Sibonelo Setinshumayelo Lesingatisebentisa

Indlela Yekucala Tifundvo TeliBhayibheli NgeMgcibelo Wekucala Ku-July

“Sonkhe sinemalunga emndeni nobe bangani lasebashona. Unalo yini litsemba lekuphindze ubabone? [Lindzela imphendvulo.] Fundza uphindze uchaze loko lokusesihlokwaneni sekucala ekhasini 22 le-Sicongosekulindza sa-July, kanye nembhalo lowodvwa lokhonjiwe. Mnike magazini, futsi uhlele kubuya kute nicoce ngemphendvulo yembuto lolandzelako.”

Sicongosekulindza July 1

“Linyenti letfu liyazabalaza kute liphile, kantsi labanye bantfu bete ngisho netintfo letidzingekako ekuphileni. Ucabanga kutsi sitawuke sibe khona yini sikhatsi lapho kutawube sekute khona umuntfu lophuyile? [Lindzela imphendvulo, bese ufundza Tihlabelelo 9:18.] Lomagazini uveta imbangela yebuphuya kanye naloko liBhayibheli lelikushoko ngelikhambi lelingulonalona lalenkinga.”

Phaphama! July

Khuluma ngenhlekelele levetwe etindzabeni, bese utsi: “Ucabanga kutsi kungani Nkulunkulu avumela tintfo letinjena kutsi tenteke? [Lindzela imphendvulo.] Ngekusho kweliBhayibheli, Nkulunkulu uva buhlungu ngebantfu labahluphekako. [Fundza Eksodusi 3:7.] LiBhayibheli liphindze lisitjele kutsi kungani Nkulunkulu avumela kuhlupheka kanye nekutsi ngekushesha utakucedza kungaphindze kube khona. Lomagazini ukhuluma ngaloko.”