Tizatfu Letingu-12 Tekushumayela

Kungani sishumayela emtini ngemuti siphindze sichube netifundvo teliBhayibheli? Kusita bantfu labanetinhlitiyo leticotfo kutsi bangene endleleni leya ekuphileni, ngiko yini lokusizatfu setfu lesiyinhloko? (Mat. 7:14) Lesi sizatfu sekucala kuleti letitawulandzela kodvwa akusiso sizatfu lesiyinhloko. Kuletizatfu letingu-12 letilandzelako tekushumayela, ngusiphi locabanga kutsi sibaluleke kakhulu?

1. Kusindzisa kuphila.—Joh. 17:3.

2. Kwecwayisa bantfu lababi.—Hez. 3:18, 19.

3. Kufaka sandla ekugcwalisekeni kwesiphrofetho seliBhayibheli.—Mat. 24:14.

4. Kukhombisa kutsi Nkulunkulu ulungile, kuze kubete umuntfu longatsi Jehova ubhubhise bantfu lababi angakabaniketi litfuba lekuphendvuka.—Imis. 17:30, 31; 1 Thim. 2:3, 4.

5. Kusenta sente konkhe lokusemandleni etfu ekusiteni bantfu labatsengwa ngengati yaJesu kutsi bakhe buhlobo lobuhle naNkulunkulu.—Rom. 1:14, 15.

6. Kusenta singabi nelicala lengati.—Imis. 20:26, 27.

7. Kuyadzingeka kute sisindziswe.—Hez. 3:19; Rom. 10:9, 10.

8. Kukhombisa kutsi siyabatsandza bomakhelwane betfu.—Mat. 22:39.

9. Kukhombisa kutsi siyamhlonipha Jehova neNdvodzana yakhe.—Mat. 28:19, 20.

10. Kuyincenye yekukhonta Nkulunkulu.—Heb. 13:15.

11. Kukhombisa kutsi siyamtsandza Nkulunkulu.—1 Joh. 5:3.

12. Kufaka sandla ekungcweliseni libito laJehova.—Isa. 43:10-12; Mat. 6:9.

Kuliciniso kutsi akusito leti kuphela tizatfu letisenta sishumayele. Sibonelo saloko kutsi kushumayela kucinisa kukholwa kwetfu kuphindze kusinikete litfuba lelikhetsekile lekuba tisebenti letibambisene naNkulunkulu. (1 Khor. 3:9) Nobe kunjalo, sizatfu lesibaluleke kakhulu sekushumayela ngulesi lesingunombolo-12. Nome ngabe bantfu bayasilalela nome abasilaleli, umsebenti wekushumayela ufaka sandla ekungcweliseni libito laNkulunkulu uphindze wente Jehova aphendvule loyo lomedzelelako. (Taga 27:11) Nembala, sinetizatfu letiphatsekako ‘tekuchubeka sishumayela tindzaba letimnandzi futsi sifundzise’ singayekeli.—Imis. 5:42.