,” uyakhona kubona kutentisa futsi uyakhona nekubona liciniso bese wehlulela ngendlela lelungile. (1 Samuweli 16:7) Ngetulu kwaloko, Nkulunkulu uyatibona tintfo letilungile letentiwa bantfu kanye nekukhohlakala lokwenteka emhlabeni, futsi wetsembisa nekutsi bantfu “lababi bayawususwa eveni.”—Taga 2:22.
Yini Letawususwa Nakufika Umbuso WaNkulunkulu?
5 Yini Jehova latayenta? Nyalo Jehova uniketa bantfu lababi litfuba lekutsi baphendvuke. (Isa. 55:7) Kusete umuntfu lotfole sehlulelo sakhe sekugcina. Ngulelive lelibi kuphela, leselivele litfole sehlulelo salo. Kodvwa kutakwentekani ngalabantfu labangafuni kushintja, labasolo basekela lelive ngisho nobe babona kutsi kuhlupheka lokukhulu sekusondzele? Jehova wetsembisa kulibhubhisa phakadze lelive lelinebantfu lababi. (Fundza Tihlabelelo 37:10.) Bantfu lababi kungenteka batitjela kutsi ngeke basitfole lesehlulelo. Bantfu labanyenti bayakufihla loko labakwentako, futsi kungabonakala shengatsi ngeke basitfole sehlulelo kanye nemphumela waloko labakwentako. (Jobe 21:7, 9) Kodvwa naku liBhayibheli lelisikhumbuta kona: “Emehlo akhe [Nkulunkulu] abuka kuhamba kwemuntfu njalo, ubona tonkhe tinyatselo takhe. Kute bumnyama lobumnyama kuye, kute nelitfunti lelimnyama, lapho benti balokubi bangabhaca khona.” (Jobe 34:21, 22) Kute longamfihlela kona Jehova Nkulunkulu. Kute umtentisi longamkhohlisa; kute futsi nesitfunti lesimnyama kangangekutsi Nkulunkulu ngeke akhone kubona kuso. Ngemva kwe-Amagedoni, sitawutsi nasibuka indzawo yalababi, bona batawube sebangasekho. Batawube bangasekho kuze kube phakadze!—Hla. 37:12-15.
Utawuvuma Yini Kube Nalokukuvimbela Kutsi Ulandzele Jesu?
19 Kunenkinga lefanako yini nalamuhla? Yebo. Bantfu labanyenti lamuhla abasemukeli ngobe asifuni kungenela tepolitiki. Bafuna sivote nakunelukhetfo. Kodvwa nangabe sikhetsa kubuswa ngumuntfu, sisuke singamemukeli Jehova. (1 Sam. 8:4-7) Kungenteka bantfu bacabange kutsi kufanele sakhe tikolwa netibhedlela futsi sente naletinye tintfo letisita umphakatsi. Abawemukeli umlayeto wetfu ngobe sisebenta kamatima sishumayela kunekutsi setame kucatulula tinkinga talelive.
20 Yini lesingayenta kuze singaphelelwa kukholwa kwetfu? (Fundza Matewu 7:21-23.) Lokufanele kubaluleke kakhulu kitsi, kwenta umsebenti lesawunikwa nguJesu. (Mat. 28:19, 20) Akukafaneli siphatanyiswe kwetama kucatulula tinkinga talelive. Siyabatsandza bantfu futsi sinendzaba netinkinga tabo, kodvwa siyati kutsi indlela lencono yekusita bomakhelwane betfu kutsi sibafundzise ngeMbuso waNkulunkulu futsi sibasite babe nebuhlobo naJehova.
Kufunisisa Umcebo EVini LaNkulunkulu
Shengatsi Umoya Wenu Wekutinikela Ungadvumisa Jehova!
3 Jehova akamlungisanga Elihu ngalesikhatsi abuta atsi: “Nangabe ulungile, uletsani kuye, nome-ke utfolani yena esandleni sakho?” (Jobe 35:7) Kungenteka yini kutsi Elihu ngalombuto abeveta kutsi imetamo yetfu lesiyentela Nkulunkulu ayisho lutfo? Cha. Bekaveta kutsi Jehova akalahlekelwa lutfo nangabe singamkhonti. Jehova uPhelele. Ngeke size simente anjinge noma abenemandla. Ngakulokunye, nome yini lenhle lesiyentako, likhono lesinalo noma sibindzi lesinaso, konkhe kuvela kuNkulunkulu, futsi uyayinaka indlela lesikusebentisa ngayo.
JANUARY 15-21
UMCEBO LOSEVINI LANKULUNKULU | JOBE 36-37
Ungasetsemba Yini Setsembiso SaNkulunkulu Sekuphila Lokuphakadze?
Singamati Yini Vele Nkulunkulu?
