Tikhombo Tencwajana Yekubhalela Emhlanganweni Wekuphila KwemaKhristu Nemsebenti Wawo
© 2024 Watch Tower Bible and Tract Society of Pennsylvania
JANUARY 6-12
UMCEBO LOSEVINI LANKULUNKULU | TIHLABELELO 127-134
Batali—Chubekani Ninakekela Sipho Senu Lesiligugu
Yitsatse Njengalebalulekile Indzawo Yakho Emndenini WaJehova
9 Jehova wente bantfu kutsi bakhone kuba nebantfwana, wabanika nemsebenti wekubafundzisa kutsi bamtsandze baphindze bamkhonte. Nangabe ungumtali, usitsatsa njengalesibalulekile yini lesipho lesiligugu? Nanobe Jehova anikete tingilosi emakhono lamanyenti lamahle, kodvwa akatenti takhona kuba nebantfwana. Ngako nangabe ungumtali, jabula kakhulu ngelilungelo lonalo lekukhulisa bantfwana. Batali baniketwe umsebenti lobalulekile wekukhulisa bantfwana babo “ngekubayala nangesicondziso saJehova.” (Ef. 6:4; Dut. 6:5-7; Hla. 127:3) Kuze inhlangano yaNkulunkulu isite batali, ibalungiselele emathulusi lamanyenti lasekelwe eBhayibhelini, lafaka ekhatsi tincwadzi, ema-video, tingoma kanye netihloko letitfolakala ku-internet. Kuyacaca kutsi Babe wetfu wasezulwini kanye neNdvodzana yakhe, babatsandza kakhulu bantfwana. (Luk. 18:15-17) Jehova uyajabula nangabe batali betsembela kuye futsi benta konkhe lokusemandleni abo kuze banakekele bantfwana babo labaligugu. Batali labenta njalo basita bantfwana babo kutsi babe nelitsemba lekuba ngemalunga emndeni waJehova kuze kube phakadze!
Batali—Ceceshani Bantfwana Benu Kutsi Batsandze Jehova
20 Bati kahle bantfwana bakho. Tihlabelelo 127 tifananisa bantfwana nemicibisholo. (Fundza Tihlabelelo 127:4.) Njengobe imicibisholo yakhiwa ngetintfo letingafanani, futsi ingalingani ngebukhulu, kanjalo nebantfwana nabo abafani. Ngako batali kufanele bacabangisise ngendlela labatawucecesha ngayo umntfwana ngamunye. Labanye labashadene esikhatsini salamuhla eveni laka-Israyeli labaphumelele ekukhuliseni bantfwana babo lababili kutsi bakhonte Jehova batsi: “Besifundzela umntfwana ngamunye liBhayibheli.” Kuliciniso kutsi inhloko yemndeni ngamunye itawuncuma kutsi kusebentisa lendlela kuyalunga nobe kuyaphumelela yini emndenini wayo.
Kufunisisa Umcebo EVini LaNkulunkulu
it-1-E 543
Tihlahla Lokukhulunywa Ngato EBhayibhelini
Umhlabeleli wakhuluma ngaletinye tincenye tesihlahla semncumo naketsembisa labo labesaba Jehova, futsi watsi: “Emadvodzana akho atakutungeleta etafuleni lakho kuhle kwemahlumela esihlahla semncumo.” (Hl 128:1-3) Emagala lajutjwe esihlahleni semncumo lesidzala nobe emahlumela avame kusetjentiswa kuze kuhlanyelwe tihlahla letinsha. Ngetulu kwaloko, tihlahla temncumo letindzala tibese tikhipha emahlumela etimphandzeni tato kuze timile kabusha. Njengalamahlumela, emadvodzana atungeleta babe wawo, nawenta njalo asuke afaka sandla ekujabuleni kwemndeni.
JANUARY 13-19
UMCEBO LOSEVINI LANKULUNKULU | TIHLABELELO 135-137
“INkhosi Yetfu Iphakeme Kunabo Bonkhe Labanye Bonkulunkulu”
it-2-E 661 ¶4-5
Emandla, Imisebenti Lemangalisako
Indlela Nkulunkulu lalawula ngayo emandla emvelo yehlukile. Kuze ativete njengaNkulunkulu weliciniso, ngaletinye tikhatsi Jehova kudzingeka kutsi alawule tintfo latidalile, kwenta njalo kutawube kuhambisana kahle nenchazelo yelibito lakhe. (Hl 135:5, 6) Nanobe lilanga, inyeti, ema-planets, kanye netinkhanyeti kuhlale kwenta loko lokwadalelwa kona, nanobe ntimo letenta kutsi kube nemoya, imvula kanye nalokunye tilandzela imitsetfo yemvelo letiyilawulako, nanobe libulo lesikhonyane kanye netinyoni tisuka kulenye indzawo tiye kulenye, kodvwa konkhe loku akulingcwelisi libito laNkulunkulu kulabo labasiphikisako nasekukhonteni kwemanga.
