EMbusweni waNkulunkulu bantfu ‘batawuhlala kahle, batijabulise ngekuthula lokukhulu.’—Tihlabelelo 37:11
Litsini Libhayibheli?
LiBhayibheli lingakusita yini kutsi ubhekane nekukhatsateka?
Ungaphendvula utsini?
Yebo
Cha
Mhlawumbe
Lokushiwo liBhayibheli
“Phonsani konkhe kukhatsateka kwenu [kuNkulunkulu], ngobe uyanikhatsalela.” (1 Phetro 5:7) LiBhayibheli liyakucinisekisa kutsi Nkulunkulu angakusita kutsi uncobe kukhatsateka.
Kukhona yini lokunye lokushiwo liBhayibheli ngalendzaba?
Nawuthantaza, ungatfola “kuthula kwaNkulunkulu” lokucedza kukhatsateka.—Filiphi 4:6, 7.
Ngetulu kwaloko, kufundza liVi laNkulunkulu kungakusita ulwisane nekucindzeteleka.—Matewu 11:28-30.
Kuyoke kuphele yini kukhatsateka?
Labanye bantfu bakholelwa . . . kutsi kukhatsateka nekucindzeteleka kuyincenye yekuphila kwebantfu, kantsi labanye batsi kukhatsateka kutawuphela ngemuva kwekufa. Wena ucabangani?
Lokushiwo liBhayibheli
Nkulunkulu utawucedza tintfo letibangela kukhatsateka. “Kufa ngeke kusaba khona, nekulila, nekukhala kanye nebuhlungu, ngeke kusaba khona.”—Sembulo 21:4.
Kukhona yini lokunye lokushiwo liBhayibheli ngalendzaba?
Nasekubusa uMbuso waNkulunkulu bantfu batawuba nekuthula.—Isaya 32:18.
Tintfo letisikhatsatako naletisibangela kucindzeteleka ngeke sisatikhumbula.—Isaya 65:17.