SIFUNDVO 8
Sebentisa Imifanekiso Lefundzisako
Matewu 13:34, 35
LOKUFANELE UKWENTE: Nawufundzisa, sebentisa imifanekiso lemelula, letsintsa tinhlitiyo talabakulalele, futsi lefundzisa emaphuzu labalulekile.
INDLELA YEKUKWENTA:
Khetsa imifanekiso lemelula. Sebentisa tintfo letincane kute uchaze letinkhulu, naletimelula kute uchaze letilukhuni, ulingise Jesu. Ungafaki imininingwane lengakadzingeki letawenta imifanekiso yakho ibe lukhuni. Ciniseka kutsi tintfo letisemfanekisweni wakho tihlangana mbamba nesifundvo losifundzisako, kute labakulalele bangadideki kutsi tingena njani.
Cabanga ngalokutawusita labakulalele. Sebentisa imifanekiso lekhuluma ngaloko labakwatiko nalabetayele kukwenta. Akukafaneli kutsi imifanekiso yakho ibadlise emahloni noma ibakhube labanye.
Hlala endzabeni. Imifanekiso yakho kufanele ihambisane nemaphuzu lamcoka, hhayi emaphuzu laseceleni. Labakulalele kufanele bangagcini ngekukhumbula umfanekiso wakho, kepha kufanele bakhumbule liphuzu lobolikhanyisa.