Phikelela

Simiso: “Abazange bayekele kufundzisa nekumemetela tindzaba letimnandzi.”—Imis. 5:42.

Lokwentiwa NguPawula

Umphostoli Pawula usehholeni ucocela licembu lebantfu tindzaba letimnandzi.

I-VIDEO: Pawula Wachubeka Ashumayela Ngesikhatsi Ase-Efesu

1. Bukela le-VIDEO, nobe ufundze Imisebenti 19:8-10, bese uphendvula lemibuto lelandzelako:

Kunekutsi ayekele ngesikhatsi labanye bamphikisa, Pawula wachubeka njani ashumayela labo lebebamlalela?
Pawula bekabuyela kangakhi kulabo bebamlalela, futsi loko wakwenta sikhatsi lesingakanani?

Yini Lesiyifundzako KuPawula?

2. Kudzingeka sente imetamo futsi sitinike sikhatsi sekubuyela kulesicoce nabo siphindze sicalise tifundvo teliBhayibheli.

Lingisa Pawula

3. Hlale ukulungele kuvakashela umuntfu ngesikhatsi lesimlungelako. Tibute: ‘Ngingacoca nini nalomuntfu futsi kuphi? Angaba naso nini sikhatsi sekucoca nami?’ Hlale ukulungele kubuyela kulococe naye ngisho nobe timo tingakuvumeli.

4. Mbute kutsi ningaphindze nicoce nini. Njalo nawucedza kucoca nalomuntfu, yetama kutfola sikhatsi lesimlungelako kuze niphindze nicoce. Ciniseka kutsi ubuyela kuye ngalesikhatsi lenivumelane ngaso.

5. Bani nelitsemba. Ungasheshi ucabange kutsi umuntfu ute sifiso sekufundza ngobe nje kumatima kumtfola ekhaya nobe amatasa kakhulu. (1 Khor. 13:4, 7) Kunaloko, chubeka wetama kutfola lomuntfu, kodvwa uciniseke kutsi usisebentisa kahle sikhatsi sakho.—1 Khor. 9:26.

PHINDZE UBUKE

Imis. 10:42; 1 Khor. 9:22, 23; 2 Khor. 4:1; Gal. 6:9