Hezekeli—Kuphila Kwakhe Netikhatsi

Ligama lelitsi Hezekeli lisho kutsi “Nkulunkulu Unika Emandla.” Nanobe tiphrofetho takhe tigcwele tecwayiso, kodvwa lomlayeto nasewuwonkhe uvumelana nenchazelo yeligama lakhe futsi ucinisa kukholwa kwalabo labafuna kuniketa Nkulunkulu kukhonta lokuhlantekile.

BAPHROFETHI LABAPHILA NGESIKHATSI SAKHE

• 

  JEREMIYA,

  bekavela emndenini webaphristi, lowakhonta sikhatsi lesinyenti eJerusalema (647-580 B.C.E.)

• 

  HULDA

  bekangumphrofethikati ngesikhatsi incwadzi yeMtsetfo itfolakala ethempelini cishe nga-642 B.C.E.

• 

  DANYELA,

  bekalilunga lemndeni wasebukhosini bakaJuda, futsi watsatfwa wayiswa eBhabhulona nga-617 B.C.E.

• 

  HABAKHUKI

  kubonakala shengatsi bekangumphrofethi kaJuda ngeminyaka yekucala yekubusa kwaJehoyakimu

• 

  OBADIYA

  washo tiphrofetho letimelene nesive saka-Edomu, cishe ngesikhatsi iJerusalema ibhujiswa

BAPHROFETHA NINI? (KONKHE KWENTEKA NGABO-B.C.E.)

TINTFO LETENTEKA NGESIKHATSI KUSAPHILA HEZEKELI (KONKHE KWENTEKA NGABO-B.C.E.)

1. c.643: Uyatalwa

2. 617: Utfunjelwa eBhabhulona

3. 613: Ucala kuphrofetha; ubona imibono levela kuJehova

4. 612: Ubona imibono yekukhonta lokungcolile ethempelini

5. 611: Ucala kuphrofetha ngalokumelene neJerusalema

6. 609: Umkakhe uyafa futsi kucala kuvinjetelwa kwekugcina eJerusalema

7. 607: Utfola umlayeto lomcinisekisa kutsi iJerusalema seyibhujisiwe

8. 593: Ubona umbono welithempeli

9. 591: Uphrofetha ngekuhlasela kwaNebukhadnezari iGibhithe; uyacedza kubhala

EMAKHOSI AKAJUDA NEWASEBHABHULONA

1. 659-629: Josaya ukhutsata kukhonta lokuhlantekile, kodvwa ufa emphini alwa naFaro Nekho

2. 628: Jehoyahazi ubusa tinyanga letintsatfu nje kuphela futsi akabusi kahle, ngako uncotjwa nguFaro Nekho

3. 628-618: Jehoyakimu uyinkhosi lembi futsi Faro Nekho umenta inceku yakhe

4. 625: Nebukhadnezari uncoba libutfo laseGibhithe

5. 620: Nebukhadnezari uhlasela sive sakaJuda kwekucala futsi wenta Jehoyakimu inceku yakhe lebusa eJerusalema

6. 618: Jehoyakimu uvukela Nebukhadnezari, futsi kungenteka wafa ngesikhatsi baseBhabhulona bahlasela Live Lesetsembiso kwesibili

7. 617: Jehoyakhini, lobitwa nangekutsi nguJekhoniya, uyinkhosi lembi futsi ubusa tinyanga letintsatfu, ngemuva kwaloko utinikela kuNebukhadnezari

8. 617-607: Sedekiya, loyinkhosi lekhohlakele naleligwala, wentiwa nguNebukhadnezari kutsi abeyinceku yakhe

9. 609: Sedekiya uvukela Nebukhadnezari, lowabese uhlasela sive sakaJuda kwesitsatfu

10. 607: Nebukhadnezari ubhubhisa iJerusalema, utfumba Sedekiya, umkupuluta emehlo, emuva kwaloko umyisa eBhabhulona