Khuluma Ngetintfo Letitokhanga Bantfu

Lokwentiwa NguJesu

I-VIDEO: Jesu Kanye Nemfati Emtfonjeni

1. Bukela le-VIDEO, nobe ufundze Johane 4:6-9, bese uphendvula lemibuto lelandzelako:

1. Yini Jesu layinaka ngalomfati ngaphambi kwekutsi acoce naye?

2. Jesu watsi: “Ngicela unginatsise.” Yini leyenta lendlela lena yaphumelela?

Yini Lesiyifundzako KuJesu?

2. Manyenti ematfuba ekutsi sikhulume kahle nebantfu nangabe sitawucale sicoce ngaloko lokubakhangako.

Lingisa Jesu

3. Tivumelanise netimo. Ungalweli kucalisa incociswano ngesihloko lobewusilungiselele kusengaphambili. Cale ukhulume ngaloko bantfu labakucabangako ngalelo langa. Tibute:

1. ‘Yini lokukhulunywa ngayo etindzabeni?’

2. ‘Bakhuluma ngani bomakhelwane bami, bantfu lengisebenta nabo nobe lengifundza nabo?’

4. Bani ngumuntfu lonakako. Tibute:

1. ‘Wentani lomuntfu nyalo? Yini lokungenteka ucabanga ngayo?’

2. ‘Timphahla latigcokile, indlela labukeka ngayo, nobe likhaya lakhe kungitjelani ngaloko lakukholelwako nobe emasiko akhe?’

3. ‘Lesi sikhatsi lesikahle yini sekucoca nalomuntfu?’

5. Lalelisisa.

1. Ungakhulumi kakhulu.

2. Khutsata loyo lococa naye kutsi avete loko lakucabangako. Nangabe timo tivuma, mbute imibuto.