Tinshumayelo Letisibonelo Lesingatisebentisa

Kucalisa Tifundvo TeliBhayibheli NgeMgcibelo Wekucala KuJuly

“Ucabanga kutsi kungani Nkulunkulu adala umhlaba?” [Lindzela imphendvulo.] Khombisa lococa naye umbuto wekucala losekhasini lekugcina le-Sicongosekulindza sangaJuly-August bese nicoca ngekwatiswa lokungephansi kwembuto wekucala, nifundze nalokungenani munye umbhalo lokhonjiwe. Mnikete lomagazini bese uhlela kubuya nitococa ngembuto lolandzelako.

Sicongosekulindza July-August

“Emhlabeni wonkhe bantfu labanyenti bayabhema, ucabanga kutsi Nkulunkulu utiva kanjani ngekubhema? [Lindzela imphendvulo bese nifundza 2 Khorinte 7:1.] LomBhalo uveta kutsi kudzingeka sitihlante kuko konkhe kungcola kwenyama. Ekhasini 4, lomagazini uyachaza kutsi Nkulunkulu utiva kanjani ngekubhema.”

Phaphama! July

“Cishe wonkhe umuntfu uhlaselwa kuhlupheka lokutsite, kungaba yinhlekelele yemvelo, kugulela kufa noma kufelwa ngumuntfu lomtsandzako. Natenteka letintfo ucabanga kutsi kubalulekile yini kuba nembono longiwo? [Lindzela imphendvulo.] Bantfu labanyeti batfole kutsi liBhayibheli liyabasita ekubhekaneni naletinhlupheko. [Fundza Roma 15:4.] Lomagazini uchaza indlela liBhayibheli lelingasisita ngayo nasibhekene netinhlupheko.”