Loko Jesu Lakufundzisa Mayelana Naye

“Jesu abengangabati kutsi ungubani, indzawo lavela kuyo, kungani eta emhlabeni nekutsi likusasa limphatseleni.”—UMLOBI HERBERT LOCKYER.

NGEMBIKWEKUBA semukele futsi sibe nekukholwa kuloko Jesu lakufundzisa, kudzingeka sati lokutsite ngaye. Abengubani Jesu? Wavela kuphi? Yayiyini injongo yakhe ekuphileni? Etincwadzini letine teliBhayibheli—yaMatewu, yaMakho, yaLukha kanye neyaJohane—singatitfola timphendvulo talemibuto letivela kuJesu lucobo lwakhe.

Waphila ezulwini ngembikwekuba atalwe emhlabeni Jesu watsi: “Asengakabikho Abrahama, solo ngikhona mine.” (Johane 8:58) Abrahama waphila iminyaka lecishe ibe ngu-2 000 ngembikwekuba Jesu atalwe. Jesu waphindze waphila ngisho asengakatalwa khokho wetfu Abrahama. Abephila kuphi Jesu ngembikwekuba ete emhlabeni? Uyasichazela: ‘Ngehla ezulwini.’—Johane 6:38.

INdvodzana yaNkulunkulu Jehova unemadvodzana lamanyenti latingilosi. Kodvwa Jesu ungulehlukile kunawo onkhe. Jehova wambita ngekutsi ‘iNdvodzana yaNkulunkulu lekukuphela kwayo.’ (Johane 3:18) Lamavi asho kutsi Jesu nguye kuphela umuntfu Nkulunkulu lamdala ngetandla takhe. Tonkhe tintfo letikhona, Nkulunkulu watidala ngaleNdvodzana lekukuphela kwayo.—Kholose 1:16.

“INdvodzana yemuntfu” Jesu wasebentisa lenkhulumo kakhulu kwendlula letinye ayicondzise kuye lucobo lwakhe. (Matewu 8:20) Ngekwenta njalo abekhombisa kutsi akaphili etindzaweni letinyenti sikhatsi sinye. Kunaloko, abengumuntfu lote sono. Ngemoya wakhe longcwele, Nkulunkulu watfumela kuphila kweNdvodzana yakhe emhlabeni, ngekwenta Mariya lobekayintfombi ntfo! kutsi akhulelwe. Umphumela waloko waba kutalwa kwaJesu njengemuntfu lote sono.—Matewu 1:18; Lukha 1:35; Johane 8:46

Mesiya lotsenjisiwe Umfati waseSamariya watsi kuJesu: “Ngiyati kutsi Mesiya, utawufika.” Jesu wamphendvula watsi: “Nginguye mine lengikhuluma nawe.” (Johane 4:25, 26) Leligama lelitsi “Mesiya,” nalelitsi “Khristu,” asho kutsi “Logcotjiwe.” Jesu wagcotjwa nobe wabekwa nguNkulunkulu kute ente umsebenti lobalulekile ekugcwaliseni tetsembiso taNkulunkulu.

Sizatfu lesiyinhloko lesenta Jesu weta emhlabeni Jesu watsi: “Kufanele ngishumayele livangeli ngembuso waNkulunkulu ngobe Nkulunkulu ungitfume kwenta kona loko.” (Lukha 4:43) Nanobe entela bantfu labebaswele tintfo letinyenti letinhle, kushumayela ngeMbuso waNkulunkulu kwakuta kucala ekuphileni kwakhe. Loko lakufundzisa ngeMbuso sitawufundza ngako njengobe sichubeka.

Sekuyacaca kutsi Jesu abengasiye umuntfu lovamile.a Njengobe sitawubona, imphilo layiphila ezulwini yanika inchazelo yemavi lawasho ngalesikhatsi alana emhlabeni. Akukafaneli kusimangalise kwati kutsi washumayela umlayeto lobewutawutsintsa tigidzi tebantfu emhlabeni wonkhe.

[Umbhalo longentasi]