IMINYAKA YANKULUNKULU: LiBhayibheli litsi Nkulunkulu bekasolo akhona “kusukela phakadze kuze kube phakadze.” (Tihlabelelo 90:2) Loku kusho kutsi Nkulunkulu ute sicalo nesiphetfo. LiBhayibheli litsi: “Bunyenti beminyaka yakhe bungetulu kwekubala kwemuntfu.”—Jobe 36:26.
Kutakusita ngani kwati loku: Nkulunkulu utsembisa kutsi bonkhe labamatiko batawutfola kuphila lokuphakadze. (Johane 17:3) Besingakwetsemba kanjani loko kube Nkulunkulu akaphili phakadze? Kute longagcwalisa lesetsembiso ngaphandle ‘kweNkhosi yaphakadze.’—1 Thimothi 1:17.
Uyabonga Yini Ngetintfo Letinhle Nkulunkulu Lakuphe Tona?
6 Ngesizatfu sekutsi umhlaba ukhweshelene nelilanga ngelibanga lelikahle, emazinga ekushisa enta kutsi emanti angabi lichwa. Kube lilanga belingaba sedvute kancane, onkhe emanti bekangasha, nemhlaba ungashisa kakhulu uze wome futsi kungaba bete lokungaphila kuwo. Kube umhlaba bowungakhwesha kancane nje elangeni, onkhe emanti angaba lichwa futsi umhlaba ungagcwala lichwa. Ngenca yekutsi Jehova wawubeka endzaweni lekahle umhlaba, kujikeleta kwemanti lakuwo kwenta kutsi tintfo letidaliwe tikhone kuphila. Lilanga lishisisa umhlaba nemanti laselwandle, bese kwakheka umswakama logucuka ube ngemafu. Njalo ngemnyaka, lilanga lenta umswakama wemanti (water evaporation) lamanyenti kwendlula onkhe emanti lasemadanyini lakhona emhlabeni. Lamanti ahlala emkhatsini wemhlaba emalanga langaba ngu-10 ngaphambi kwekutsi abe yimvula nobe sitfwatfwa. Lamanti aphindze abuyele elwandle nasemifuleni, futsi lokujikeleta kuphindze kucalele phansi. Jehova wadala lokujikeleta kuze umhlaba uhlale unemanti. Loku kuyakhombisa kutsi Jehova unemandla futsi uhlakaniphile.—Jobe 36:27, 28; Shu. 1:7.
Litsemba Lakho Alihlale Licinile
16 Litsemba lesinalo lekuphila phakadze lisipho lesiligugu lesivela kuNkulunkulu. Silibuke ngalabovu likusasa lelihle, lelo lesiciniseka ngalo kutsi litawuba khona. Lifana nelihhuka lemkhumbi kitsi, liyasisita sikhone kubhekana netinkinga, sibeketelele kuphatfwa kabi futsi size sikhone ngisho nekubhekana nekufa. Lifana nesigcoko sekutivikela, lelivikela indlela lesicabanga ngayo kuze singakwenti lokubi kunaloko sente lokuhle. Litsemba letfu lelisekelwe eBhayibhelini lisisondzeta kakhulu kuNkulunkulu futsi liveta kutsi usitsandza kakhulu. Kusisita kakhulu kugcina litsemba letfu liphila futsi licinile.
Kufunisisa Umcebo EVini LaNkulunkulu
it-1-E 492
Kusakata Tindzaba
Tindzaba nekwatiswa bekwendluliselwa ngetindlela letehlukahlukene ngetikhatsi teliBhayibheli. Kwaphela sikhatsi lesidze kusetjentiswa bantfu kutsi basakate tindzaba. (2Sa 3:17, 19; Job 37:20) Bantfu nabesuka kulenye indzawo baya kulenye, bebafike basakate tindzaba noma ngukuphi lapho bebafike beme khona kute badle, banatse nobe batsenge. Ngenca yekutsi iPalestine isemkhatsini we-Asia, Africa, kanye ne-Europe, bonkhe bantfu lebebaya etindzaweni letikhashane bebandlula khona. Ngako bantfu labahlala khona bebasheshe batitfole tindzaba letibuya kulamanye emave. Tindzaba telive kanye naletibuya kulamanye emave, betitfolakala etimakethe tasePalestine.
JANUARY 22-28
UMCEBO LOSEVINI LANKULUNKULU | JOBE 38-39
Uyatinika Yini Sikhatsi Sekubuka Indalo?
Ukulungele Yini Kulindza Jehova?
7 LiBhayibheli nalichaza indlela Jehova ladala ngayo umhlaba lisitjela ngendlela ‘lakala ngayo bukhulu bawo’ nalasimisa ngayo “tinsika” tawo, waphindze wabeka “litje lekuwusimisa.” (Jobe 38:5, 6) Watinika nesikhatsi sekubukisisa umsebenti wakhe. (Gen. 1:10, 12) Cabanga ngendlela tingilosi letativa ngayo ngesikhatsi tibona tonkhe tintfo letinsha lebetidalwe nguJehova. Tajabula kakhulu! Ngenca yaloko, tacala “kumemeta tidvumisa.” (Jobe 38:7) Yini lesiyifundzako? Kwatsatsa tinkhulungwane teminyaka kutsi Jehova acedze kudala tonkhe tintfo, kodvwa watsi nasekabuka tonkhe tintfo lebekatentile watsi ‘tinhle kakhulu.’—Gen. 1:31.