Nanobe kunjalo, ngaletinye tikhatsi Jehova angabangela imvelo kutsi yente tintfo letingetulu kwaleto leyadalelwa kutsi itente kuze bantfu babone kutsi vele unguNkulunkulu. Nanobe timo letifaka ekhatsi somiso, imvula lenkhulu nobe lolunye luhlobo lwesimo selitulu kuvamile kwenteka, kodvwa bekwehluka nakwenteka kuze kugcwalise siphrofetho saJehova. (Catsanisa na-1Ks 17:1; 18:1, 2, 41-45.) Etikhatsini letinyenti loko lebekwenteka kuze kugcwalise siphrofetho saJehova, bekuvame kwehluka kuloko lokuvamile, mhlawumbe ngenca yekutsi bekwenteka kakhulu (Eks 9:24) nobe ngenca yekutsi bekwenteka ngesikhatsi lesingakavami.—Eks 34:10; 1Sa 12:16-18.
Lusho Kutsini Kuwe Lutsandvo LwaJehova Lolucotfo?
16 Sitiva sivikelekile nangabe Jehova aSiphephelo setfu. Kodvwa ngaletinye tikhatsi sihle sitiva sidvumatekile, singakhoni ngisho nekwentani. Etikhatsini letinjalo, yini Jehova latasentela yona? (Fundza Tihlabelelo 136:23.) Utawufaka tandla takhe ngephansi kwetfu, asiphakamise futsi asisite sikhone kuphindze sitimele. (Hla. 28:9; 94:18) Indlela lesisitakala ngayo: Siyati kutsi singahlala setsembele kuNkulunkulu. Loko kusisita ngetindlela letimbili. Kwekucala, sinendzawo levikelekile lesingaphephela kuyo ngisho nobe sihlala kuphi. Kwesibili, Babe wetfu wasezulwini lositsandzako usikhatsalela mbamba.
Kufunisisa Umcebo EVini LaNkulunkulu
“Bayajabula Labo Labacotfo” KuJehova
12 Jehova wakhombisa ngalokucacile kutsi uneligunya leliphekeme ngetulu ‘kwetiphatsimandla.’ Cabanga nganati tibonelo letintsatfu. Faro waseGibhithe wagcilata bantfu baJehova futsi wala ngalokuphindzaphindziwe kubakhulula. Kodvwa Nkulunkulu wabakhulula futsi wenta Faro kutsi amite eLwandle Lolubovu. (Eks. 14:26-28; Hla. 136:15) INkhosi Bhelshasari yaseBhabhulona yenta lidzili futsi ‘yavukela iNkhosi yasemazulwini’ yaphindze ‘yadvumisa bonkulunkulu labakhiwe ngeligolide nangelisiliva’ kunekutsi idvumise Jehova. (Dan. 5:22, 23) Kodvwa Nkulunkulu wayitfobisa lendvodza letigcabhako. “Ngabo lobo busuku,” Bhelshasari wabulawa futsi umbuso wakhe wanikwa emaMede nemaPheresiya. (Dan. 5:28, 30, 31) INkhosi Herodi Agripha I yasePalestine yabulala umphostoli Jakobe futsi yavalela umphostoli Phetro ejele ngenhloso yekumbulala naye. Kodvwa Jehova wayivimba kutsi ikwente loko. “Ingilosi yaJehova yashaya Herodi,” futsi wafa.—Imis. 12:1-5, 21-23.
JANUARY 20-26
UMCEBO LOSEVINI LANKULUNKULU | TIHLABELELO 138-139
Ungavumeli Kwesaba Kukuvimbe
Dvumisa Jehova Nawusemihlanganweni YebuKhristu
10 Kuyenteka yini ushaywe luvalo njalo nawucabanga kuphakamisa? Nangabe kunjalo, awusiwedvwa. Liciniso likutsi labanyenti betfu baba neluvalo nabaphendvula. Ngaphambi kwekutsi uncobe kutiva ngalendlela, kufanele utfole sizatfu lesikwenta wesabe. Wesaba kutsi utakukhohlwa loko lofuna kukusho yini, noma kutsi utawusho imphendvulo lengasiyo? Wesaba kutsi timphendvulo takho ngeke tibe tinhle njengetalabanye yini? Akusikubi kutiva ngaleyondlela. Loko kukhombisa kutsi utfobekile futsi ubona labanye njengalabakhulu kunawe. Jehova uyabatsandza bantfu labatfobekile. (Hla. 138:6; Fil. 2:3) Kodvwa ufuna kutsi umdvumise uphindze ukhutsate bazalwane nabodzadze emihlanganweni. (1 Thes. 5:11) Uyakutsandza futsi utakuniketa sibindzi losidzingako.
