Kutfutfukisa Emakhono Etfu Emsebentini Wekushumayela Kusebentisa Ema-Video Ekufundziseni

KUBALULEKE NGANI?:

Ema-video angatitsintsa tinhlitiyo tebantfu ngekubenta balandzele labakubonako nalabakuvako. Loku kusita kutsi bantfu banake futsi bangasheshe bakhohlwe. Jehova usibekele sibonelo lesihamba embili ngekusebentisa tintfo lesingakhona kutibona ngemehlo kute afundzise.​—Imi 10:9-16; Sem 1:1.

Ema-video latsi Nkulunkulu Unalo Yini Libito?, Ngubani Lowabhala LiBhayibheli? kanye naletsi Yini Lengasenta Sikholwe Kutsi LiBhayibheli Liliciniso? engeta kuloko lokusetifundvweni 2 na-3 talencwajana letsi Tindzaba Letimnandzi. Ema-video latsi Kungani Kufanele Utadishe LiBhayibheli?, Yini Leyentekako Nakuchutjwa Sifundvo SeliBhayibheli? kanye naletsi Yini Leyentekako EHholeni LeMbuso? akhutsata bantfu kutsi bafundze kanye natsi liBhayibheli nobe baye emihlanganweni yelibandla. Singawasebentisa nalamanye ema-video etfu lamadze nasifundzisa bantfu liBhayibheli.​—km 5/13 3.

INDLELA YEKUKWENTA:

• Titsatsele kusenesikhatsi i-video lofuna kuyikhombisa umnikati welikhaya

• Lungiselela umbuto munye nobe lemibili letawuphendvulwa ngulevideo

• Bukelani le-video kanye kanye

• Cocani ngemaphuzu layinhloko lakule-video

YETAMA LOKU:

• Yani ngemuva kwalinye lemapheshana etfu, bese umkhombisa lekhodi letanifaka kule-video letsi Kungani Kufanele Utadishe LiBhayibheli?

• Mbukelise i-video letsi Yini Lengasenta Sikholwe Kutsi Libhayibheli Liliciniso? bese umnika incwajana letsi Tindzaba Letimnandzi, umkhombise sifundvo 3