Luvuko Lukhombisa Kutsi Nkulunkulu Uyasitsandza, Uhlakaniphile Futsi Uyabeketela
2 Jehova wacala ngekudala iNdvodzana yakhe Jesu. Asebenta neNdvodzana yakhe, Jehova wacala kudala “tonkhe letinye tintfo,” lokufaka ekhatsi netingilosi. (Khol. 1:16) Jesu wajabula kakhulu ngekusebenta naBabe wakhe. (Taga 8:30) Netingilosi betijabula kakhulu. Tabona ngesikhatsi Jehova naJesu loyiNgcweti yeKwakha, badala lizulu nemhlaba. Yini leyentiwa tingilosi? Tacala ‘kuhlatjeleliswa kujabula’ futsi tachubeka tidvumisa Jehova natibona konkhe lakudalile, lokufaka ekhatsi nebantfu. (Jobe 38:7; Taga 8:31) Tonkhe tintfo Jehova latidalile tikhombisa lutsandvo nekuhlakanipha kwakhe.—Hla. 104:24; Rom. 1:20.
Fundza Lokunyenti NgaJehova Ngekubuka Indalo Yakhe
8 Singametsemba Jehova. Jehova wasita Jobe kutsi ametsembe kakhulu. (Jobe 32:2; 40:6-8) Nakasakhuluma naJobe, Nkulunkulu wakhuluma ngetintfo letinyenti latidalile, letifaka ekhatsi tinkhanyeti, emafu nemibane. Jehova waphindze wakhuluma nangetilwane letifaka ekhatsi inkhomo yesiganga nelihhashi. (Jobe 38:32-35; 39:9, 19, 20) Konkhe loku akugcinanga nje ngekuveta kutsi Nkulunkulu unemandla lamakhulu, kodvwa kwaveta nekutsi unelutsandvo futsi uhlakaniphe kakhulu. Lencociswano yasita Jobe wametsemba kakhulu Jehova kunakucala. (Jobe 42:1-6) Ngendlela lefanako, nasibukisisa indalo sikhumbula kutsi Jehova uhlakaniphe kakhulu futsi unemandla lamakhulu kunatsi. Iphindze isifundzise kutsi angaticedza tinkinga tetfu nekutsi utawuticedza nakanjani. Loku kungasenta kutsi simetsembe kakhulu.
Kufunisisa Umcebo EVini LaNkulunkulu
it-2-E 222
Umnikimtsetfo
Jehova unguMnikimtsetfo. Jehova nguye kuphela longuMnikimtsetfo lokahle emhlabeni wonkhe nasezulwini. Imitsetfo yemvelo lelawula indalo lengaphili (Job 38:4-38; Hl 104:5-19), kanye netilwane ivela kuye. (Job 39:1-30) Njengoba umuntfu ayindalo yaJehova, naye kufanele ayilalele imitsetfo yemvelo. Ngetulu kwaloko, uyakwati lokuhle nalokubi, unelikhono lekucabanga futsi angaba nebuhlobo lobuhle naJehova, ngako kufanele aphindze alalele nemtsetfo waNkulunkulu wekutiphatsa. (Rom 12:1; 1Kt 2:14-16) Umtsetfo waJehova uphindze ulalelwe natingilosi, lokutidalwa temoya.—Hl 103:20; 2Ph 2:4, 11.
Kute longaphula imitsetfo yaJehova yemvelo. (Jer 33:20, 21) Kuwo wonkhe umhlaba kanye nasezulwini, imitsetfo yaJehova yemvelo ihlale yenteka ngendlela layihlela ngayo futsi yenteka nangesikhatsi lesifanele. Ngenca yaloko, etindzaweni lapho kunabososayensi labayatiko lemitsetfo, bayakhona kubala futsi babone indlela inyeti, ema-Planet kanye naletinye tinkhanyeti lokuhamba ngayo. Noma ngubani lowetama kuphambana nalemitsetfo, etame kuyephula, uvele atfole umphumela lobuhlungu ngaleso sikhatsi. Ngalokufanako, imitsetfo yaJehova yekutiphatsa ngeke sikhone kuyishintja, kuyeca nobe sibalekele sijeziso nasiyephulile. Njengemitsetfo yaJehova yemvelo, nayo kufanele siyilalele ngisho nobe imiphumela yekungayilaleli singeke siyitfole ngaleso sikhatsi. “Nkulunkulu akasuye wekuphukutwa. Ngobe nobe yini umuntfu layihlanyelako, utawuvuna yona futsi.”—Gal 6:7; 1Tm 5:24.
