Ibukeka Njani?

Lona ngumbuto lomuhle lesingatibuta wona ngencwadzi lesifuna kuyihambisa. Nobe ngabe nguyiphi incwadzi lenemakhasi lagobekile, leseyiphelelwa ngumbala, lengcolile nobe ledzabukile angeke iyimelele kahle inhlangano yetfu futsi ingenta umnikati welikhaya angawunaki umlayeto lomuhle nalosindzisa kuphila lokulencwadzi.

Singatigcina njani tincwadzi tetfu tibukeka kahle? Labanyenti bakutfola kulusito kupakisha kahle tikhwama tabo tasensimini kute tintfo letifananako tibe ndzawonye. Nasi sibonelo: Baba nendzawo yekufaka tincwadzi, lenye ibe yabomagazini netincwajana, bese kutsi lenye iba yemapheshana. Ngaso sonkhe sikhatsi nababuyisela emaBhayibheli abo kanye naletinye tincwadzi esikhwameni, batifaka ngekucophelela kute tingonakali. Labanye bamemeteli bafaka tincwadzi tabo emafayeleni nobe etikhwameni letentiwe ngepulasitiki. Kunobe nguyiphi indlela lesikhetsa kuyisebentisa, asifuni bantfu batfole sizatfu sekusola umsebenti wetfu ngekutsi sibanike tincwadzi letingabukeki kahle.—2 Khor. 6:3.