Khutsatanani Emihlanganweni Yelibandla
7 Kungakusita kubuka lokunye lokwashiwo kubomagazini be-Sicongosekulindza labendlulile. Sibonelo nje, lungiselela kahle. (Taga 21:5) Nangabe uyicondza indzaba lefundvwako, kutawuba melula kutsi uphakamise sandla. Lokunye longakwenta kutsi usho imphendvulo lemfisha. (Taga 15:23; 17:27) Angeke ukhatsateke kakhulu nangabe imphendvulo yakho iyimfisha. Imphendvulo lemfisha lengaba ngumusho munye nobe lemibili, ingenta kube melula ngebazalwane bakho nabodzadze kutsi bayicondze kunemphendvulo lendze lenemaphuzu lamanyenti. Nangabe usho imphendvulo lemfisha ngemavi akho, utawube uyakhombisa kutsi ulungiselele kahle nekutsi uyicondza kahle indzaba lefundvwako.
Kufunisisa Umcebo EVini LaNkulunkulu
it-1-E 862 ¶4
Kucolela
Kucolela labanye yintfo umKhristu lokufanele ayente kungakhatsaliseki kutsi bamone kangaki. (Luk 17:3, 4; Efe 4:32; Kho 3:13) Nkulunkulu akabacoleli labo labangabacoleli labanye. (Mat 6:14, 15) Nanobe kunjalo, nangabe umuntfu ente sono lesikhulu futsi acoshwa ebandleni lebuKhristu, kungenteka ngekuhamba kwesikhatsi acolelwe nangabe aphendvuke mbamba. Nasekacolelwe lomuntfu, bonkhe ebandleni kufanele bamcinisekise kutsi bayamtsandza. (1Kt 5:13; 2Kt 2:6-11) Kodvwa emaKhristu akukafaneli amcolele umuntfu lowenta tintfo letimbi nalowona ngemabomu futsi angaphendvuki. Bantfu labanjalo baba titsa taNkulunkulu.—Heb 10:26-31; Hl 139:21, 22.
JANUARY 27–FEBRUARY 2
UMCEBO LOSEVINI LANKULUNKULU | TIHLABELELO 140-143
Yenta Ngekuvumelana Neticelo Takho
“Kulalelisise Loko Lokushiwo Bantfu Labahlakaniphile”
13 Tsatsa seluleko njengendlela Nkulunkulu lakhombisa ngayo kutsi uyasitsandza. Jehova usifunela lokuhle. (Taga 4:20-22) Nakaseluleka asebentisa liVi lakhe, tincwadzi letisekelwe eBhayibhelini nobe umzalwane nobe dzadze, usuke asikhombisa kutsi uyasitsandza. KumaHebheru 12:9, 10 utsi: “Usiyala kuze kusitakale tsine.”
14 Naka leseluleko hhayi indlela lesiniketwe ngayo. Ngaletinye tikhatsi singahle sive shengatsi asikaniketwa kahle leseluleko. Kuliciniso kutsi lona loniketa leseluleko kufanele ente kube melula ngalona lowelulekwako kutsi asemukele. (Gal. 6:1) Kodvwa nangabe kungitsi leselulekwako, kufanele sinake lomlayeto, ngisho nobe siva shengatsi indlela leselulekwe ngayo ayikabi kahle. Singahle sitibute: ‘Ngisho nobe ngingakayitsandzi indlela lenginiketwe ngayo leseluleko, kodvwa kukhona yini lokungangisita kuso? Ngingakhona yini kungawanaki emaphutsa alona longelulekako futsi ngizuze kuleseluleko?’ Sitawube sikhombisa kutsi sihlakaniphile nangabe silalela nobe ngabe ngusiphi seluleko lesisitfolako.—Taga 15:31.
w10-ZU 3/15 32 ¶4
Hlala ‘Uhlanzekile Enhliziyweni’ Kulezi Zikhathi Ezibucayi
Ezinye zezinceku zikaNkulunkulu ziye zacindezelwa abaphikisi, ubunzima bezomnotho nokuphathwa isifo esisongela impilo. Ngezinye izikhathi, nezinhliziyo zazo ziye zalimala. Ngisho neNkosi uDavide yabhekana nalokhu: “Umoya wami ufikelwa isinxi ngaphakathi kimi; ngaphakathi kimi inhliziyo yami izibonakalisa indikindiki.” (IHu. 143:4) Yini eyayisiza ukuba inqobe lezo ziqubu? UDavide wakhumbula lokho uNkulunkulu akwenzela izinceku zaKhe nendlela amkhulula ngayo. Wazindla ngalokho uJehova ayekwenzile ngenxa yegama laKhe. Wazindla ngemisebenzi kaNkulunkulu. (IHu. 143:5) Ngokufanayo, ukuzindla ngoMdali wethu nangakho konke aye wakwenza naqhubeka esenzela khona kuyosisiza ngisho nalapho sivivinywa.
Usasebenta Yini Umyalo Wekushada ‘ENkhosini Kuphela’?
