IMIBUTO YELIBHAYIBHELI IYAPHENDVULWA
Buyoke buphele yini buphuya?
Nkulunkulu utabucedza njani buphuya?—Matewu 6:9, 10.
Njalo ngemnyaka tigidzi tebantfu tibulawa yindlala kanye netifo. Etindzaweni letimbalwa emhlabeni bantfu baphila kahle kodvwa etindzaweni letinyenti buphuya bubhokile. LiBhayibheli likhombisa kutsi buphuya bebukhona kusukela kadzeni.—Fundza Johane 12:8.
Kuze kuphele buphuya kudzingeka hulumende munye lotawubusa umhlaba wonkhe futsi enetise tonkhe tintfo ngekulingana. Lohulumende kufanele ucedze timphi ngobe tiyimbangela lenkhulu yebuphuya. Nkulunkulu usetsembise hulumende lotakwenta loku.—Fundza Danyela 2:44.
Ngubani lotawucedza buphuya?
Nkulunkulu ukhetse Jesu kutsi abuse bantfu. (Tihlabelelo 2:4-8). Jesu utawubanaka bantfu labaphuyile aphindze acedze budlova kanye nekucindzeteleka.—Fundza Tihlabelelo 72:8, 12-14.
Njengobe abitwa ngekutsi “yiNkhosi yekuthula,” Jesu utawuletsa kuthula emhlabeni. Ngemva kwaloko bantfu batawuba nemakhaya, bangasebenteli lite futsi babe nekudla lokunyenti.—Fundza Isaya 9:6, 7; 65:21-23.