Setfulo Sencenye 11

Lencenye yetfula imiBhalo yemaKhristu yesiGriki. Jesu wakhulela emndeni lophuyile lobewuhlala edolobheni lelincane. Abesita babewakhe lobekangumbati. Jesu abetawusindzisa bantfu. Jehova wamkhetsa kutsi abe yiNkhosi yeMbuso wakhe wasezulwini. Nangabe ungumtali, sita umntfwana wakho abone kutsi Jehova watinika sikhatsi nakakhetsa umndeni lotawukhulisa Jesu kanye nendzawo abetawukhulela kuyo. Naka indlela Jehova lamvikela ngayo Jesu ngesikhatsi Herodi afuna kumbulala kanye nekutsi kute lokungavimbela Jehova kutsi ente lakuhlosile. Fundza indlela Jehova lasebentisa ngayo Johane kuze alungiselele kuta kwaJesu. Gcizelela indlela Jesu lakhombisa ngayo kutsi uyakutsandza kuhlakanipha kwaJehova ngisho nangesikhatsi asemusha.