Ngaletinye tikhatsi ungase utive njengaDavide lowatsi: “Sheshisa, Simakadze, ungiphendvule; umoya wami ushona phansi. Ungangifihleli buso bakho.” (Tihlabelelo 143:5-7, 10) Ungaphelelwa ngemandla. Nika Jehova sikhatsi kute akukhombise loko lafuna ukwente. Mlalele ngekutsi ufundze liBhayibheli futsi uzindle ngalokujulile ngaloko lokufundzile. Loku kutakusita wati kutsi yini Jehova layifunako kuwe nendlela latisite ngayo tinceku takhe tangesikhatsi lesendlulile. Nangabe umlalela, utawuba nesibindzi sekuchubeka umhlonipha.
Kufunisisa Umcebo EVini LaNkulunkulu
it-2-E 1151
Shevu Wetinyoka
Emanga kanye nemavi lanyundzelako lashiwo bantfu lababi ayalona lidvumela lemuntfu. Kungako eBhayibhelini afananiswa nesihlungu senyoka. (Hl 58:3, 4) Nalikhuluma ngebantfu labanyundzelako, liBhayibheli litsi, “Tindzebe tabo tigcwele shevu wetinyoka.” (Hl 140:3; Rom 3:13) Lulwimi lolusetjentiselwa kunyundzela, kukhuluma inhlebo lelimatako, kufundzisa emanga nobe kukhuluma noma ngumaphi emavi lalimatako, lusuke “lugcwele shevu lobulalako.”—Jak 3:8.
FEBRUARY 3-9
UMCEBO LOSEVINI LANKULUNKULU | TIHLABELELO 144-146
“Bayajabula Bantfu Nkulunkulu Wabo LokunguJehova!”
Imibuto Levela Kubafundzi
1. Cabanga ngaso sonkhe sehluko salelivesi. Tibusiso lokukhulunywa ngato kuvesi 12 kuya ku-14 titawutfolwa bantfu labalungile—labo labacela ‘kusindziswa nekuphephiswa’ kubantfu lababi (livesi 11). Livesi 15 liphindze livumelane nalamavesi njengoba ligama lelitsi ‘babusisiwe’ lisho bantfu labalungile—labo ‘Nkulunkulu wabo kunguSimakadze!’
2. Lokucondza kuvumelana nalokushiwo ngulamanye emavesi eliBhayibheli lanesetsembiso sekutsi Nkulunkulu utatibusisa kakhulu tinceku takhe letetsembekile. Letihlabelelo tikhombisa kutsi Davide bekanelitsemba lelicinile lekutsi ngemuva kwekutsi Nkulunkulu akhulule sive sema-Israyeli etitseni taso, utawabusisa ngenjabulo nangemphumelelo. (Lev. 26:9, 10; Dut. 7:13; Hla. 128:1-6) Nasi sibonelo: Dutheronomi 28:4 utsi: “Sitselo sesisu senu siyawubusiswa, nesivuno selive lenu, nemazinyane etifuyo, nemankhonyane emihlambi yenu, nemazinyane etimvu tenu newetimbuti tenu.” Ecinisweni, ngesikhatsi kubusa Solomoni indvodzana yaDavide sive sema-Israyeli besinekuthula nemphumelelo lebesingazange sibe nayo. Lokubaluleke kakhulu kutsi loko lokwenteka nakubusa Solomoni kusikhombisa loko lokutawenteka nasekubusa Mesiya.—1 Khos. 4:20, 21; Hla. 72:1-20.
Litsemba Lakho Alihlale Licinile
16 Litsemba lesinalo lekuphila phakadze lisipho lesiligugu lesivela kuNkulunkulu. Silibuke ngalabovu likusasa lelihle, lelo lesiciniseka ngalo kutsi litawuba khona. Lifana nelihhuka lemkhumbi kitsi, liyasisita sikhone kubhekana netinkinga, sibeketelele kuphatfwa kabi futsi size sikhone ngisho nekubhekana nekufa. Lifana nesigcoko sekutivikela, lelivikela indlela lesicabanga ngayo kuze singakwenti lokubi kunaloko sente lokuhle. Litsemba letfu lelisekelwe eBhayibhelini lisisondzeta kakhulu kuNkulunkulu futsi liveta kutsi usitsandza kakhulu. Kusisita kakhulu kugcina litsemba letfu liphila futsi licinile.
17 Encwadzini umphostoli Pawula layibhalela emaKhristu aseRoma, wawakhutsata watsi: “Jabulani ngenca yelitsemba leninalo.” (Rom. 12:12) Pawula bekajabula ngobe bekaciniseka ngekutsi nakahlala etsembekile bekatawutfola kuphila lokuphakadze ezulwini. Natsi siyajabula ngelitsemba lesinalo ngobe siyaciniseka kutsi Jehova utatifeza tetsembiso takhe. Umhlabeleli wabhala watsi “uyajabula . . . loyo lowetsembele kuJehova Nkulunkulu wakhe, . . . Yena uhlale etsembekile.”—Hla. 146:5, 6.
