Kutfutfukisa Emakhono Etfu Emsebentini Wekushumayela​—Indlela Longacala Ngayo Kucoca Nebantfu Futsi Ugcine Ubashumayela

Jesu wakhona kushumayela umfati waseSamariya ngoba walivula litfuba lekucoca naye. Singawatfutfukisa njani emakhono etfu ekucoca nebantfu lesingabati?

• Bani nemusa futsi ucoce nebantfu. Ngisho noma bekadziniwe, Jesu wacala kucoca nalomfati ngekutsi acele emanti. Nawe ungacala ngekubingelela lomuntfu ngemusa, bese ukhuluma ngesimo selitulu, noma ngalenye indzaba lesematseni. Hlale ukhumbula kutsi usuke ufuna kwakha litfuba lekucoca, ngako khuluma nganoma ngabe yini lomuntfu latimisele kucoca ngayo. Nakangafuni, ungaphelelwa ngemandla. Yetama kutfola lomunye longacoca naye. Cela kutsi Jehova akuphe sibindzi.​—Neh 2:4; Imi 4:29.

• Nanisacoca, wanake ematfuba lavelako ekucoca ngetindzaba letimnandzi, kepha ungatatateli. Chubekani nicoca ngekukhululeka. Nangabe ujaka, lomuntfu angagcine angasafuni kucoca. Ungapheli emandla nangabe litfuba lekushumayela lingaveli nanisacoca. Nangabe ukutfola kucoca ngetindzaba letimnandzi, tetayete kucoca nebantfu ube ute umgomo wekubashumayela. [Dlala i-video 1 bese nicoca ngayo.]

• Yetama kuvula litfuba lekushumayela ngekutsi usho emavi lavela enhlitiyweni lahambisana netinkholelo takho. Loku kungenta lococa naye akubute imibuto. NaJesu washo emavi labangela kutsi lomfati abute imibuto. Umphumela waba kutsi nakaphendvula imibuto yalomfati, watikhandza sekashumayela. [Dlala i-video 2 bese nicoca ngayo, uphindze udlale i-video 3 bese nicoca ngayo.]