Longakusho Ngabomagazini

Sicongosekulindza April 1

“Bantfu labanyenti bakholelwa enchubeni “yekungatfotisa.” Wena ucabangani? [Lindzela imphendvulo.] Asewubuke loko liBhayibheli lelikushoko ngalendzaba. [Fundza Dutheronomi 22:1-3.] Kulomagazini kunesihloko lesisikhutsata kutsi setsembeke.” Khulumela sihloko lesicala ekhasini 12-14.

Phaphama! April

Fundza Tihlabelelo 37:9-11, bese uyabuta: “Ucabanga kutsi umhlaba utawuba njani nasekugcwalisekile loku? [Lindzela imphendvulo.] Lesihloko sikhuluma ngalesiphrofetho lesikhutsatako futsi siphindze sichaze kutsi kungani sibona bubi lobungaka emhlabeni lamuhla.” Khulumela sihloko lesicala ekhasini 20.

Sicongosekulindza May 1

“Nababutwa ngemuntfu lowawutsintsa kakhulu umlandvo, bantfu labanyenti bavele batsi nguJesu. Wena utsini? [Lindzela imphendvulo.] Caphela kutsi kute sifundze liciniso, kungani kufanele sikhetse umbono longiwo kulemibono leminyenti lemayelana naye. [Fundza Johane 17:3.] Lomagazini lokhetsekile we-Sicongosekulindza usitjela loko liBhayibheli lelikushoko ngaJesu nangetimfundziso takhe.”

Phaphama! May

“Bantfu labanyenti bangatsandza kuyekela kubhema kodvwa bakukhandza kumatima kwenta njalo. Ukhona yini lomatiko longatsandza kukuyekela? [Lindzela imphendvulo.] Labanye bakutfole kulusito kucela bangani kanye nemindeni yabo kutsi ibasekele kuloku. [Fundza Umshumayeli 4:12a.] Lomagazini uchaza letinye tindlela letisebentako letingasita umuntfu ayekele kubhema.”