JANUARY 29–FEBRUARY 4
UMCEBO LOSEVINI LANKULUNKULU | JOBE 40-42
Lesingakufundza Etintfweni Letenteka KuJobe
‘Ngubani Lowati Umcondvo WaJehova?’
4 Kuzindla ngemisebenti yaJehova, kutawusisita kutsi sibekele eceleni umkhuba wekusola Nkulunkulu sisebentisa imicabango yetfu. Umkhuba lonjalo uyawulahla Jehova njengobe akuveta loko embhalweni weTihlabelelo 50:21, watsi: “Wenta shangatsi ngifanana nawe.” Naku lokwashiwo ngulesinye sifundziswa seliBhayibheli eminyakeni lengetulu kwalengu-175 leyendlulile: “Bantfu labanemkhuba wekusola Nkulunkulu, banemicabango yekutsi Nkulunkulu kufanele asebentise imitsetfo letsandvwa ngibo.”
5 Akukafaneli sivumele kucabanga kwetfu kulawule indlela lesimhlatiya ngayo Jehova, sicabange kutsi kufanele ahambisane nemicabango yetfu. Kungani loko kubalulekile? Ngalesinye sikhatsi nasifundza imiBhalo, kungenteka sibone shengatsi letinye tetinyatselo Jehova latitsatsa atisijabulisi, ngesizatfu sekutsi imicabango yetfu ihamba igcine futsi sibantfu labanemibono lenemaphutsa. Sive sema-Israyeli sawela elugibeni lolunjalo lekucabanga ngendlela leliphutsa nasisebentelana naJehova. Nakisisa loko Jehova lakusho kuso: “Kodvwa nine nitsi: ‘Indlela yaJehova ayikalungi.’ Lalelani-ke, ninendlu yaka-Israyeli, ayikalungi yini indlela yami? Angitsi tindlela tenu letingakalungi?”—Hez. 18:25.
6 Lokungasisita singalenti leliphutsa lekusola Jehova sisebentisa kucabanga kwetfu, kutsi kusikhanyele kutsi imibono yetfu ihambe igcine futsi kucabanga kwetfu kuhle kuba nemiphumela leyinkhomba yekutsi sinemaphutsa. Jobe kwadzingeka kutsi asifundze leso sifundvo. Ngesikhatsi sekuphila kwakhe, Jobe wake waphelelwa ngemacebo waphindze waticabangela yena kuphela. Wakhohlwa tindzaba letinkhulu letendlula leyo labekabhekene nayo. Jehova wamsita ngelutsandvo kutsi akwelule kucabanga kwakhe. Imibuto lengu-70 leyehlukene Jehova layibuta Jobe, lahluleka kuyiphendvula, yamenta wabona kutsi kucabanga kwakhe kuhamba kugcine. Jobe wakulungisa kucabanga kwakhe lokuliphutsa, watehlisa.—Fundza Jobe 42:1-6.
Naka Loko Lokumcoka
12 Bekanelunya yini Jehova ngekululeka Jobe kamatima ngemuva kwekuba asahlupheke kabuhlungu kangaka? Cha, futsi naJobe akazange acabange kanjalo. Ngisho noma abebhekene nelusizi, Jobe wacala kukhuluma kahle ngaNkulunkulu. Waze watsi: “Manje sengiyatenyanya, ngiyaphendvuka ngitilahla elutfulini nasemlotseni.” Loku kwaba ngumphumela wemavi lacinile aJehova kodvwa lebekaseluleko lesifike ngesikhatsi. (Jobe 42:1-6) Ngaphambi kwaloku, Jobe bekake watfola seluleko lesilusito ku-Elihu, lobekamncane kunaye. (Jobe 32:5-10) Ngemuva kwekube Jobe sekakwemukele kulungiswa nguNkulunkulu futsi sekawulungisile umbono wakhe loliphutsa, Jehova wenta nalabanye bati kutsi ukujabulele kwetsembeka kwaJobe ngesikhatsi acindzetelekile.—Jobe 42:7, 8.
“Tsemba Jehova”
17 Jobe ungulesinye setikhonti taJehova lesahlala sinesibindzi futsi sicinile ngisho sivivinywa kamatima. Encwadzini yakhe layibhalela emaHebheru, umphostoli Pawula wakhuluma ngetikhonti taJehova letinyenti, watibita ngekutsi ‘sicumbi lesikhulu sabofakazi.’ (Heb. 12:1) Tabhekana netimo letimatima kakhulu, kodvwa tahlala tetsembekile kuko konkhe kuphila kwato. (Heb. 11:36-40) Kucinisela kwalabantfu baNkulunkulu nekusebenta kwabo kamatima bekungakabaluleki yini? Bekubalulekile! Nanobe bangazange bakubone kugcwaliseka kwato tonkhe tetsembiso taNkulunkulu, bachubeka betsemba Jehova. Ngenca yekutsi bebaciniseka kutsi Jehova uyabemukela, bebetsemba kutsi batatibona tetsembiso takhe tigcwaliseka. (Heb. 11:4, 5) Sibonelo sabo singasisita kutsi sichubeke setsemba Jehova.
