IMIBUTO YELIBHAYIBHELI IYAPHENDVULWA

Wadalwa ngubani Sathane?

Nkulunkulu akazange amdale Sathane. Esikhundleni saloko, wadala ingilosi leyatishintja yona ngekuhamba kwesikhatsi yaba nguSathane. Jesu waveta kutsi Sathane bekatsembekile futsi amsulwa. Ekucaleni, Sathane bekayingilosi yaNkulunkulu lelungile.—Fundza Johane 8:44.

Kwenteka kanjani kutsi ingilosi ibe nguSathane?

Lengilosi leyaba nguSathane yakhetsa kuphikisana naNkulunkulu yaphindze yahunga nebantfu bekucala kutsi bangamlaleli Nkulunkulu. Ngekwenta njalo, lengilosi yatenta yona yaba nguSathane lokusho “Umphikisi.”—Fundza Genesisi 3:1-5; Sembulo 12:9.

Lengilosi leyashintja yaba nguSathane beyinenkhululeko yekukhetsa emkhatsini wekwenta lokuhle nalokubi njengaletinye tidalwa taNkulunkulu kodvwa yona yaba nesifiso sekukhontwa. Sifiso sayo sekukhontwa besinemandla kwendlula sifiso sekujabulisa Nkulunkulu.—Fundza Matewu 4:8, 9; Jakobe 1:13, 14.

Sathane uchubeke kanjani nekuhunga bantfu? Kufanele yini umesabe? Timphendvulo talemibuto ungatitfola eBhayibhelini.