Sebentisa Ema-video Nawufundzisa
Ngalesikhatsi Jehova endlulisela imininingwane lebalulekile ku-Abrahama naJeremiya, akazange-nje agcine ngekubatjela ngemlomo kodvwa waphindze wasebentisa netintfo letitsite lebebakhona kutibona ngemehlo. (Gen. 15:5; Jer. 18:1-6) Singabasita labo lesibafundzelako kutsi loko labakufundzako bakucondze baphindze babone kubaluleka kwako ngekutsi sisebentise tintfo labangakhona kutibona, njengema-video. Nati tikhatsi longase ubukelise ngato labo lofundza nabo lamanye alama-video. Khumbula kutsi loku lokulangentasi akusiwo umtsetfo ngobe bafundzi abafanani.
Encwadzini letsi Lokufundziswa LiBhayibheli
◻ Sehluko 1: Ngemuva kwekufundza sigaba 17, mbukelise i-DVD letsi “The Wonders of Creation Reveal God’s Glory,” letfolakala ngesiNgisi
◻ Sehluko 2: Nasenisicedzile: mbukelise i-DVD letsi “The Bible—Mankind’s Oldest Modern Book,” letfolakala ngesiNgisi
◻ Sehluko 9: Ngemuva kwekufundza sigaba 14, mbukelise i-DVD letsi“Jehovah’s Witnesses—Organized to Share the Good News,” letfolakala ngesiNgisi
◻ Sehluko 14: Nasenisicedzile, mbukelise i-DVD letsi “The Bible—Its Power in Your Life,” letfolakala ngesiNgisi
◻ Sehluko 15: Ngemuva kwekufundza sigaba 10, mbukelise i-DVD letsi “Our Whole Association of Brothers,” letfolakala ngesiNgisi
Encwadzini letsi “Elutsandvweni LwaNkulunkulu”
◻ Sehluko 3: Ngemuva kwekufundza sigaba 15, mbukelise i-DVD letsi “Young People Ask—How Can I Make Real Friends?” letfolakala ngesiNgisi
◻ Sehluko 4: Nasenisicedzile, mbukelise i-DVD letsi “Respect Jehovah’s Authority,” letfolakala ngesiNgisi
◻ Sehluko 7: Ngemuva kwekufundza sigaba 12, mbukelise i-DVD letsi “No Blood—Medicine Meets the Challenge,” letfolakala ngesiNgisi
◻ Sehluko 9: Ngemuva kwekufundza sigaba 6, mbukelise i-DVD letsi “Warning Examples for Our Day” letfolakala ngesiNgisi
◻ Sehluko 17: Nasenisicedzile, mbukelise i-DVD letsi “‘Hamba Ngokholo, Hhayi Ngokubona’,” letfolakala ngesiZulu
Akhona yini lamanye ema-DVD langasita umuntfu lofundza naye? Sibonelo: Bantfu labaphikiswako kungase kubakhutsate kubukela i-DVD letsi “Faithful Under Trials—Jehovah’s Witnesses in the Soviet Union” nome letsi “Jehovah’s Witnesses Stand Firm Against Nazi Assault,” latfolakala ngesiNgisi. Labasha ingase ibasite i-DVD letsi “Pursue Goals That Honor God” naletsi “Young People Ask—What Will I Do With My Life?,” latfolakala ngesiNgisi. Bekisa encwadzini yakho letsi Lokufundziswa LiBhayibheli nakuletsi “Elutsandvweni LwaNkulunkulu” kute utewukhumbula kutsi ningase niyibukele nini i-DVD nalofundza naye, nome umeboleke yona atibukelele. Nakukhululwa ema-DVD, cabanga ngekutsi ungawasebentisa njani kute ufinyelele inhlitiyo yalofundza naye liBhayibheli.—Luk. 24:32.