18 Siphila eveni lapho khona tintfo tisuka kulokubi tiya kulokubi kakhulu. (2 Thim. 3:13) Sathane usengakacedzi kuvivinya bantfu baNkulunkulu. Ngisho nobe singabhekana nani esikhatsini lesitako, shengatsi singatimisela kwenta konkhe lokusemandleni etfu kuze sijabulise Jehova, sibe siciniseka kutsi “litsemba letfu silibeke kuNkulunkulu lophilako.” (1 Thim. 4:10) Khumbula kutsi loko Nkulunkulu lakwentela Jobe kuyakhombisa kutsi “Jehova unelutsandvo lolukhulu futsi unemusa.” (Jak. 5:11) Shengatsi natsi singahlala setsembekile kuJehova, futsi siciniseke kutsi ubanika umvuzo “labo labamfuna ngekutimisela.”—Fundza KumaHebheru 11:6.
Kufunisisa Umcebo EVini LaNkulunkulu
it-2-E 808
Kwentiwa Inhlekisa
Jobe wachubeka acotfo ngisho nobe kuhlekiswa ngaye. Kodvwa wacala kuba nembono lokabi, futsi wenta liphutsa lelabese liyalungiswa. Elihu watsi ngaJobe: “Ukhona yini umuntfu lofana naJobe, longasenandzaba nekwetfukwa?” (Job 34:7) Kunekutsi advumise Jehova, wanaka kakhulu kukhombisa labanye kutsi yena akanacala, futsi wativeta angumuntfu lolunge kakhulu kunaNkulunkulu. (Job 35:2; 36:24) Ngesikhatsi bangani bakhe labatsatfu bahlekisa ngaye, Jobe wakutsatsa kungatsi bakusho kuye hhayi kuNkulunkulu. Ngekwenta kanjalo, bekafana nemuntfu lovuma kutsi kuhlekiswe ngaye futsi angabi nandzaba nako. Ngekuhamba kwesikhatsi Nkulunkulu wachazela Jobe kutsi labangani bakhe labatsatfu kahle kahle bebakhuluma emanga ngaye Nkulunkulu. (Job 42:7) Ngesikhatsi ema-Israyeli afuna kuba nenkhosi Jehova watsi kumphrofethi Samuweli: “Abali wena kepha bala mine kutsi ngibe yinkhosi yabo.” (1Sa 8:7) NaJesu watsi kubafundzi bakhe: “Nitawutondvwa tive tonkhe [hhayi ngenca yelibito lenu, kodvwa] ngenca yelibito lami.” (Mat 24:9) Kuhlale sikhumbula letintfo kungamsita umKhristu kutsi abeketelele kuhlekwa futsi kumbeke etfubeni lelihle lekutfola umvuzo ngekubeketela kwakhe.—Luk 6:22, 23.
FEBRUARY 5-11
UMCEBO LOSEVINI LANKULUNKULU | TIHLABELELO 1-4
Khetsa UMbuso WaNkulunkulu
“Ngitawunyakatisa Tonkhe Tive”
8 Bawemukele njani bantfu lomlayeto? Labanyenti abakawemukeli. (Fundza Tihlabelelo 2:1-3.) Tive titfukutsele kakhulu. Atifuni kwemukela uMbusi lobekwe nguJehova. Umlayeto weMbuso lesiwushumayelako atiwutsatsi ‘njengetindzaba letimnandzi.’ Labanye bohulumende baze bawuvimba lomsebenti! Ngisho nobe linyenti lalababusi baletive litsi likhonta Nkulunkulu, abafuni kuyekela kubusa. Njengobe kwenta babusi bangemalanga aJesu, babusi lamuhla bamelene naLogcotjiwe waJehova ngekuhlasela balandzeli bakhe labetsembekile.—Imis. 4:25-28.
Chubeka Ungatingeneli Tindzaba Talelive Lelehlukene Ekhatsi
11 Umcebo. Nangabe imali netintfo lesinato kubaluleke kakhulu kitsi, singahle sikutfole kumatima kungatingeneli tindzaba talelive. Ngemuva kwa-1970 BoFakazi labanyenti eMalawi kwadzingeka kutsi balahlekelwe ngito tonkhe tintfo lebebanato ngobe bala kujoyina licembu lepolitiki. Lokudzabukisako kutsi labanye bakutfola kumatima kushiya imphilo yabo lentofontofo. Lomunye dzadze ligama lakhe lokunguRuth uyakhumbula: “Labanye lesatfunjwa nabo kwatsi ngemuva kwesikhatsi bajoyina licembu lepolitiki futsi babuyela emakhaya ngobe bebangafuni kuphatfwa kabi kulenkambu lebesitfunjwe kuyo.” Kodvwa bantfu baNkulunkulu labanyenti abasinjalo. Abatingeni tindzaba tepolitiki ngisho nobe loko kungaba nemphumela wekutsi balahlekelwe ngiko konkhe labanako nobe baphelelwe yimali.—Hebheru 10:34.
