Imisebenti Lemihle Langeke Ayikhohlwe

Bonkhe bantfu baJehova bangaba neligama lelihle emsebentini longcwele labawentela Nkulunkulu. Njengemtali lobatsandzako bantfwana bakhe, futsi longatikhohlwa tintfo letinhle labatentile, Jehova akawukhohlwa umsebenti wetfu nelutsandvo lesinalo ngelibito lakhe. (Mat 6:20; Heb. 6:10) Kuliciniso kutsi sonkhe sinemakhono langafani futsi netimo tetfu atifani. Kodvwa nangabe senta lokusemandleni etfu emsebentini lesiwentela Jehova, singajabula. (Gal. 6:4; Khol. 3:23) Kuleminyaka leyendlulile, bazalwane nabodzadze labanyenti bakhonte eBethel. Ungakhona yini kuyosita eBethel? Nawungakhoni, ungamkhutsata yini lotsite kutsi ayosita nobe usite lilunga lemndeni waseBethel kutsi lichubeke likhonta Jehova kulomsebenti wasikhatsi sonkhe?

BUKELANI I-VIDEO LETSI KULUNGELE KUYOKHONTA EBETHEL, BESE NIPHENDVULA LEMIBUTO LELANDZELAKO:

• Yini lokufanele ikukhutsate kutsi uyokhonta eBethel?

• Yini labanye labayishoko ngetibusiso labatitfola ngekukhonta eBethel?

• Yini ledzingekako kute ukufanele kukhonta eBethel?

• Ungasifaka njani sicelo sekuyokhonta eBethel?