I-Video Lensha Yekucalisa Tifundvo TeliBhayibheli

I-video leku-jw.org lenesihloko lesitsi “Kungani Kufanele Utadishe LiBhayibheli?” ikhona kufinyelela kubantfu labanyenti. Le-video yentiwe ngendlela yekutsi ikhutsate bantfu labanesifiso sekulalela tindzaba letimnandzi kutsi bemukele sifundvo seliBhayibheli samahhala. Ufika kuyo ngekutsi uchafate incenye letsi “Cela Sifundvo SeliBhayibheli” letfolakala ekugcineni kwelikhasi le-jw.org lelisekucaleni, noma ngekusikena (scan) i-QR (quick response) code letfolakala ekhasini lelingemuva lemapheshana etfu lamasha. Nati letinye tindlela lesingayisebentisa ngayo le-video.

• Nawubuyela kumuntfu loke wacoca naye, tsani: “Ngicela kukukhombisa i-video lemfishane lechaza indlela longatfola ngayo timphendvulo temibuto lonayo lemayelana neliBhayibheli.” Nangabe avuma, mkhombise le-video entfweni yakho yebuchwephesha lephatfwako lekhona kungena ku-internet noma-ke kungcondvomshini wakhe.

• Nawuhambisa lelinye lalamapheshana lamasha ube ushumayela ungakahleli, khombisa lolomhambiselako le-QR code bese umkhutsata kutsi ayisikene asebentisa intfo yebuchwephesha lekhona kwenta njalo. Etilwimini letinyenti le-QR code ivele ikufake kule-video leku-jw.org, ngako ungakhona nekuvele umdlalele yona khona lapho nje, usebentisa yakho intfo yebuchwephesha.

• Tjela losebenta nabo, lofundza nabo, tihlobo takho kanye nabo bonkhe lobatiko mayelana nale-video. Noma ubatfumelele i-link lebafaka kule-video usebentisa i-e-mail bese ubacela kutsi batibukelele yona.

Ngekusebentisa lelilungiselelo lelisha, singakhona kucalalisa tifundvo teliBhayibheli letinyenti, sisite labo ‘labatimisele kutfola kuphila lokuphakadze’ kutsi bakhe buhlobo lobuhle naNkulunkulu.—Imis. 13:48.