Nguluphi Lutsandvo Lolusiniketa Injabulo Sibili?
19 Ngisho noma sekuphele iminyaka lengu-6 000 bantfu bahlupheka, lelive laSathane selitawuphela. Lelive ligcwele bantfu labatitsandza bona, labatsandza imali kanye nalabatsandza kutijabulisa. Labantfu balwa kamatima kuze batfole labakufunako futsi babeka tintfo labatitsandzako kucala ekuphileni kwabo. Bantfu labanjalo ngeke kwenteke kutsi babe nenjabulo sibili. Esikhundleni saloko kuba njengobe umhlabeleli abhala: “Uyajabula umuntfu lomsiti wakhe kunguNkulunkulu waJakobe, lolitsemba lakhe likuJehova, Nkulunkulu wakhe.”—Hla. 146:5, NW.
20 Njengobe sibantfu baJehova sinelutsandvo lwaNkulunkulu futsi linani letfu liyakhula yonkhe minyaka. Lobu bufakazi bekutsi uMbuso waNkulunkulu uyabusa futsi masinyane utasiletsela tibusiso letinyenti. Injabulo sibili nalehlala njalo singayitfola ngekutsi sente intsandvo yaNkulunkulu nekwati kutsi sijabulisa Losetikwako Konkhe. Labo labatsandza Jehova batawujabula kuze kube phakadze. Esihlokweni lesilandzelako sitawucoca ngebuntfu lobubangelwa lutsandvo lwebugovu siphindze sibone kutsi behluke ngani kubuntfu betinceku taJehova.
Kufunisisa Umcebo EVini LaNkulunkulu
it-1-E 111 ¶9
Tilwane
LiBhayibheli lisifundzisa kutsi sitiphatse kahle tilwane. Ngetulu kwaloko, Jehova ukhombisile kutsi uyatitsandza tilwane ngekutsi atondle futsi atinakekele. (Tag 12:10; Hl 145:15, 16) UMtsetfo waMosi bewukhutsata bantfu kutsi batiphatse kahle tilwane letifuywako. Nangabe bahlangana nesilwane lesilahlekile, bekufanele basibuyisele kumnikati waso; nangabe lesilwane siwe nemtfwalo waso, bekufanele basisite. (Eks 23:4, 5) Nakufanele basisebentise lesilwane, bekufanele basisebentise ngendlela lekhombisa kutsi bayasicabangela. (Dut 22:10; 25:4) Nato, njengebantfu, bekufanele tiphumule futsi tingasebenti ngeliSabatha. (Eks 20:10; 23:12; Dut 5:14) Tilwane letiyingoti bekufanele tibulawe. (Gen 9:5; Eks 21:28, 29) Bekufanele tingakhwelaniswa tilwane tetinhlobo letehlukene.—Lev 19:19.
FEBRUARY 10-16
UMCEBO LOSEVINI LANKULUNKULU | TIHLABELELO 147-150
Sinetizatfu Letinyenti Tekudvumisa Jehova
Kungani Kufanele Sidvumise Jehova?
5 Jehova akazange advudvute lesive sema-Israyeli njengelicembu kuphela, kodvwa wadvudvuta umuntfu ngamunye. Nalamuhla solo wenta njalo. Umhlabeleli watsi ngaNkulunkulu: “Labanetinhlitiyo letephukile uyabaphilisa, abophe emanceba abo.” (Hla. 147:3) Jehova uyabakhatsalela labo labagulako nalabo labacindzetelekile. Lamuhla Jehova uyakulangetelela kusidvudvuta kuto tonkhe tintfo letisicindzetelako. (Hla. 34:18; Isa. 57:15) Usipha kuhlakanipha kanye nemandla ekubeketelela nobe ngukuphi kucindzeteleka lesibhekana nako.—Jak. 1:5.
6 Umhlabeleli ubese sewukhuluma ngalokusesibhakabhakeni, asitjele kutsi Jehova “ubala inombolo yetinkhanyeti, atibite tonkhe ngemabito ato.” (Hla. 147:4) Yini leyenta lomhlabeleli wase ukhuluma ngaloko lokwenteka esibhakabhakeni? Asewucabange nganaku: Umhlabeleli bekatibona tinkhanyeti, kodvwa bekangati kutsi tingakhi. Kuleminyaka leyendlulile, linani letinkhanyeti lesikhona kulibona likhule kakhulu. Labanye bacabanga kutsi kunetigidzigidzi tetinkhanyeti kulesicheme sinye setinkhanyeti lesibitwa ngekutsi yi-Milky Way. Kungenteka kunetigidzi tetigidzi tetinkhanyeti endzaweni yonkhe! Empeleni ngeke sikhone kutibala tinkhanyeti! Kodvwa tonkhe uMdali utetse emagama. Loko kusho kutsi inkhanyeti ngayinye ibalulekile kuJehova. (1 Khor. 15:41) Kangakanani-ke ngetidalwa takhe letibantfu letisemhlabeni? Njengobe Nkulunkulu ati kutsi inkhanyeti letsite ikuphi ngasiphi sikhatsi, nawe uyakwati—uyati kutsi ukuphi, utiva njani nekutsi yini loyidzingako ngesikhatsi lesitsite!
