Setfulo Sencenye 12

Jesu wafundzisa bantfu ngeMbuso wasezulwini. Wabafundzisa nekutsi bathantazele ligama laNkulunkulu kutsi lingcweliswe, uMbuso wakhe ute, futsi nentsandvo yakhe yentiwe emhlabeni. Nangabe ungumtali, chazela umntfwana wakho kutsi umthantazo ubaluleke ngani kuwe. Jesu akazange avumele Sathane amente angetsembeki. Jesu wakhetsa baphostoli bakhe futsi baba yincenye yeMbuso waNkulunkulu. Naka kutsi Jesu abekutsatsa njengalokubalulekile kukhonta kweliciniso. Ngenca yekutsi abefuna kusita labanye, welapha labagulako, wanika labalambile kudla, futsi wavusa nalabafile. Ngekwenta loku, abekhombisa loko uMbuso waNkulunkulu lotawukwentela bantfu.