Kufunisisa Umcebo EVini LaNkulunkulu
it-1-E 425
Emakhoba
Timphephelezi letiphuma nakubhulwa nobe nakweliwa tintfo letitinhlavu letidliwako njengebhali nakolo. Etikhatsini letinyenti liBhayibheli nalikhuluma ngemakhoba lisuke lifanekisa, futsi loku kusitjela kutsi bantfu bakadzeni bebatayelene nekubhula lokutinhlavu. Nasekuvuniwe, njengobe lamakhoba angadliwa futsi angenamsebenti, bewahlukaniswa kuletinhlavu letidliwako. Ngenca yaloko emakhoba bewayifanekisela kahle intfo lebukelwa phansi, lengenamsebenti nalengatsandvwa, lokuyintfo lokufanele ilahlwe futsi yehlukaniswe entfweni lenhle.
Nawubhula usuke ususa timphephelezi kuletinhlavu letidliwako. Ngesikhatsi sekwewela, umoya bewuvele uhlukanise letimphephelezi kuletinhlavu ngekutsi utiphephule. (Buka WINNOWING.) Loku kuyiveta kahle indlela Jehova lasusa ngayo tihlubuki emkhatsini webantfu bakhe, nendlela lalahla ngayo bantfu lababi kanye netive letingamkhonti. (Job 21:18; Hl 1:4; 35:5; Isa 17:13; 29:5; 41:15; Hos 13:3) UMbuso waNkulunkulu utawupitjita titsa tawo tibe njengemakhoba lapheshulwa ngumoya.—Dan 2:35.
Lamakhoba langenamsebenti bewabutselwa ndzawonye ashiswe kute angatopheshulwa ngumoya abuyele emuva futsi one sivuno. Johane uMbhabhatisi wakhuluma ngentfo lefanako nakakhuluma ngekubhujiswa kwemakholwa mbumbulu, watsi Jesu Khristu utawubutsela kolo, “kodvwa emakhoba awashise ngemlilo longeke ucimeke.”—Mat 3:7-12; Luk 3:17; buka THRESHING.
FEBRUARY 12-18
UMCEBO LOSEVINI LANKULUNKULU | TIHLABELELO 5-7
Hlala Ucotfo Ngisho Labanye Bakuvisa Buhlungu
ImiBhalo Ingasicinisa Njani?
7 Ukile yini waviswa buhlungu ngumngani wakho nobe lilunga lemndeni? Nangabe kunjalo, kutakusita kufundza ngalokwentiwa yiNkhosi Davide ngesikhatsi indvodzana yayo Absalomu imvisa buhlungu futsi yetama kuba yinkhosi.—2 Sam. 15:5-14, 31; 18:6-14.
8 (1) Thantaza. Unalendzaba engcondvweni, tjela Jehova indlela lotiva ngayo ngenca yalokuphatfwa kabi lobhekene nako. (Hla. 6:6-9) Mchazele indlela lotiva ngayo. Ngemuva kwaloko, cela Jehova akusite ubone timiso longatisebentisa kuze ukhone kubhekana nalenkinga.
Ciniseka Kutsi Loko Lokukholelwako Kuliciniso
3 Kukholwa kwetfu kufanele kusekelwe ngetulu nje kwelutsandvo emaKhristu lanalo njengobe abantfu baNkulunkulu. Kungani? Asesitsi umzalwane nobe dzadze wenta sono lesikhulu, kungaba ngulomdzala welibandla nobe lihlahlandlela. Kutsiwani nangabe umzalwane nobe dzadze akuvisa buhlungu? Kutsiwani nangabe lomunye aba sihlubuki, bese utsi tsine asilikhulumi liciniso. Nangabe kwenteka tintfo letinjena, utawukhubeka yini bese uyayekela kukhonta Jehova? Yini lesiyifundzako kuloku? Nangabe ukholwa kuNkulunkulu ngenca yaloko bantfu labakwentako hhayi ngenca yekutsi unebuhlobo lobuhle naye, kutawufana nekutsi wakha indlu yakho endzaweni yalomunye umuntfu. Indlela lotiva ngayo ngaJehova nangebantfu bakhe ingakusita kuze ube nekukholwa lokucinile. Kubalulekile nekutsi ulitadishe liBhayibheli, ukucondze loko lokufundzako futsi ucwaninge kuze uciniseke kutsi loko lokufundzako ngaJehova kuliciniso.—Rom. 12:2.
4 Jesu watsi labanye bebatawemukela liciniso “ngenjabulo,” kodvwa kukholwa kwabo bekutawuba butsakatsaka nabahlangabetana netinkinga. (Fundza Matewu 13:3-6, 20, 21.) Kungenteka labanye bebangacondzi kutsi kulandzela Jesu bekutawubaletsela tinkinga kanye nebumatima. (Mat. 16:24) Kungenteka bebacabanga nekutsi kuba ngumKhristu kusho kuphila imphilo lete tinkinga nobe lenetibusiso kuphela. Nobe kunjalo, titawuba khona tinkinga kulelive lesiphila kulo lamuhla. Timo tingahle tishintje tisibangele kutsi singasajabuli sikhatsi lesitsite.—Hla. 6:6; Shu. 9:11.