Kungani Kufanele Sidvumise Jehova?
7 Jehova akakukhatsaleli nje kuphela kodvwa unemandla ekukusita ubhekane netinkinga tekuphila futsi uyakuvela. (Fundza Tihlabelelo 147:5.) Kungenteka ucabange kutsi simo sakho simatima kakhulu futsi tinkinga lonato ngeke ukhone kutetfwala. Nkulunkulu uyakwati loko longeke ukhone kukwenta, ‘uyakhumbula kutsi ulutfuli nje.’ (Hla. 103:14) Ngenca yekutsi sinesono, senta emaphutsa lafanako emahlandla lamanyenti. Siva buhlungu kakhulu nasikhuluma kabi, sihle siba netifiso letimbi nobe sibe nemona ngaloko labanye labanako! Jehova akawenti emaphutsa lafana nalawa; nanobe kunjalo, indlela lasicondza ngayo simo setfu iyamangalisa futsi ayiphenyeki!—Isa. 40:28.
Kungani Kufanele Sidvumise Jehova?
18 Umhlabeleli bekati kutsi Nkulunkulu ubatsandza kangakanani bantfu bakhe basendvulo. Bekungibo kuphela bantfu Nkulunkulu lebekabaniketa “livi” lakhe, “timiso nemiyalo yakhe.” (Fundza Tihlabelelo 147:19, 20.) Lamuhla sibusisekile ngobe sikuphela kwebantfu lababitwa ngelibito laNkulunkulu. Kwati Jehova nekusebentisa loko lesikufundza eVini lakhe kusisitile kutsi sibe nebuhlobo lobuhle naye. Njengembhali weTihlabelelo 147, unato yini tizatfu letingakwenta umemete utsi: ‘Dvumisani Jehova’ futsi ukhutsate nalabanye kutsi nabo bente lokufanako?
Kufunisisa Umcebo EVini LaNkulunkulu
it-1-E 316
Tinyoni
Umhlabeleli watsi “tinyoni” atidvumise Jehova (Hl 148:1, 10), futsi tinyoni tiyakwenta loku ngendlela letakheke ngayo. Inyoni ngayinye ingaba netinswiba letingu-1 000 kuya kuletingetulu kwa-20 000. Luswiba ngalunye lunema-barb lamanyenti lakha intfo lenjengelinethi, i-barb ngayinye inema-barbule lamancane, kantsi i-barbule ngayinye inemakhulu ema-barbicel nema-hooklets. Ngenca yaloko, kulinganiselwa kutsi luswiba ngalunye lweluvukutfu lunema-barbule langemakhulu latinkhulungwane kanye nema-barbicel latigidzigidzi. Indlela tinswiba tenyoni letakheke ngayo kanye nendlela umtimba wenyoni lowakheke ngayo, uyendlula khashane indlela indiza leyakheke ngayo kanye nendlela lendiza ngayo. Ematsambo enyoni ete lutfo ngekhatsi, ngako loko kuyenta ibe lula. Ematsambo enyoni lebitwa ngekutsi yi-frigate bird lenetimphiko letingemamitha lamabili bubanti angase abe nesisindvo lesingamagremu langaba ngu-110. Lamanye ematsambo lasetimphikweni tetinyoni letinkhulu anetintfo letinjengetinsika, njengaleto letitfolakala etimphikweni tendiza.
FEBRUARY 17-23
UMCEBO LOSEVINI LANKULUNKULU | TAGA 1
Nine Labasha—Nitawulalela Bani?
Ungavumeli Lutfo Lukwente Ulahlekelwe Ngumvuzo!
16 Kutsiwani nangabe usemusha futsi ubona ngatsi batali bakho labangemaKhristu abakulaleli futsi bakuncisha inkhululeko? Kukhatsateka kungakwenta ungabate kutsi kukhonta Jehova yindlela lekahle yekuphila. Kepha nangabe uvumela kucindzeteleka kukwente uyekele kukhonta Jehova, utawutfola kutsi sekute umuntfu lokukhatsalela ngalokusuka enhlitiyweni ngaphandle kwelibandla kanye nebatali bakho labesaba Jehova.
