Nkulunkulu Uyayiva Yini Imithantazo Yakho?
Nawuthantaza, ucabanga kutsi Nkulunkulu uyakuva yini vele?
LITSINI LIBHAYIBHELI?
Nkulunkulu uyalalela. LiBhayibheli liyasicinisekisa kutsi “Jehova usedvute nabo bonkhe labambitako, usedvute nabo bonkhe labambita ngeliciniso. . . . Uyabeva nabakhalela lusito futsi abakhulule.”—Tihlabelelo 145:18, 19.
Nkulunkulu ufuna kutsi uthantaze kuye. LiBhayibheli litsi: “Kuko konkhe ticelo tenu atatiwe nguNkulunkulu ngekuthantaza, ngekuncusa nangekubonga.”—KubaseFiliphi 4:6.
Nkulunkulu ukukhatsalela mbamba. Nkulunkulu uyakwati lokusikhatsatako futsi ufuna kusisita. LiBhayibheli litsi: “Niphonse konkhe kukhatsateka kwenu kuye, ngobe uyanikhatsalela.”—1 Phetro 5:7.