Kufunisisa Umcebo EVini LaNkulunkulu
it-1-E 995
Lithuna
Acaphuna Tihlabelelo 5:9 umphostoli Pawula KubaseRoma 3:13 wafananisa bantfu lababi nalabakhohlakele “njengemathuna lavulekile.” Njengoba emathuna lavulekile kufakwa kuwo lokufile nalokonakele, nemiphimbo yabo ikhuluma tintfo letifile naletikhohlisako.—Catsanisa naMat 15:18-20.
FEBRUARY 19-25
UMCEBO LOSEVINI LANKULUNKULU | TIHLABELELO 8-10
“Awu Jehova, Ngitakudvumisa”!
Yitsatse Njengalebalulekile Indzawo Yakho Emndenini WaJehova
6 Jehova usilungiselele likhaya lelihle. Kusesele sikhatsi lesidze ngaphambi kwekutsi Jehova adale umuntfu wekucala, walungiselela bantfu umhlaba. (Jobe 38:4-6; Jer. 10:12) Ngenca yekutsi Jehova unemusa futsi uyephana, wadala tintfo letinyenti letinhle kuze sijabule. (Hla. 104:14, 15, 24) Ngaletinye tikhatsi bekacabanga ngetintfo latentile, futsi ‘wabona kutsi tinhle.’ (Gen. 1:10, 12, 31) Wakhombisa kutsi bantfu babalulekile ngekubenta ‘babuse’ tonkhe tintfo letinhle latidalile emhlabeni. (Hla. 8:6) Nkulunkulu ufuna kutsi bantfu labete sono bakujabulele kunakekela indalo yakhe lenhle kuze kube phakadze. Uhlale umbonga yini Jehova ngalesetsembiso sakhe lesihle kangaka?
Uyabonga Yini Ngetintfo Letinhle Nkulunkulu Lakuphe Tona?
10 Lenye indlela lesingakhombisa ngayo kutsi siyabonga ngesipho sekukhuluma, kutsi sichazele labo labakholelwa ekutigucukeleni kwemvelo kutsi kungani sikholwa kutsi nguNkulunkulu lowadala tonkhe tintfo. (Hla. 9:1; 1 Phet. 3:15) Bantfu labakhutsata lemfundziso yekutigucukela kwemvelo batsi umhlaba nako konkhe lokuphila kuwo akuzange kudalwe. Nasisebentisa liBhayibheli nawo onkhe emaphuzu lesicoce ngawo kulesihloko, sitawukhona kummelela Babe wetfu losezulwini futsi sichazele labo labanesifiso sekulalela kutsi kungani siciniseka kutsi Jehova unguMdali welizulu nemhlaba.—Hla. 102:25; Isa. 40:25, 26.
Indlela Lokhuluma Ngayo Isibonelo Yini Kulabanye?
13 Hlabela ngalokusuka enhlitiyweni. Nasihlabela tingoma teMbuso, lokubaluleke kakhulu kitsi kudvumisa Jehova. Lomunye dzadze lokutsiwa nguSara uyati kutsi ute kahle likhono lekuhlabela. Nobe kunjalo, ufuna kudvumisa Jehova ngekutsi ahlabele. Ngako nakalungiselela imihlangano yelibandla uphindze aphrakthize tingoma letitawuhlatjelwa. Wetama kuhlobanisa emavi lakulengoma naloko lokutawube kukhulunywa ngako emihlanganweni. Utsi: “Loko kungisita kutsi nginake kakhulu emavi lakulengoma kunekunaka indlela lengihlabela ngayo.”
Kufunisisa Umcebo EVini LaNkulunkulu
it-1-E 832
Sandla
Ngaletinye tikhatsi eBhayibhelini, loko Nkulunkulu lakufezile, lokufaka ekhatsi kubhala iMitsetfo Lelishumu etibhelekeceni tematje (Eks 31:18; Dut 9:10), kwenta timangaliso (Eks 8:18, 19), kanye nekudala emazulu (Hl 8:3) kufananiswa nemsebenti wetandla takhe. ‘Letandla’ taNkulunkulu letenta lomsebenti wekudala timelela umoya wakhe longcwele nobe emandla aNkulunkulu. Loko sikubona encwadzini yaGenesisi nayitsi umoya waNkulunkulu wawehla wenyuka ngetulu kwemanti. (Gen 1:2) Ngetulu kwaloko, imiBhalo YemaKhristu YesiGriki isenta silicondze kahle leliphuzu, ngoba kulandzisa kwaMatewu kuchaza kutsi Jesu wakhipha emadimoni “ngemoya waNkulunkulu” kantsi Lukha utsi wawakhipha “ngesandla saNkulunkulu.”—Mat 12:28; Luk 11:20.
