I-DVD letsi “Young People Ask—What Will I Do With My Life?” (Incenye 2)
Ku-“main menu” yale-DVD letsi “Young People Ask—What Will I Do With My Life?” khetsa “Interviews,” ngemuva kwaloko ukhetse “Sections.” Ngemuva kwekubukela letincenye letintsatfu, sebentisa sigaba-2 njengembuto wekubuketa. Ngemuva kwaloko ku-“main menu” chafata “Supplementary Material” nase ucedzile kubuka letincociswano letisihlanu letingephansi kwa-“supplementary interviews”, buketa usebentisa imibuto lesesigabeni 3.
Ku-“Sections”—ku-“Dedication to Vain Pursuits or to God”: (1) Ngumiphi imigomo bantfu labasha labacindzetelwa kutsi batibekele yona? (2) 1 Johane 2:17 ungabasita njani labasha bancume kutsi ingakanani imfundvo leselizingeni lelisetulu labayidzingako? (3) Yini indzaba kungakafaneli sivumele kwesaba kusivimbe singabhajatiswa? (4) Ngutiphi letinye tetintfo letingasisita kuze kusifanele kubhajatiswa? Ku-“Learning to Enjoy Your Ministry”: (5) Yini leyenta labanye bantfu bangakujabuleli kuya ensimini? (6) Ngutiphi letinye tetintfo letingasisita kuze sikujabulele? (7) Yini labanye bantfu labayesaba kakhulu kwendlula kukhuluma nemuntfu labangamati, futsi yini lebangela loko? (8) Singakuncoba njani kwesaba siphindze sibe nesibindzi sekukhuluma? (9) Yini leyenta kutsi kubaluleke kutfutfukisa lamanye emakhono ensimini? Ku-“An Open Door to Service”: (10) Kuba lihlahlandlela kubasite njani bantfu labanyenti kutsi batfutfukise buhlobo babo naNkulunkulu? (Fil. 3:16) (11) Yini leyenta labanye bangabate kuba ngemahlahlandlela lavamile? (12) Ngusiphi simiso lesisembhalweni lesingasisita kutsi sincobe kukhatsateka ngemnotfo? (13) Yini labanye labayentile kuze batisekele njengobe bangemahlahlandlela? (14) Yini lengentiwa nangabe timo tingavumi kutsi umuntfu abe lihlahlandlela lelivamile?
Ku-“Supplementary material”—Ku-“The Value of Personal Study”: (15) Kubaluleke ngani kuhlale uba naso sifundvo sakho lotichubela sona? Ku-“Alternative Witnessing” (leseyibitwa ngekutsi kufakaza etindzaweni tawonkhe wonkhe): (16) Kungayengeta njani injabulo kuhlanganyela etinhlotjeni letehlukehlukene tekushumayela? Ku-“Bethel Service”: (17) Kujabulisa ngani kukhonta eBethel? Ku-“Ministerial Training School”: (18) Bazuze njani bazalwane labaye kulesikolwa? (lesesibitwa ngekutsi Sikolwa Lesisekelwe EBhayibhelini Sebazalwane Labangakashadi) Ku-“Gilead Missionary Training”: (19) Peter naFiona batilungiselela njani kuba titfunywa telivangeli, futsi loko kubazuzise njani?