Kutfutfukisa Emakhono Etfu Emsebentini Wekushumayela—Kuphendvula Labo Labetama Kuvimba Incociswano

Kubaluleke Ngani?: Asesitsi uyati kutsi kunenhlekelele yemvelo letakwenteka ngekushesha. Bantfu batawufa nangabe bangeke babalekele endzaweni lephephile. Uya kamakhelwane wakho kute umecwayise, kodvwa uvele angakunaki, akutjele kutsi yena umatasatasa. Ngalokucinisekile, angeke uvele umshiye kanjalo. Nasisensimini, bantfu labanyenti abasivumeli kutsi sicoce nabo ngoba abati kutsi umlayeto lesibaphatsele wona ungasindzisa kuphila kwabo. Kungenteka kutsi nasibavakashela basuke bamatasa. (Mat. 24:37-39) Noma kungenteka sebeve inkhulumo lengasilo liciniso ngatsi. (Mat. 11:18, 19) Kungenteka batsatse ngekutsi asikehluki kuletinkholo letiveta titselo letimbi. (2 Phet. 2:1, 2) Nangabe loyo lesicoca naye angakujabuleli kusilalela, kufanele singasheshi siphelelwe ngemandla.