Longakusho Ngabomagazini

Sicongosekulindza January 1

“Bantfu labanyenti labasetinkholweni letehlukahlukane batsi babalandzeli baKhristu sibili. Umuntfu angakwati njani kubona umehluko emkhatsini wemaKhristu eliciniso nemaKhristu emanga? [Lindzela imphendvulo] Asewunake loko lokushiwo liBhayibheli ngalendzaba. [Fundza Matewu 7:17, 20] Lomagazini usisita sibone kutsi kusho kutsini kuba balandzeli baKhristu sibili.” Khulumela sihlokwana lesicala ekhasini 18.

Phaphama! January

Fundza Imisebenti 17:31a; bese utsi: “Kubantfu labanyenti indzaba yeLilanga Lekwehlulela iyetfusa. Wena utiva njani ngalo? [Lindzela imphendvulo.] LiBhayibheli lifundzisa kutsi Lilanga Lekwehlulela litawuletsa tibusiso letinyenti emhlabeni. Lomagazini uchaza loko.” Khulumela sihlokwana lesicala ekhasini 10.

Sicongosekulindza February 1

“Kunemibono yetinkholo leshayisanako mayelana nekusetjentiswa kwetjwala. Ucabanga kutsi Nkulunkulu uphatseka njani ngekunatsa tjwala? [Lindzela imphendvulo] Nobe liBhayibheli lisho kutsi Jesu wake washintja emanti aba liwayini, liphindze lisho naku. [Fundza Taga 23:20a.] Lomagazini ubonisa umbono weliBhayibheli lolinganisele ngalendzaba.”

Phaphama! February

“Idivosi ivame kakhulu lamuhla. Ucabanga kutsi bonkhe bantfu labashadile bayaticabanga yini tonkhe tingoni ngembi kwekutsi bakhetse kudivosa? [Lindzela imphendvulo, bese ufundza Taga 14:15.] Lomagazini uchaza tintfo letine bantfu labashadile lekufanele batihlole lapho bacabanga ngekudivosa.”