SIFUNDVO 21

Iyini IBethel?

Two of Jehovah’s Witnesses working in the Art Department at Bethel — Lihhovisi Lekudvweba Titfombe, eMelika

One of Jehovah’s Witnesses working in the Bethel printery in Germany

One of Jehovah’s Witnesses working in the Bethel laundry in Kenya

Waiters setting tables in the Bethel dining room in Colombia

Ligama lesiHebheru lelitsi Bethel lisho ‘iNdlu yaNkulunkulu.’ (Genesisi 28:17, 19, umbhalo longentasi ku-Rbi8-E) Leligama liyatifanela takhiwo taboFakazi BaJehova letakhiwe emhlabeni wonkhe lapho umsebenti wekushumayela ucondziswa futsi usekelwe khona. Sigungu Lesibusako sisendlunkhulu yemhlaba wonkhe eNew York State, eMelika, futsi sicondzisa umsebenti lowentiwa emagatjeni lasemaveni lamanyenti. Njengelicembu, labo labasebenta kulamagatja batiwa ngekutsi ngemalunga emndeni waseBethel. Njengemndeni, bahlala ndzawonye, basebente ndzawonye, badle, baphindze bafundze liBhayibheli ndzawonye ngebunye.—Tihlabelelo 133:1.

Iyindzawo lekhetsekile lapho emalunga emndeni asebenta khona ngekutinikela. Kuwo onkhe emaBethel, kunebazalwane nabodzadze labangemaKhristu latinikele kutsi ente intsandvo yaNkulunkulu futsi akhonte yena sikhatsi sonkhe. (Matewu 6:33) Akekho kuwo lotfola umholo ekupheleni kwenyanga, kodvwa bonkhe baniketwa indzawo lekahle yekuhlala baphindze batfole kudla nemadlana lencane yekunakekela tidzingo tabo. Bonkhe labaseBethel babelwe umsebenti lotsite, kungaba sehhovisi, ekhishini nobe endzaweni yekudlela. Labanye basebenta lapho kushicilelwa khona tincwadzi nobe lapho kuhlanganiswa khona emakhasi etincwadzi, labanye bahlanta tindlu tekuhlala, labanye basebenta lapho kuwashwa khona timphahla, labanye banakekela sakhiwo naleminye imisebenti.

Yindzawo lematasatasa lesekela umsebenti wekushumayela ngeMbuso. Umgomo loyinhloko wemaBethel kwenta emaciniso eliBhayibheli afinyelele kubantfu labanyenti. Lencwajana loyifundzako ibufakazi baloko. Ibhalwe ngekucondzisa kweSigungu Lesibusako, yendluliselwa ngeluhlelo lwabongcondvomshini kubahumushi labanyenti emhlabeni wonkhe, yashicilelwa kusetjentiswa imishini lenemandla nesivinini lesikhulu kumaBethel lamanyenti, yabese itfunyelwa emabandleni lange-tulu kwa-110 000. Kuko konkhe loku, imindeni yaseBethel iniketa lusito lolufanele kute kusekelwe lomsebenti lophutfumako wekushumayela tindzaba letimnandzi.—Makho 13:10.

Bobani labasebenta eBethel, futsi basekelwa njani?
Ngumuphi umsebenti lophutfumako losekelwa nguloko lokwentiwa eBethel?