I-DVD Letsi “Young People Ask—What Will I Do With My Life?” (Incenye 1)

Njengobe bantfu labasha bakhula, kufanele bente tincumo letibalulekile. Kwentiwe i-DVD letsi “Young People Ask—What Will I Do With My Life?” kuze basitwe. Nasewuyifakile, khetsa “Play Drama.” Nasewuyibukele, yetama kuphendvula imibuto lesesigabeni 2 langentasi. Nasewucedzile, khetsa “Interviews” bese ukhetsa “Looking Back” wetame kuphendvula imibuto lesesigabeni 3.

Ku-“Drama”: (1) Simo saThimothi sifanana njani nesimo semaKhristu lasemasha lamuhla? (2) Andre wacindzetelwa njani kutsi abe yingijimi? (3) UMzalwane Fleissig wamtjela kutsini Andre mayelana (a) nekutinikela kuJehova nasekugijimeni? (Mat. 6:24) (b) nekutsi itfolakala njani injabulo yeliciniso? (c) nalebeyimkhumbuta kona indishi labedlela kuyo nakasenkambu yekuhlushwa? (d) nebantfu yena nemkakhe labashutha nabo? (e) nekutsi uyatisola yini ngesincumo lasitsatsa sekushintja imigomo yakhe? (Fil. 3:8) (4) Gogo wa-Andre wamphendvula njani nakambuta kutsi, “Kubi yini kuba yingijimi leyatiwako?” (Luk. 4:5-7) (5) Kuwina ekugijimeni kwamenta wenetiseka yini Andre? (6) Yini loyitsandzile encwadzini yekugcina uMzalwane Fleissig layibhalela Andre? (Taga 10:22) (7) Yini uMzalwane Fleissig lasita Andre kutsi ayibone?

Ku-“Looking Back”: (8) Yini lebeyitsandvwa ngumzalwane nadzadze lotsite, futsi bebentiwa yini kutsi bayitsandze? (9) Baphumelela ngelizinga lelingakanani? (10) Yini leyenta ngamunye wabo washintja imigomo yakhe? (2 Khor. 5:15) (11) Ngumiphi imisebenti lemayelana nekukhonta Nkulunkulu leyatsatsa sikhundla setintfo labebatenta ekucaleni, futsi yini leyabenta babona kutsi ngeke bakhone kukwenta konkhe ngasikhatsi sinye? (12) Bayatisola yini ngekushintja imigomo yabo? (13) Yini labayishito lekwente wacabanga ngalokufanele ukwente ngekuphila kwakho?

Sicela uphindze ubuke nalamanye ema-“interviews” kanye nema-“supplementary material” ulungiselele kuphendvula njengobe kutawucocwa ngako eMhlanganweni Wemsebenti weliviki lelitako.