17 Nangabe batali bakho bangakwekhuti bewungatibuta kutsi bayakukhatsalela yini. (Heb. 12:8) Mhlawumbe iyakukwatisa indlela batali bakho labakuyala ngayo. Esikhundleni sekutsi ukwate, yetama kubona kutsi banesizatfu sekukuyala. Ungakwati, kepha yenta konkhe lokusemandleni akho kute ungabaphendvuli kabi. LiVi laNkulunkulu litsi: “Umuntfu lofundze kuhlakanipha uyalubamba lulwimi lwakhe, lonemoya wekucondza uhlala apholile.” (Taga 17:27) Kwente umgomo wakho kuba ngumuntfu lovutsiwe, losemukela kahle seluleko futsi uzuze kuso ngephandle kwekutsi ukhatsateke ngalokwecile ngendlela lositfole ngayo. (Taga 1:8) Kusibusiso kuba nebatali labakholwako nalabatsandza Jehova ngalokusuka enhlitiyweni. Bayafisa kukusita utfole umvuzo wekuphila.
w05-ZU 2/15 19-20 ¶11-12
Ukulondoloza Lokho Esiyikho NjengamaKristu
11 Funa ukujabulisa uNkulunkulu, hhayi abantu. Kungokwemvelo ukufuna ukugxilisa umuzwa walokho esiyikho ngokuba seqenjini elithile. Wonke umuntu uyabadinga abangane, futhi ukwamukelwa kusenza sijabule. Lapho umuntu esakhula—nalapho esemdala—ukucindezela kontanga kungaba namandla, kwakhe isifiso esikhulu sokulingisa noma sokujabulisa abanye. Kodwa abangane nontanga abasifuneli okuhle ngaso sonke isikhathi. Ngezinye izikhathi, basuke nje befuna umuntu abazodudana naye ekoneni. (IzAga 1:11-19) Lapho umKristu enqotshwa ukucindezela okubi kontanga, uye azame ukuzifihla ukuthi ungumKristu. (IHubo 26:4) Umphostoli uPawulu waxwayisa: “Ukuziphatha kwenu maningakwenzi kufane nokwezwe elinizungezile.” (Roma 12:2, The Jerusalem Bible) UJehova usinika amandla angaphakathi esiwadingayo ukuze silwe nanoma ikuphi ukucindezela kwabanye kokuba sizifanise nabo.—Hebheru 13:6.
12 Lapho ukucindezela kwabanye kufuna ukulimaza umuzwa wethu wokuba amaKristu, kuhle sikhumbule ukuthi ubuqotho bethu kuNkulunkulu bubaluleke kakhulu kunombono wabantu noma ukuthambekela kweningi. Amazwi ka-Eksodusi 23:2 ayisimiso esihle: “Ungalandeli isixuku ngezinhloso ezimbi.” Lapho iningi lama-Israyeli akubo lingabaza amandla kaJehova okufeza izithembiso zaKhe, uKalebi wala waphetha ukuhambisana nalo. Wayeqiniseka ukuthi izithembiso zikaNkulunkulu zithembekile, futhi wavuzwa ngokucebile ngokuma kwakhe. (Numeri 13:30; Joshuwa 14:6-11) Ingabe nawe uzimisele ngokufanayo ukumelana nokucindezela kweningi ukuze ulondoloze ubuhlobo bakho noNkulunkulu?
Kufunisisa Umcebo EVini LaNkulunkulu
it-1-E 846
Silima
Nanobe ligama lelitsi “silima” lisho umuntfu longayisebentisi kahle ingcondvo, kodvwa nalisetjentiswa eBhayibhelini lisuke lisho umuntfu lophila imphilo lengahambisani netimiso taNkulunkulu letilungile. Nankha emagama esiHebheru lachaza umuntfu lonjalo: kesilʹ (‘umuntfu lote lwati’; Tag 1:22), ʼewilʹ (“silima”; Tag 12:15), na·valʹ (“silima”; Tag 17:7), kanye nalelitsi lets (“lowedzelelako”; Tag 13:1). Ligama lesiGriki lelitsi aʹphron lisho ‘umuntfu lote ingcondvo’ (Luk 12:20), lelitsi a·noʹe·tos lisho umuntfu ‘longenangcondvo’ (Gal 3:1), kantsi lelitsi mo·rosʹ lisho ‘silima’ nobe umuntfu ‘lolibele’ (Mat 23:17; 25:2).
FEBRUARY 24–MARCH 2
UMCEBO LOSEVINI LANKULUNKULU | TAGA 2
Kungani Kufanele Utimisele Nawudadisha?
‘Chubeka Uhamba Ecinisweni’
16 Akusitsi sonkhe lesikutsandzako kufundza nekudadisha. Kodvwa Jehova usitjela kutsi ‘sichubeke sifuna’ futsi ‘sichubeke simba’ kuze sitalicondza kancono liciniso. (Fundza Taga 2:4-6.) Sitawusitakala nasenta njalo. Nakakhuluma ngekufundza liBhayibheli, Corey utsi unaka livesi linye ngesikhatsi sinye. Utsi: “Ngifundza yonkhe imibhalo lengentansi, ngibuke onkhe emavesi lahambisana nalo ngiphindze ngicwaninge. . . . Ngifundza lokunyenti nangisebentisa lendlela!” Ngisho nobe sisebentisa lendlela nobe lenye, sisuke sikhombisa kutsi siyalitsandza liciniso nasisebentisa sikhatsi setfu nemandla kuze sidadishe.—Hla. 1:1-3.
