“Labamnene Bayawulidla Lifa Lemhlaba”

Linyenti letfu libabonile bantfu labaphatfwa kabi kanye nebantfu lababi bacindzetela labo labetama kwenta lokulungile. Siyeta yini sikhatsi lapho bubi kanye nekuphatfwa kabi kutawube kungasekho?

LiBhayibheli kuTihlabelelo 37 lisiniketa imphendvulo, kanye nesicondziso lesingasisebentisa nyalo. Naka kutsi liyiphendvula njani lemibuto lelandzelako.

• Yini lokufanele siyente nangabe siphatfwa kabi?​—Vesi 1, 2.

• Yini letawenteka kubantfu lababi?​—Vesi 10.

• Litawuba njani likusasa lalabo labenta lokulungile?​—Vesi 11, 29.

• Yini lokufanele siyente nyalo?​—liVesi 34.

Emavi laphefumulelwe lakuTihlabelelo 37 akuveta ngalokucacile kutsi labo ‘labatsemba Simakadze futsi bagcine indlela yakhe’ batawuba nelikusasa lelihle. BoFakazi BaJehova bangakujabulela kukusita udadishe liBhayibheli nekutsi yini longayenta kute wena kanye netihlobo takho nibe nelikusasa lelihle.