FEBRUARY 26–MARCH 3
UMCEBO LOSEVINI LANKULUNKULU | TIHLABELELO 11-15
Tibone Sewuseveni Lelisha Lelinekuthula
w06-ZU 5/15 18 ¶3
Amaphuzu Avelele ENcwadi Yokuqala YamaHubo
11:3—Iziphi izisekelo ezidilizwayo? Lezi zisekelo yizinto ezenza umphakathi wesintu uzinze—umthetho, ukuhleleka nobulungisa. Lapho lezi zinto zingahlelekile, kuba nokuphazamiseka kwezenhlalo kanti nobulungisa abubi khona. Kulezo zimo, “olungile” kumelwe athembele ngokugcwele kuNkulunkulu.—IHubo 11:4-7.
Buyoke Buphele Yini Budlova Emhlabeni?
LiBhayibheli letsembisa kutsi masinyane Nkulunkulu utabucedza nya budlova. Lomhlaba lonebudlova utawufikelwa “lilanga lekwehlulelwa nelekubhujiswa kwebantfu labangamesabi Nkulunkulu.” (2 Phetro 3:5-7) Tidlova ngeke tiphindze tibahluphekise bantfu. Singaciniseka ngani kutsi Nkulunkulu utabucedza nya budlova?
LiBhayibheli litsi Nkulunkulu “uyamtondza lomubi nalotsandza budlova.” (Tihlabelelo 11:5) UMdali uyakutsandza kuthula nekuphatfwa kahle kwebantfu. (Tihlabelelo 33:5; 37:28) Ngiko nje angeke ayekele budlova buchubeke unomphela lamhlabeni.
Ukulungele Yini Kulindza Ngekubeketela?
15 Yini leyenta Davide walindzela Jehova ngesineke? Imphendvulo yalombuto siyitfola kutihlabelelo lapho abuta khona tikhatsi letine kutsi “Kutawuze kube ngunini?” Naku lakusho: “Kepha mine ngetsembele emseni wakho; inhlitiyo yami iyawujabula ngensindziso yakho. Ngiyakuhlabela, ngikudvumise, Simakadze, ngobe ube muhle kimi.” (Hla. 13:5, 6) Davide watsembela elutsandvweni lwaJehova. Ngekujabula lokukhulu, bekabuke phambili ekukhululweni kwakhe, futsi wakhuluma ngendlela Jehova lasebentelana ngayo naye. Davide bekaciniseka kutsi kulindzela kwakhe Nkulunkulu, bekutawuba nemphumela lomuhle.
UMbuso Wenta Intsandvo YaNkulunkulu Emhlabeni
16 Kulondzeka. Ekugcineni, umbono lokhutsatako lochazwe ku-Isaya 11:6-9 utawugcwaliseka ngemcondvo lophelele. Emadvodza, bafati kanye nebantfwana batawuphepha futsi balondzeke nobe ngukuphi lapho baya khona emhlabeni. Kute sidalwa lesingabanga ingoti, kungaba ngumuntfu nobe silwane. Cabanga ngesikhatsi lapho utawutsatsa khona leplanethi yonkhe njengelikhaya lakho, lapho ungakwati kuhlamba khona emifuleni, emachibini kanye naselwandle; ungakhona kucanca netintsaba futsi uhamba hambe etindzaweni letinetjani ungesabi lutfo. Ebusuku, ngeke ukhatsateke. Emavi lakuHezekeli 34:25 atawugcwaliseka, kangangekutsi bantfu baNkulunkulu batawukwati ‘kuhlala ehlane balale emahlatsini baphephile.’
Kufunisisa Umcebo EVini LaNkulunkulu
Seniguculiwe Yini?
12 Kuyadzabukisa kutsi emhlabeni siphila nebantfu labenta loko lokwachazwa nguPawula. Kungenteka bacabanga kutsi kusidzala nobe abakutsatsi njengalokubalulekile kuphila ngemitsetfo netimiso. Bothishela labanyenti nebatali bayakuvumela futsi bayakukhutsata kutsi “kwentiwe matsandza.” Ngekubona kwabo, konkhe kulungile, kute lokungakalungi. Ngisho nebantfu labanyenti labatsi bayakholwa banemuva wekutsi banenkhululeko yekwenta loko labacabanga kutsi kulungile, batsi bete sibopho sekulalela Nkulunkulu nemiyalo yakhe. (Hla. 14:1) Lesimo sengcondvo singase sibe yingoti kumaKhristu eliciniso. EmaKhristu langakacapheli angase abe nembono longasiwo ngemalungiselelo aNkulunkulu. Angase angabi naso sifiso sekuhambisana netintfo letentiwa ebandleni futsi angase akhonone ngetintfo langatitsandzi, nobe asingabate seluleko lesisekelwe eBhayibhelini lesimayelana nekutijabulisa, kusebentisa i-Internet kanye nekulwela kutfola imfundvo lephakeme.