Longakusho Ngabomagazini

Sicongosekulindza July 1

“LiBhayibheli litsi lelive litawubhujiswa. Yini lokufanele siyente kute sisindze? [Lindzela imphendvulo.] Asewubuke loko liBhayibheli lelikushoko ku-1 Phetro 3:14 [Fundza]. Lomagazini uchaza loko lokufanele sikwente.” Khulumela sihloko lesicala ekhasini 19.

Phaphama! July

“Kufanele yini bantfu besifazane babekwe njengetikhonti? [Lindzela imphendvulo.] Naku lokushiwo liBhayibheli ngalomunye wesifazane. [Fundza Roma 16:1.] Kodvwa lelinye livesi litsi bantfu besifazane kufanele babindze ebandleni. Ngako-ke, uyini umbono weliBhayibheli ngaloku? Lesihloko sichaza kabanti ngalendzaba.” Khulumela sihloko lesicala ekhasini 28.

Sicongosekulindza August 1

“Bantfu labanyenti batsi libito laSomandla nguNkulunkulu. Kodvwa bewati yini kutsi liBhayibheli liyasitjela ngelibito laNkulunkulu? [Lindzela imphendvulo, bese ufundza Isaya 42:8, NW.] Lomagazini uchaza tizatfu tekukhishwa kwelibito laNkulunkulu kulamanye emahumusho eliBhayibheli kanye nekutsi kusho kutsini kwati Nkulunkulu ngelibito.”

Phaphama! August

“Kungenteka kutsi boFakazi BaJehova bake bacoca nawe esikhatsini lesengcile. Wake watibuta yini kutsi kungani singena umuti nemuti, ikakhulukati njengobe bantfu labanyenti bangasinaki? [Lindzela imphendvulo, bese ufundza Matewu 24:14.] Siye satfola kutsi bantfu labanyenti banemibono leliphutsa ngatsi. Lomagazini uyachaza kutsi boFakazi BaJehova babobani.”