Bani Nesibindzi

Simiso: “Nkulunkulu wetfu wasisita saba nesibindzi sekunitjela ngetindzaba letimnandzi.”—1 Thes. 2:2.

Lokwentiwa NguJesu

Jesu ucela Zakewu kutsi ehle esihlahleni futsi loko kumangalisa lababukele.

I-VIDEO: Jesu Ushumayela Zakewu

1. Bukela le-VIDEO, nobe ufundze Lukha 19:1-7, bese uphendvula lemibuto lelandzelako:

Yini lokungenteka beyenta labanye bantfu bagweme Zakewu?
Yini leyenta Jesu kutsi amcocele tindzaba letimnandzi?

Yini Lesiyifundzako KuJesu?

2. Sidzinga kuba nesibindzi kute sikhone kushumayela umlayeto weMbuso kubo bonkhe bantfu.

Lingisa Jesu

3. Yetsembela kuJehova. Jehova wasebentisa umoya wakhe kuze anike Jesu emandla ekutsi akhone kushumayela, nawe angakunika. (Mat. 10:19, 20; Luk. 4:18) Cela Jehova kutsi akuphe sibindzi sekushumayela bantfu lokungenteka uyabesaba.—Imis. 4:29.

4. Ungamehluleli umuntfu usengakacoci naye. Singahle singabate kucoca nalabanye bantfu ngenca yendlela lababukeka ngayo, lizinga labo lekuphila nobe ngenca yetinkholelo tabo. Kodvwa khumbula:

NguJehova naJesu labakhona kufundza tinhlitiyo, tsine asikhoni.
Akukafaneli sive ngatsi Jehova angeke akhone kumsita loyo muntfu.

5. Bani nesibindzi kodvwa uhloniphe futsi ucaphele. (Mat. 10:16) Kugweme kuphikisana nemuntfu. Nangabe umuntfu angafuni kulalela tindzaba letimnandzi nobe nangabe utiva ungakaphephi, ngenhlonipho yephetsa lencociswano.—Taga 17:14.

PHINDZE UBUKE

Imis. 4:31; Ef. 6:19, 20; 2 Thim. 1:7