Jesu Utawucedza Buphuya

Ngesikhatsi alapha emhlabeni, Jesu wakhombisa kutsi uyabatsandza bantfu, ikakhulukati labo labaphuyile nalabacindzetelekile. (Matewu 9:36) Waze wanikela ngekuphila kwakhe ngenca yabo. (Matewu 20:28; Johane 15:13) Madvutane, utawuphindze akhombise kutsi uyabatsandza bantfu ngekutsi asebentise ligunya lakhe njengeNkhosi yeMbuso waNkulunkulu kuze acedze buphuya emhlabeni wonkhe.

Ngemavi lasankhondlo, liBhayibheli lichaza naku Jesu latakwenta:

• “Shengatsi ingavikela bantfu labangenabani, isindzise emadvodzana alabeswele.”​—Tihlabelelo 72:4.

Singakhombisa njani kutsi siyabonga ngako konkhe Jesu lasentele kona kanye nangaloko lasatasentela kona? Lenye indlela kufundza lokunyenti ngemlayeto lebekashumayela ngawo, lobewumayelana ‘netindzaba letimnandzi teMbuso waNkulunkulu’. (Lukha 4:43) Fundza sihloko lesitsi, “Uyini UMbuso WaNkulunkulu?”