Kutfutfukisa Emakhono Etfu Emsebentini Wekushumayela​—Indlela Yekuphendvula Umuntfu Lotfukutsele

Kubaluleke Ngani?: Bantfu labanyenti lesibatfola ensimini banemusa. Nanobe kunjalo, Jesu wabiketela kutsi labanye bantfu bebatasitondza. (Joh. 17:14) Ngako-ke, akukafaneli simangale nangabe sitfola umuntfu lotfukutsele ensimini. Nangabe loko kwenteka, sifuna kuphendvula ngendlela letawujabulisa loyo lesimmelelako, Jehova. (Rom. 12:17-21; 1 Phet. 3:15) Kwenta njalo kungenta lesimo singabi sibi kakhulu. Kutawuniketa bufakazi kuloyo muntfu kanye nakulabanye lababonako, kubente bafune kulalela esikhatsini lesitako nabavakashelwe BoFakazi BaJehova.​—2 Khor. 6:3.