Setfulo Sencenye 6

Ema-Israyeli nakefika eVeni Lesetsembiso, lithende lekukhontela laba yindzawo yekukhonta kweliciniso. Baphristi bebafundzisa ema-Israyeli uMtsetfo futsi tikhulu betihola lesive. Lencenye ichaza kutsi tincumo netintfo lesitentako tingabatsintsa njani labanye. Um-Israyeli bekanemsebenti lokufanele awentele Jehova futsi bewubatsintsa labanye. Lencenye iveta kutsi indlela labenta ngayo boDebora, Nawomi, Joshuwa, Hana, indvodzakati yaJeftha naSamuweli yabatsintsa njani labanye. Iphindze ivete kutsi labanye lebebangasiwo ema-Israyeli njengaRahabi, Ruthe, Jayeli nemaGibeyoni bakhetsa kulandzela ema-Israyeli ngobe bebati kutsi Nkulunkulu abewasita.