Kuhlakanipha Lokungiko Kuyamemeta
3 Kuhlakanipha likhono lekusebentisa loko lesikwatiko kuze sente tincumo letikahle. Nobe kunjalo, kuhlakanipha lokungiko kufaka ekhatsi lokungetulu kwaloku. LiBhayibheli litsi: “Kwesaba Jehova kusicalo sekuhlakanipha, futsi kwati Nkulunkulu Longcwele kwenta umuntfu abe nekucondza.” (Taga 9:10) Ngako nakufanele sente sincumo lesibalulekile kufanele sitfole loko Jehova lakucabangako ngaloko. Loko singakwenta ngekutsi sifundze liBhayibheli kanye netincwadzi letisekelwe eBhayibhelini. Nasenta njalo sitawukhombisa kutsi sihlakaniphe mbamba.—Taga 2:5-7.
4 NguJehova kuphela longasinika kuhlakanipha lokungiko. (Rom. 16:27) Sisho ngani kutsi unguMtfombo wekuhlakanipha? Kwekucala, njengobe anguMdali, unelwati lolunyenti ngendalo yakhe futsi uyicondza kahle. (Hla. 104:24) Kwesibili, konkhe lakwentako kukhombisa kutsi uhlakaniphile. (Rom. 11:33) Kwesitsatfu, seluleko saJehova lesihlakaniphile sihlale sibasita labo labasisebentisako. (Taga 2:10-12) Nangabe sifuna kuhlakanipha lokungiko, kufanele siwemukele lamaciniso futsi siwavumele asicondzise nasenta tincumo nobe nasifuna kwenta lokutsite.
Nine Labasha, Cinisani Kukholwa Kwenu
2 Njengalosemusha loyinceku yaJehova noma ungulomunye walabasafundza ngaye, utiva uphocelelekile yini kutsi ukholelwe etimfundzisweni letivamile njengeyekutiphendvukela kwemvelo kunekutsi ukholelwe kuMdali? Nangabe kunjalo, kunetinyatselo longatitsatsa kute ucinise kukholwa kwakho. Lesinye sato kusebentisa likhono lekucabanga Nkulunkulu lakuphe lona, lelikhono leli ‘litakugadza.’ Litakuvikela kutsi ungalimati kukholwa kwakho ngetimfundziso letingemanga.—Fundza Taga 2:10-12.
3 Kukholwa sibili kusekelwe elwatini lolungulonalona ngaNkulunkulu. (1 Thim. 2:4) Njengoba utadisha liVi laNkulukulu kanye netincwadzi letisekelwe eBhayibhelini, ungamane nje uhambise emehlo, kunaloko sebentisa likhono lakho lekucabanga kuze ‘ukucondze’ kahle loko lokufundzako. (Mat. 13:23) Uma udadisha ngalendlela, utawutfola bufakazi bekutsi Jehova unguMdali wetfu nekutsi liBhayibheli livela kuye.—Heb. 11:1.
Kufunisisa Umcebo EVini LaNkulunkulu
it-1-E 1211 ¶4
Bucotfo
Ngaphandle kwekusitwa nguJehova, umuntfu ngeke akhone kuhlala acotfo. Kodvwa angakhona kuphela nangabe anekukholwa lokucinile kuJehova futsi etsembela kuye. (Hl 25:21) Nkulunkulu wetsembisa kutsi utawuba “sihlangu” kanye ‘nendzawo levikelekile’ kulabo labacotfo. (Tag 2:6-8; 10:29; Hl 41:12) Ngenca yekutsi bahlale bacabanga ngetintfo labangatenta kuze bemukeleke kuJehova, loko kubasita kutsi bachubeke bacotfo kuye. (Hl 26:1-3; Tag 11:5; 28:18) Jobe wanaka kutsi bantfu labalungile bahlupheka ngenca yekutsi umhlaba ubuswa nguSathane, futsi bafa kanye nalabo labangakalungi. Nanobe kunjalo, Jehova ucinisekisa labo labalungile kutsi likusasa labo litawuba lihle nekutsi batawuba nekuthula futsi lifa labo litawuhlala kuze kube phakadze. (Job 9:20-22; Hl 37:18, 19, 37; 84:11; Tag 28:10) Sibonelo saJobe sisifundzisa kutsi bucotfo, ngibo lobenta umuntfu kutsi ahlonipheke, hhayi bunjinga. (Tag 19:1; 28:6) Bayajabula bantfwana labatalwa ngumuntfu locotfo (Tag 20:7), ngobe bafundza lokunyenti esibonelweni sakhe, futsi bazuza ligama lelihle kanye nenhlonipho letfolwe ngulomtali wabo.