Gcizelela Kucalisa Tifundvo TeliBhayibheli NgeMgcibelo Wekucala Enyangeni
Kusukela nga-May 2011, bamemeteli bakhutsatwa kutsi bente imetamo yekucalisa tifundvo teliBhayibheli ngeMgcibelo wekucala enyangeni ngayinye. Kute sikhone kwenta kanjalo, kulungiselelwe sihloko lesiphuma njalo kumagazini Sicongosekulindza lesihanjiswako. Lesihloko sitsi “Imibuto YeliBhayibheli Iyaphendvulwa.” Ngako-ke umhlangano wangaphambi kwekutsi kuyiwe ensimini lobanjwa ngeMgcibelo wekucala enyangeni, kufanele ugcizelele indlela lesingasetjentiswa ngayo lesihloko kute kucaliswe tifundvo teliBhayibheli, futsi kufanele kube nemboniso wendlela yekukwenta.
Labadzala bangakhetsa kutsi licembu ngalinye lihlangane lodvwa ngaloMgcibelo wekucala, nobe bangakhetsa kutsi onkhe lamacembu ahlanganiswe ndzawonye, mhlawumbe ahlanganele eHholweni LeMbuso. Nobe kunjalo, nangabe amanyenti emabandla lasebentisa liHholwa LeMbuso, alikho libandla lekufanele lihlehlisele lolusuku lolukhetsekile lwekucalisa tifundvo teliBhayibheli kulolunye lusuku kute nje kube nemhlangano munye wangaphambi kwekuya ensimini.