Beketela

Simiso: “Lutsandvo luyabeketela.”—1 Khor. 13:4.

Lokwentiwa NguJesu

Jesu uvakashela Jakobe umnakabo lapho kubatelwa khona. Jakobe uyamangala nakambona.

I-VIDEO: Jesu Wabeketela Ngesikhatsi Asita Umnakabo

1. Bukela le-VIDEO, nobe ufundze Johane 7:3-5 na-1 KubaseKhorinte 15:3, 4, 7, bese uphendvula lemibuto lelandzelako:

BomnakaboJesu bacale benta njani nabeva umlayeto wakhe?
Yini lekhombisa kutsi Jesu wachubeka etama kusita umnakabo, Jakobe?

Yini Lesiyifundzako KuJesu?

2. Kudzingeka sibeketele ngobe labanye bantfu batsatsa sikhatsi kwemukela tindzaba letimnandzi.

Lingisa Jesu

3. Yetama kusebentisa indlela leyehlukile. Ungamphoceleli umuntfu kutsi afundze nawe nangabe angasemukeli ngekushesha sifundvo seliBhayibheli. Nangabe kulunga, sebentisa ema-video nobe tihloko letitamsita acondze kutsi kwentekani nakuchutjwa sifundvo seliBhayibheli nekutsi yena angazuza njani.

4. Ungabacatsanisi bantfu. Bantfu abafani. Nangabe lilunga lemndeni nobe umuntfu lobuyele kuye angabata kudadisha liBhayibheli nobe kwemukela timfundziso teliBhayibheli, tfola kutsi ngusiphi sizatfu lokungenteka sibangela loko. Kukhona yini lakukholelwako lokubaluleke kakhulu kuye? Tihlobo takhe nobe bomakhelwane bayamcindzetela yini? Mnikete sikhatsi sekucabanga ngaloko lokushito, aphindze abone kubaluleka kwaloko lokushiwo liBhayibheli.

5. Mthantazele umuntfu lonesifiso sekufundza. Cela Jehova kutsi akusite uhlale unelitsemba kanye nenhlonipho. Cela Jehova akusite kutsi ubone nangabe umuntfu ete sifiso sekufundza kuze utokhona kuyekela kucoca naye.—1 Khor. 9:26.

PHINDZE UBUKE

Mak. 4:26-28; 1 Khor. 3:5-9; 2 Phet. 3:9